"كاسىپكەردى بوپسالاۋ، زاڭسىز باس بوستاندىعىنان ايىرۋ": ساتىبالدىعا قاتىستى سوت وتىرىسى باستالدى

ساعىنىش سارداروۆا 03 ماۋ. 2024 11:30 2279

قايرات ساتىبالدىنىڭ بۇرىنعى ايەلى گۇلميرا ساتىبالدىعا قاتىستى باستى سوت وتىرىسى باستالدى، - دەپ حابارلايدى Dalanews.kz.

Tengrinews.kz مالىمەتىنشە، الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا گۇلميرا ساتىبالدى مەن ونىڭ بۇرىنعى جۇرگىزۋشىسى ءمادي باتىرشايەۆقا قاتىستى سوت تالقىلاۋى باستالعان. ولار كاسىپكەردى بوپسالاپ، زاڭسىز باس بوستاندىعىنان ايىردى دەپ ايىپتالىپ وىتر. پروسەستە ءتوراعالىق ەتۋشى سۋديا - مارتپەك كاكىمجانوۆ.

ساتىبالدى استاناداعى مەكەمەدەن الماتىعا جەتكىزىلگەن، وعان قوسا ول ەكىنشى ايىپتالۋشىمەن بىرگە پروسەسكە قاتىسادى. سونداي-اق، زالدا جابىرلەنۋشى كاسىپكەر ءجۇنىسوۆ پەن ونىڭ ەكى اعاسى بار.

بۇعان دەيىن الماتىنىڭ قىلمىستىق ىستەر جونىندەگى سوتىندا گۇلميرا ساتىبالدىنىڭ ءىسى بويىنشا الدىن الا تىڭداۋ ءوتتى. سوتتىڭ الدىن الا تىڭداۋى كەزىندە گۇلميرا ساتىبالدى القابيلەر سوتىنان باس تارتتى.

سوتتالۋشى ورىندىعىندا گۇلميرا ساتىبالدىمەن قوسا، ونىڭ جۇرگىزۋشىسى ءمادي باتىرشايەۆ تا بولدى. سوت وتىرىسى ونلاين رەجيمدە ءوتتى، ال ايىپتالۋشىلار استانانىڭ تەرگەۋ يزولياتورىندا بولدى. ارتىنشا ولار الماتىعا جەتكىزىلەتىنى بەلگىلى بولدى. 

گۇلميرا ساتىبالدىعا قىلمىستىق كودەكستىڭ 126-بابى "زاڭسىز باس بوستاندىعىنان ايىرۋ" بويىنشا ايىپپەن قوسا، اسا اۋىر قىلمىس جاسادى دەگەن ايىپ تاعىلدى: قىلمىستىق كودەكستىڭ 194-بابىنىڭ 3-بولىگى "ءىرi مولشەردە ءمۇلiك الۋ ماقساتىندا جاسالعان قورقىتىپ الۋشىلىق". بۇل باپ اسا اۋىر بولىپ ەسەپتەلەدى جانە ول بويىنشا ايىپتالۋشى القابيلەردىڭ قاتىسۋىمەن سوت وتكىزۋدى سۇراۋىنا قۇقىلى.

بۇعان دەيىن گۇلميرا ساتىبالدى مەن ونىڭ قاراماعىنداعىلارعا تاعى ءبىر ءىس بويىنشا ۇكىم شىققان ەدى. ول ادام ۇرلاعانى مەن وزبىرلىق جاساعانى ءۇشىن كىنالى دەپ تانىلدى.


ۇسىنىلعان
سوڭعى جاڭالىقتار