2024 جىلدىڭ كٶكتەمٸندە قازاقستاننىڭ باتىسى مەن سولتٷستٸگٸندە بولعان جويقىن سۋ تاسقىنى كەزٸندە Kaspi Bank زارداپ شەككەندەرگە كٶمەك رەتٸندە “Biz Birgemiz Qazaqstan 2030” قوعامدىق قورىنا 620 ميلليون تەڭگە اۋدارعان. الايدا تەرگەۋ مەلٸمەتتەرٸنە سەيكەس, بۇل قارجىنى قور باسشىسى پەريزات قايرات جەكە پايداسى ٷشٸن يەمدەنگەنٸ بەلگٸلٸ بولدى, دەپ حابارلايدى Dalanews.kz.
Kaspi Bank-تٸڭ زاڭگەرٸ ايدار كٸسەنباەۆتٸڭ ايتۋىنشا, 2024 جىلدىڭ 5 سەۋٸرٸندە قور باسشىسى بانككە 120 ملن تەڭگە بٶلۋ تۋرالى رەسمي حات جولداعان. ال 8 سەۋٸردە ەكٸنشٸ حات تٷسٸپ, قوسىمشا 500 ملن تەڭگە سۇرالعان. بانك بارلىعى 620 ملن تەڭگەنٸ “Forte Bank” اق-تاعى قوردىڭ شوتىنا اۋدارعان.
1 شٸلدەدە “Biz Birgemiz Qazaqstan 2030” قورى Kaspi Bank-كە العىس حاتىن جولداپ, 30 ماۋسىمعا دەيٸنگٸ قارجى ەسەبٸن قوسا ۇسىنعان. قۇجاتتا كٶرسەتٸلگەندەي, 424 146 296 تەڭگە قايىقتار, گەنەراتورلار مەن جٶرگەكتەر ساتىپ الۋعا جۇمسالعان. قالعان قاراجات ازىق-تٷلٸك پەن باسقا دا قاجەتتٸلٸكتەرگە بٶلٸندٸ دەلٸنگەن. الايدا كەيٸن انىقتالعانداي, بۇل ەسەپ شىندىققا جاناسپايتىن بولىپ شىقتى.
“قازٸرگٸ تاڭدا بۇل قاراجاتتىڭ ۇيىم باسشىسى تاراپىنان جىمقىرىلعانى بەلگٸلٸ بولدى. نەتيجەسٸندە Kaspi Bank-كە 620 ميلليون تەڭگە كٶلەمٸندە زالال كەلدٸ”, – دەدٸ كٸسەنباەۆ.
زاڭگەر بانكتٸڭ نە سەبەپتٸ دەل وسى قورعا سەنٸم ارتقانىنا دا توقتالدى.
“ول كەزدە Jusan Bank 300 ملن تەڭگە اۋدارعانى تۋرالى اقپارات تاراعان. بٸز دە وسى ٷلگٸنٸ نەگٸزگە الدىق”, – دەدٸ ول.
قازٸرگٸ تاڭدا Kaspi Bank اتالعان قاراجاتتى قايتارۋ ٷشٸن سوتقا جٷگٸنۋگە نيەتتٸ.
ايتا كەتەيٸك, بۇعان دەيٸن Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى جازعان ەدٸك.
پەريزات قايراتقا قاتىستى ٷش ەپيزودتىڭ بٸرٸندە ول سۋ تاسقىنىنان زارداپ شەككەندەرگە كٶمەك كٶرسەتۋ ٷشٸن شامامەن 2,9 ملرد تەڭگە جيناپ, ونىڭ تەك 920 ملن تەڭگەسٸن عانا ماقساتتى تٷردە جۇمسادى دەپ ايىپ تاعىلدى.
وسى ناۋقان اياسىندا First Heartland Jusan Bank (قازٸرگٸ اتاۋى Alatau City Bank) 300 ملن تەڭگە كٶلەمٸندە قايىرىمدىلىق كٶمەك كٶرسەتكەن. بانكتٸڭ ٶكٸلٸ بەيبٸت جوراباەۆتىڭ ايتۋىنشا, ولارعا BizBirgemiz Qazaqstan 2030 قورىنان پەريزات قايراتتىڭ قولى قويىلعان حات كەلگەن. وندا قايىرىمدىلىق كٶمەك سۇرالعان. بۇل مەسەلە بانكتٸڭ باسقارما وتىرىسىندا قارالىپ, قاراجات قايىرىمدىلىق رەتٸندە اۋدارىلعان.
الايدا پەريزات قايرات بۇل باستامانىڭ بانكتٸڭ ٶزٸنەن شىققانىن ايتادى. وسىعان بايلانىستى ول سوتتان PR قىزمەتٸنٸڭ ٶكٸلٸ ميحايل ەگورمەن بەتتەسۋگە مٷمكٸندٸك بەرۋدٸ سۇرادى. ايتۋىنشا, دەل سول اداممەن كەلٸسسٶز جٷرگٸزگەن.
بانك بۇل ٸسكە جەبٸرلەنۋشٸ تاراپ رەتٸندە تانىلعان. ونىڭ اتىنان سوتتا جوراباەۆ كۋەلٸك بەردٸ.
قورعاۋشى اسلانبەك داۆلەتياروۆ سوت وتىرىسىندا بانكتەن: نەلٸكتەن دەل سول 300 ملن تەڭگە ۇرلاندى دەپ سەنٸمدٸ ايتاسىزدار, بەلكٸم ول قاراجات شىن مەنٸندە زارداپ شەككەندەرگە جۇمسالعان شىعار? – دەپ سۇرادى. ونىڭ سٶزٸنشە, قايرات 2024 جىلدىڭ 2 سەۋٸرٸ مەن 18 شٸلدەسٸ ارالىعىندا 1 ملرد تەڭگەدەن استام قارجىنى موتورلى جەنە ٷرمەلٸ قايىقتارعا, گەنەراتورلارعا, كيٸز ٷيلەرگە, ازىق-تٷلٸك پەن تەحنيكالارعا جۇمساعان.
"بٸز تەرگەۋ ماتەريالدارىمەن تانىستىق, تەرگەۋ زاڭ اياسىندا جٷرگٸزٸلگەنٸنە كٶز جەتكٸزدٸك. تەرگەۋشٸ ۇسىنعان بارلىق قۇجاتتاردى وقىدىق. بٸراق ناقتى بٸزدٸڭ قاراجات قايدا جۇمسالعانىن زەرتتەگەن جوقپىن, سوندىقتان بۇل سۇراققا ناقتى جاۋاپ بەرە المايمىن", – دەدٸ جوراباەۆ.
سونداي-اق قورعاۋشى بانكتەن: نەلٸكتەن ٸرٸ قارجى ۇيىمى 1–2 ملن تەڭگەنٸ دە مۇقييات تەكسەرٸپ بارىپ اۋداراتىنىنا قاراماستان, قايراتتىڭ بٸر عانا حاتىنا سەنٸپ, 300 ملن تەڭگەنٸ اۋداردى? – دەپ سۇراق قويدى. جوراباەۆ بۇل شەشٸم بانكتٸڭ باسقارما دەڭگەيٸندە قابىلدانعانىن ايتتى. ونىڭ سٶزٸنشە, سول كەزدە سۋ تاسقىنىنان تٸپتٸ بانكتٸڭ كەيبٸر بٶلٸمشەلەرٸ دە زارداپ شەككەن, سوندىقتان ولار كٶمەك بەرۋگە نيەت بٸلدٸرگەن.
