كاسپيي تەڭٸزٸنٸڭ تٷبٸمەن قازاقستان مەن ەزەربايجاندى جالعايتىن تالشىقتى-وپتيكالىق بايلانىس جەلٸسٸ ٸسكە قوسىلدى. اقتاۋ مەن سۋمگايت قالالارىنىڭ اراسىنا ۇزىندىعى 380 شاقىرىم بولاتىن كابەل تٶسەلدٸ. قوسىلۋ رەسٸمٸنە ەكٸ ەلدٸڭ مەملەكەت باسشىلارى قاتىستى. "قازاقتەلەكوم" باسقارما تٶراعاسى باعدات مۋسين بۇل جوبانى كومپانييا كومانداسىنىڭ ٷلكەن جەتٸستٸگٸ دەپ باعالادى, دەپ حابارلايدى dalanews.kz.
ونىڭ سٶزٸنشە, سۋاستى جەلٸسٸنە ارنالعان سالماعى 600 توننا ارنايى كابەل قىتايداعى زاۋىتتا جاسالعان. كەيٸن ول قۇرلىق ارقىلى 8 مىڭ شاقىرىمنان استام جول جٷرٸپ, كاسپيي جاعالاۋىنا جەتكٸزٸلگەن.
جوبانى جٷزەگە اسىرۋ الدىندا ماماندار تەڭٸز تٷبٸن زەرتتەپ, كابەل ٶتەتٸن ەڭ قولايلى باعىتتى تاڭداعان. ونى تٶسەۋ ٷشٸن ارنايى كەمە قايتا جابدىقتالىپ, قاجەتتٸ تەحنيكالىق قۇرىلعىلار ورناتىلعان. تەڭٸزدەگٸ جۇمىستى كەمە ەكيپاجى, ينجەنەرلەر مەن تەحنيكالىق ماماندار تەۋلٸك بويى اتقارعان.
"دوستار, بارشاڭىزدى قۇتتىقتايمىن! كاسپيي تەڭٸزٸ ارقىلى تالشىقتى-وپتيكالىق بايلانىس ورناتىلدى. سۋمگايتتان اقتاۋعا دەيٸن تەڭٸز تٷبٸمەن 380 شاقىرىم كابەل تٶسەلدٸ. بٸزدٸڭ كوماندا ٷشٸن بۇل ٷلكەن جەتٸستٸك", - دەدٸ باعدات مۋسين.
قازاقستانعا قانداي مٷمكٸندٸك بەرەدٸ?
باعدات مۋسين جاڭا جەلٸنٸڭ قازاقستان ٷشٸن ٷش نەگٸزگٸ ارتىقشىلىعىن اتادى. بٸرٸنشٸدەن, ەل اۋماعى ارقىلى دەرەكتەر تاسىمالى ارتىپ, قازاقستان قىتاي مەن ەۋروپا اراسىنداعى تسيفرلىق ترانزيتكە قوسىلادى. وسىلايشا ەلٸمٸز تاۋارمەن قاتار, اقپارات اعىنىن دا تاسىمالدايتىن بولادى.
"قىتاي مەن ەۋروپا اراسىندا ەندٸ تەك تاۋار عانا ەمەس, دەرەكتەر دە تاسىمالدانادى. بۇل قازاقستاننىڭ ترانزيتتٸك ەلەۋەتٸن جاڭا دەڭگەيگە كٶتەرەدٸ", - دەدٸ ول.
ەكٸنشٸدەن, ورتالىق ازييا ەلدەرٸ ٷشٸن ينتەرنەتكە شىعاتىن بالاما ەرٸ تەۋەلسٸز باعىت پايدا بولادى. بۇعان دەيٸن ٶڭٸر مەملەكەتتەرٸ دەرەكتەردٸ نەگٸزٸنەن رەسەي مەن قىتاي ارقىلى تاسىمالداپ كەلگەن. ەندٸ فرانكفۋرت, ىستانبۇل جەنە ەۋروپانىڭ ٶزگە دە قالالارىمەن تٸكەلەي بايلانىس ورناتۋعا مٷمكٸندٸك تۋادى.
ٷشٸنشٸدەن, دەرەكتەردٸ جەتكٸزۋ كەزٸندەگٸ كٸدٸرٸس, ياعني لاتەنتتٸلٸك كٶرسەتكٸشٸ تٶمەندەيدٸ. باعدات مۋسيننٸڭ ايتۋىنشا, سىناق نەتيجەسٸندە ينتەرنەت بايلانىسىنىڭ بۇل كٶرسەتكٸشٸ ەكٸ ەسە جاقسارعان.
"بٸز تەۋەلسٸز جاڭا باعىت قالىپتاستىرىپ جاتىرمىز. العاشقى سىناق كەزٸندە كٸدٸرٸس كٶرسەتكٸشٸ ەكٸ ەسە جاقساردى. بۇل قازاقستان ٷشٸن ٷلكەن جەڭٸس. جوبا بارشامىزدىڭ يگٸلٸگٸمٸزگە قىزمەت ەتسٸن", - دەدٸ "قازاقتەلەكوم", - باسشىسى.
ترانسكاسپيي جەلٸسٸ قازاقستاننىڭ ازييا مەن ەۋروپا اراسىنداعى تسيفرلىق كٶپٸر رەتٸندەگٸ ورنىن نىعايتىپ, حالىقارالىق دەرەكتەر ترانزيتٸن ۇلعايتۋعا مٷمكٸندٸك بەرەدٸ. جوبانىڭ جوسپارلانعان ٶتكٸزۋ قابٸلەتٸ سەكۋندىنا 400 تەرابيتكە دەيٸن جەتەدٸ.
