ۋكراينا ۇكىمەتى كاسپيي قۇبىر كونسورسيۋمىنىڭ مۇناي ينفراقۇرىلىمىنا جاسالعان شابۋىلدارعا بايلانىستى اقش مەملەكەتتىك دەپارتامەنتىنەن دەمارش العان. بۇل تۋرالى اقش-تاعى ۋكراينا ەلشىسى ولگا ستەفانيشينا مالىمدەدى. اقپاراتتى Reuters اگەنتتىگى جاريالادى، دەپ حابارلايدى Dalanews.kz.
ەلشىنىڭ سوزىنشە، مەملەكەتتىك دەپارتامەنت ۋكرايناعا "امەريكالىق مۇددەلەرگە سوققى جاساۋدان تارتىنۋ قاجەت" ەكەنىن جەتكىزگەن.
سونىمەن قاتار، ۇندەۋدە ۋكراينانى رەسەيدىڭ اسكەري نەمەسە ەنەرگەتيكالىق ينفراقۇرىلىمىنا شابۋىل جاساۋدان باس تارتۋعا شاقىرۋدى كوزدەمەگەنى ايتىلعان. ماسەلە تەك امەريكالىق ەكونوميكالىق مۇددە قوزعالۋىنا قاتىستى بولعان.
ولگا ستەفانيشينانىڭ ايتۋىنشا، كييەۆ بۇل ەسكەرتۋدى نازارعا العان. نوتادا اقش-تىڭ ءقازىر ۋكراينادا قازاقستانداعىداي ەكونوميكالىق مۇددەسى جوق ەكەنى دە كورسەتىلگەن.
ەسكە سالايىق، 2025 جىلعى 29 قاراشادا كاسپيي قۇبىر كونسورسيۋمىنىڭ تەڭىز تەرمينالى ينفراقۇرىلىمى شابۋىلدان كەيىن زاقىمدانعان ەدى. سول كۇنى تيەۋ جانە ىلەسپە وپەراسيالار توقتاتىلىپ، تانكەرلەر كقك اكۆاتورياسىنان شىعارىلعان.
