ەندى قازاقستان قور بيرجاسىنا (KASE) يۋانمەن ساۋدالاناتىن قارجى قۇرالدارىن ورنالاستىرۋعا بولادى، دەپ حابارلايدى Dalanews.kz.
"2025 جىلدىڭ 3 ناۋرىزىنان باستاپ KASE-دە ەسەپ ايىرىسۋلارمەن جۇڭگو يۋانىمەن (CNY) مامانداندىرىلعان ساۋدا-ساتتىق ادىسىمەن باعالى قاعازداردى ورنالاستىرۋدى، باعالى قاعازدارعا جازىلۋدى جانە جاريا ۇسىنۋدى وتكىزۋ قولجەتىمدى بولادى" دەلىنگەن قازاقستان قور بيرجاسىنىڭ حابارلاماسىندا.
مۇنداي شەشىم باعالى قاعازدار نارىعىنا قاتىسۋشىلارعا ينۆەستورلاردى تارتۋ ءۇشىن قوسىمشا مۇمكىندىك بەرۋ ماقساتىندا قابىلدانىپ وتىر.
سونداي-اق بيرجادا AED/KZT جانە CNY/RUB ۆاليۋتالار جۇبىنىڭ ساۋداسى تۇرىندە ەكى قۇرال پايدا بولۋى مۇمكىن. بۇل ماسەلە ماماندارمەن ءالى ازىرلەنىپ، تالقىلانۋ بارىسىندا.
ەسكە سالا كەتسەك، 2014 جىلى 25 قىركۇيەكتە KASE-دە CNY/KZT ۆاليۋتالار جۇبىمەن جاسالعان ساۋدا-ساتتىق جۇرگىزىلدى. بۇل ۇلتتىق بانك پەن جۇڭگو حالىق بانكى اراسىندا جۇرگىزىلگەن بىرنەشە كەلىسسوزدەردەن كەيىن مۇمكىن بولدى.
