سىبايلاس جەمقورلىققا قارسى ٸس-قيمىل اگەنتتٸگٸ مەملەكەت باسشىسىنىڭ تاپسىرماسى اياسىندا زاڭدىلىق پەن تەرتٸپتٸ قامتاماسىز ەتۋ جۇمىسىن جالعاستىرىپ جاتىر. بۇل جولى الاياقتىق پەن پاراعا يتەرمەلەۋ دەرەگٸ بويىنشا الماتى قالاسىنىڭ تۇرعىنى سوتتالدى, دەپ حابارلايدى Dalanews.kz.
باتىس قازاقستان وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ە. بايقوجاعا قاتىستى ٷكٸم شىعاردى. تەرگەۋ مەلٸمەتٸنشە, ول «چاپاەۆ – جاڭاقالا – سايحين» اۆتوجولىن كٷردەلٸ جٶندەۋ بويىنشا شارتتىڭ جالپى سوماسىنىڭ 30 پايىزى كٶلەمٸندە الدىن الا تٶلەم جاساعانى ٷشٸن وبلىس ەكٸمدٸگٸنٸڭ لاۋازىمدى تۇلعالارىنا 50 ملن تەڭگە الاياقتىق جولمەن العان. سونىمەن قاتار, كەسٸپكەردٸ پارا بەرۋگە يتەرمەلەگەنٸ انىقتالدى.
“سوت ە. بايقوجانى كٸنەلٸ دەپ تانىپ, ونى 11 جىلعا باس بوستاندىعىنان ايىرۋ جازاسىنا كەستٸ. سونداي-اق وعان مەملەكەتتٸك جەنە كۆازيمەملەكەتتٸك سەكتوردا لاۋازىمدى قىزمەت اتقارۋعا ٶمٸر بويىنا تىيىم سالىندى”, — دەلٸنگەن انتيكور حابارلاماسىندا.
ايتا كەتۋ كەرەك, سوت ٷكٸمٸ ەلٸ زاڭدى كٷشٸنە ەنگەن جوق. كونستيتۋتسييا مەن قىلمىستىق-پروتسەستٸك كودەكسكە سەيكەس, سوتتىڭ زاڭدى كٷشٸنە ەنگەن ٷكٸمٸ شىققانعا دەيٸن ەر ازامات كٸنەسٸز دەپ ەسەپتەلەدٸ.
