Katonqaraǵaı aýdanynda memlekettik baǵdarlamalar aıasynda aýdanda jańa turǵyn úıler salynýda. Táýelsizdikke qol jetkizgen 30 jyl ishinde aýdanda 90 myń sharshy metrden astam turǵyn úı salyndy, 1000-nan astam otbasy jańa turǵyn úıge kóshken, – dep habarlaıdy Dalanews.kz.

Aǵymdaǵy jyldyń ózinde aýdan boıynsha 1,0 mlrd teńgeden astam qarajatqa 7,4 myń sharshy metr turǵyn úı salyndy, bul ótken jylmen salystyrǵanda 2,2 esege artyq.

Shyǵys Qazaqstan oblysy ákimi Danıal Ahmetovtyń bastamasy boıynsha turǵyn úıge muqtajdar máselesin sheshý maqsatynda ótken jyldan bastap «Bir qabatty Shyǵys» baǵdarlamasy iske asyrylýda. Osy baǵdarlama sheńberinde ótken jyly biryńǵaı sáýlettik kelbeti bar 3 eki páterli turǵyn úı paıdalanýǵa berilse, bıyl 17 páterli eki úıdiń ıeleri baspanalaryna kirdi. Olar Úlken Naryn aýylynda 10 páterli úı men Katonqaraǵaı aýylynda 7 páterli úıler.

Aǵymdaǵy jyly «Nurly jer» baǵdarlamasy aıasynda Úlken Naryn aýylynda 30 páterli turǵyn úı salynyp, paıdalanýǵa beriledi.