بىلىكتىلىكتى ارتتىرۋ كۋرسىن جۇرگىزۋدىڭ ماقساتى مودۋلدىك-قۇزىرەتتىلىك ءتاسىلى نەگىزىندە حولدينگتىڭ ازىرلەگەن ءبىلىم بەرۋ باعدارلاماسى بويىنشا جۇرگىزىلۋدە. بۇل جۇمىس قولعا العالى بەرى ەلىمىزدىڭ تۇكپىر-تۇكپىرىندەگى كاسىپتىك-تەحنيكالىق ءبىلىم بەرۋ ۇيىمدارىنىڭ باسشىلارى مەن ينجەنەرلىك-پەداگوگيكالىق جۇمىسشىلاردىڭ كاسىپتىك قۇزىرەتىن، تاجىريبەلىك ءبىلىمىن، شەبەرلىگىن جانە داعدىسىن قۇرۋ جانە ارتتىرۋ باعىتىندا بىلىكتىلىكتەرىن شىڭداپ، زامان تالابىنا ساي شاكىرت تاربيەلەۋدىڭ قىر-سىرىن مەڭگەرە باستاعانىن ايتا كەتۋىمىز كەرەك.
ولار – كاسىپتىك-تەحنيكالىق ءبىلىمنىڭ قولدانىستاعى ۇلگىلىك وقۋ باعدارلامالارى مەن جوسپارلارىنان جاڭا ءبىلىم بەرۋ باعدارلامالارىنىڭ ەرەكشەلىكتەرىن، ءبىلىم بەرۋ باعدارلامالارىن ازىرلەۋ ءادىسى مەن ەنگىزۋ شارتتارىن جانە وقىتۋدىڭ كرەديتتىك تەحنولوگياسىن باعالاۋدىڭ زاماناۋي ادىستەرى مەن تاسىلدەرىن جان-جاقتى ساراپتاپ، بىلىكتىلىكتەرىن شىڭداۋ مۇمكىندىگىنە يە بولدى.
وسى رەتتە بىلىكتىلىكتى ارتتىرۋ ەكى كەزەڭنەن تۇرعانىن ايتا كەتۋىمىز كەرەك. ءبىرىنشى كەزەڭدە، «كاسىپقور» حولدينگى 200 ادامدى ترەنەرلىككە دايىنداۋعا كۇش سالىپ وتىر. قازىرگى تاڭدا استانا قالاسىنداعى «قازتۇتىنۋوداعىنىڭ» ساۋدا-ەكونوميكالىق كوللەدجىندە ترەنەرلەردىڭ ءبىرىنشى اعىمى كۋرستان ءوتىپ جاتىر. ءىس-شارا سوڭىندا تەحنيكالىق جانە كاسىپتىك ءبىلىم بەرۋ ۇيىمدارىنىڭ باسشىلارى مەن ينجەنەرلىك-پەداگوگيكالىق ماماندار ىرىكتەلىنىپ الىندى. كۋرستار قازاق جانە ورىس تىلدەرىندە 36 ساعات كولەمىندە جۇرگىزىلىپ جاتقانىن ايتا كەتۋىمىز كەرەك. كۋرس سوڭىندا تىنداۋشىعا «كاسىپقور» حولدينگىنىڭ شتاتتان تىس ترەنەرى» دارەجەسى بەرىلەدى.
كۋرستىڭ ەكىنشى كەزەڭىندە 2016 جىلدىڭ ماۋسىم جانە قىركۇيەك ايىندا قولعا الىنادى. وسى بىلىكتىلىكتى كوتەرۋ كۋرسىنان وتكەن ماماندار ءبىلىم وشاقتارىندا ساپالى كاسىپتىك-تەحنيكالىق مامانداردى كوپتەپ دايىنداۋعا بار كۇشىن سالاتىن بولادى.
نازىم رىسبەتوۆا
