كاسپيي تەڭٸزٸنٸڭ پەسچانىي مٷيٸسٸ ماڭىنان بٸرنەشە اققۋدىڭ ٶلەكسەسٸ تابىلدى, دەپ حابارلايدى Dalanews.kz Lada.kz-كە سٸلتەمە جاساپ.
جەرگٸلٸكتٸ بالىق اۋلاۋمەن اينالىساتىن تۇرعىننىڭ ايتۋىنشا, ول قىسقا ۋاقىت ٸشٸندە وسىنداي جاعدايعا ەكٸ رەت كۋە بولعان. ونىڭ سٶزٸنشە, جاعالاۋدان شامامەن 10-عا جۋىق اققۋدىڭ ٶلەكسەسٸ انىقتالعان.
بالىقشى قۇستاردىڭ قىرىلۋىنا تەڭٸز سۋىنىڭ لاستانۋى سەبەپ بولۋى مٷمكٸن ەكەنٸن العا تارتادى. ول بۇل اۋماقتا بۇرىن دا كەمەلەردەن باللاست سۋلاردىڭ تٶگٸلگەنٸ بٸرنەشە رەت تٸركەلگەنٸن اتاپ ٶتتٸ.
9 سەۋٸر كٷنٸ جايىق-كاسپيي ٶڭٸرارالىق باسسەيندٸك بالىق شارۋاشىلىعى ينسپەكتسيياسىنىڭ ماماندارى وقيعا ورنىنا بارىپ, جاعدايدى تەكسەرۋگە كٸرٸستٸ.
ايتا كەتەيٸك, كاسپيي جاعالاۋىندا جىل سايىن ونداعان يتبالىق پەن ٶزگە دە تەڭٸز جانۋارلارىنىڭ ٶلەكسەسٸ تابىلىپ جاتادى. ەكولوگتار مەن جەرگٸلٸكتٸ تۇرعىندار بۇل قۇبىلىستى تەڭٸزدٸڭ ٶندٸرٸستٸك قالدىقتارمەن جەنە كەمە قاتىناسىنان تۋىندايتىن لاستانۋمەن بايلانىستىرادى.
