Sybailas jemqorlyqqa qarsy is-qimyl agenttigi Memleket basshysynyń tapsyrmasy aiasynda zańdylyq pen tártipti qamtamasyz etý jumysyn jalǵastyryp jatyr. Bul joly alaiaqtyq pen paraǵa itermeleý deregi boiynsha Almaty qalasynyń turǵyny sottaldy, dep habarlaidy Dalanews.kz.
Batys Qazaqstan oblysynyń qylmystyq ister jónindegi mamandandyrylǵan aýdanaralyq soty E. Baiqojaǵa qatysty úkim shyǵardy. Tergeý málimetinshe, ol «Chapaev – Jańaqala – Saihin» avtojolyn kúrdeli jóndeý boiynsha sharttyń jalpy somasynyń 30 paiyzy kóleminde aldyn ala tólem jasaǵany úshin oblys ákimdiginiń laýazymdy tulǵalaryna 50 mln teńge alaiaqtyq jolmen alǵan. Sonymen qatar, kásipkerdi para berýge itermelegeni anyqtaldy.
“Sot E. Baiqojany kináli dep tanyp, ony 11 jylǵa bas bostandyǵynan aiyrý jazasyna kesti. Sondai-aq oǵan memlekettik jáne kvazimemlekettik sektorda laýazymdy qyzmet atqarýǵa ómir boiyna tyiym salyndy”, — delingen Antikor habarlamasynda.
Aita ketý kerek, sot úkimi áli zańdy kúshine engen joq. Konstitýtsiia men Qylmystyq-protsestik kodekske sáikes, sottyń zańdy kúshine engen úkimi shyqqanǵa deiin ár azamat kinásiz dep esepteledi.
