قاراجات شۇعىل كومەك كورسەتۋگە، سونداي-اق توتەنشە جاعداي سالدارىنان زاقىمدانعان ءارى قيراعان تۇرعىن ءۇي ينفراقۇرىلىمىن قالىپقا كەلتىرۋگە جانە تۇرعىن ءۇي سالۋ شارالارىن جۇرگىزۋگە باعىتتالادى. 

"بۇكىل قازاقستان سۋ تاسقىنىنان زارداپ شەككەن ايماقتارداعى جاعداي جاقسارۋى ءۇشىن قولدان كەلگەننىڭ ءبارىن جاساۋدا. ءبىرقاتار ەلدى مەكەندە قۇتقارۋشىلارمەن، اسكەريلەرمەن، ەرىكتىلەرمەن، قوعام بەلسەندىلەرىمەن بىرگە ءبىزدىڭ سەرىكتەستىكتەردىڭ جەدەل بريگادالارى تاۋلىك بويى قىزمەت كورسەتەدى. تەحنيكالىق كومەكتەن بولەك، مەملەكەت باسشىسىنىڭ ۇندەۋىن قولداپ، سۋ تاسقىنىنىڭ زارداپتارىمەن كۇرەسۋ ءۇشىن قاراجات جىبەرەمىز. ءبىز ۇيلەرىن تاستاپ كەتۋگە ءماجبۇر بولعان جانە ۇيلەرى زارداپ شەككەن ازاماتتارعا شىن جۇرەكتەن جاناشىرلىق تانىتامىز"، - دەدى سەرگەي كان.

ايتا كەتەيىك، بۇعان دەيىن اتىراۋ وبلىسى جىلىوي اۋدانى قۇلسارى قالاسىندا 3 مىڭعا جۋىق ءۇي سۋ استىندا قالعانى حابارلاندى. بۇل - قازاقستاننىڭ توتەنشە جاعدايلار مينيسترلىگى كەلتىرگەن دەرەك. سۋ تاسقىنىڭ سالدارىن جويۋعا 231 تەحنيكا، 1198 جەكە قۇرام، 18 ءجۇزۋ قۇرالى، 19 بىرلىك موتوپومپا جۇمىلدىرىلعان. اتىراۋ وبلىسى قۇلسارى قالاسىنان جالپى سانى 33 641 ادام كوشىرىلدى جانە 201 ۋاقىتشا ورنالاسۋ ورىندارى دايىندالدى.

جالپى سانى 84 قوڭىراۋ ءتۇسىپ، 173 ادام قۇتقارىلدى، ونىڭ ىشىندە 15ءى - بالا. 248 مال باسى جانە 27 ءۇي جانۋارلارى ءقاۋىپسىز ورىندارعا كوشىرىلگەن.