Kaspi ءوز قوسىمشاسىنان "Biz Birgemiz Qazaqstan-دى" شىعارىپ تاستادى، ءسويتىپ بۇل قورعا اقشا اۋدارۋ مۇمكىندىگى جويىلدى،دەپ حابارلايدى Dalanews.kz.
بۇل تۋرالى قور نارىعىنىڭ مامانى دانيار تەمىربايەۆ Facebook-تەگى پاراقشاسىندا جازدى.
"اتالعان قور باسشىسىنىڭ اقشانى جەكە قاجەتتىلىكتەرىنە جۇمسادى دەگەن كۇدىكپەن ۇستالعانى تۋرالى شىققان اقپاراتتان سوڭ وسىنداي شەشىم قابىلدانعان شىعار. جالپى، بۇل جاعدايدا قوردىڭ بارلىق دوناتتارى سياقتى Kaspi-دە زارداپ شەگۋشى. سەبەبى ولار بۇل قورعا 600 ملن تەڭگەدەن استام اقشا اۋدارعان. سۋ تاسقىنىنان زارداپ شەككەندەرگە كومەكتەسۋ ءۇشىن قۇرىلعان بۇل قايىرىمدىلىق قورىنا قاتىستى جاعىمسىز وقيعا "قازاقستاندا الاياقتىق دەگەن كەرەمەت گۇلدەپ-وركەندەپ تۇرعانىن" تاعى دا راستايدى. ەڭ باستىسى، مۇنداي ۇيىمداردى قارجىلاندىرۋ بولىگىنە قاتىستى بىزدە مىقتى كومپلاەنس (تارتىپكە باعىنۋ،نورمالاردى بۇزباۋ) جوقتىڭ قاسى"، دەپ جازادى ول.
ايتا كەتسەك، قما ەرىكتىلەر قوزعالىسىنىڭ بەلسەندىسى جانە BizBirgemizQazaqstan قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلىپ جاتىر.
ونىڭ كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1،5 ملرد تەڭگەدەن استام قاراجاتتى جىمقىردى دەپ كۇدىككە ءىلىنىپ، ۇستالعانى 2024 جىلى 14 قاراشادا بەلگىلى بولدى.
15 قاراشادا AMANAT پارتياسىنىڭ وكىلدەرى Biz Birgemiz Qazaqstan قايىرىمدىلىق قورىمەن ەشقانداي بايلانىسى جوق ەكەنىن رەسمي تۇردە مالىمدەدى.
16 قاراشادا قارجى مونيتورينگى اگەنتتىگى ەرىكتىلەر قوزعالىسىنىڭ بەلسەندىسى پەريزات قايراتقا قاتىستى تەرگەۋ فاكتىسى بويىنشا قوسىمشا اقپاراتتى جاريالادى. اگەنتتىك پەريزات قايراتتىڭ پالەستيناعا دەپ اقشا جيناپ، 200 ملن تەڭگەدەن اسا قاراجاتتى جىمقىرعانىن راستادى.
