كەسٸپكەر 700 قاپ ۇندى جۇرتقا تەگٸن تاراتپاقشى
ەلٸمٸزدەگٸ تٶتەنشە جاعداي كەزەڭٸندە ماقتاارال اۋدانىنىڭ كەسٸپكەرلەرٸ بەلسەندٸلٸك تانىتىپ, از قامتاماسىز ەتٸلگەن جەنە كٶپ بالالى وتباسىلارعا تٷرلٸ كٶمەكتەر كٶرسەتۋدٸ جالعاستىرۋدا. بٷگٸن اتاكەنت كەنتٸنٸڭ تۇرعىنى, «پيونەر گراين پرودۋكت» سەرٸكتەستٸگٸنٸڭ يەسٸ نۇرجان توقجٸگٸتوۆ ماقتاارال, جەتٸساي, كەلەس, سارىاعاش اۋداندارىنداعى مۇقتاج جاندارعا 700 قاپ ۇندى تەگٸن تاراتتى.
اتىمتاي جومارت 700 قاپ ۇندى ماقتاارال اۋداندىق كەسٸپكەرلٸك بٶلٸمٸ تاراپىنان دايىندالعان قويماعا تابىستادى.
قازٸرگٸ ۋاقىتتا ۇندى تاراتۋ ٷشٸن كەنتتەر مەن اۋىلدىق وكرۋگ ەكٸمدٸكتەرٸ تاراپىنان مۇقتاج وتباسىلاردىڭ تٸزٸمٸ جاساقتالۋدا. جالپى سالماعى 17,5 توننانى قۇرايتىن ۇن ماقتاارال اۋدانىنداعى 2 كەنت پەن 9 اۋىلدىق وكرۋگتەگٸ از قامتاماسىز ەتٸلگەن, كٶپ بالالى وتباسىلارعا بەرٸلەتٸن بولادى.
بٸرٸنشٸ سۇرىپتى, ناۋبايحانالىق "پيونەر" ۇنى قازٸرگٸ تاڭدا ەلٸمٸزدەگٸ ەڭ سۇرانىسقا يە ٶنٸمدەردٸڭ بٸرٸ ەكەنٸ بەلگٸلٸ. بۇعان دەيٸن اۋداندىق كەسٸپكەرلٸك بٶلٸمٸ تاراپىنان باعانى تۇراقتاندىرۋ ماقساتىندا بٸرنەشە رەت تٷسٸندٸرۋ جۇمىستارى جاسالىپ, دٷكەندەردە 8500 تەڭگەدەن ساتىلعان بٸرٸنشٸ سۇرىپتى "پيونەر" ۇنى 7700 تەڭگەگە تٷسٸرٸلگەن ەدٸ. بۇل يگٸ شاراعا دا مەتسەنات-كەسٸپكەر نۇرجان ەرماحانۇلى ىقپال ەتٸپ, جەرلەستەرٸ ٷشٸن ٷلكەن كٶمەگٸن تيگٸزدٸ.
– نۇرجان سيياقتى كەسٸپكەرلەرٸمٸز باردا ەلٸمٸز ەشقاشان ەڭسەسٸن تٷسٸرمەيتٸنٸ بەلگٸلٸ. ەلباسىمىز نۇرسۇلتان نازارباەۆ تۋعان جەرگە تۋىڭدى تٸك دەپ ايتتى ەمەس پە? مٸنە, ەلٸمٸزدە تٶتەنشە جاعداي تۋىنداپ, قيىن-قىستاۋ كەزەڭدە جەرلەستەرٸ ٷشٸن 700 قاپ ۇندى تەگٸن بەرە سالۋ كٶپ جومارت جانداردىڭ قولىنان كەلە بەرمەيتٸن ٷلكەن ٸس. باۋىرىمىزدىڭ جاقسىلىعى اللادان مىڭ ەسە بوپ قايتسىن! – دەدٸ اۋداندىق كەسٸپكەرلٸك بٶلٸمٸنٸڭ باسشىسى ٶسەر مىرزامداموۆ.
ايتا كەتەيٸك, اۋداندىق كەسٸپكەرلٸك بٶلٸمٸ تاراپىنان ارنايى قويما دايىندالىپ, ۇننان بٶلەك, ماكارون, ماي, قاراقۇمىق, قۇمشەكەر سيياقتى ت.ب. ەڭ قاجەتتٸ ازىق-تٷلٸكتەردٸڭ قورى جيناقتالۋدا.
ماقتاارال اۋدانى ەكٸمٸنٸڭ باسپاسٶز قىزمەتٸ
