18 جىلعا سوتتالعان كارىم ماسىموۆكە قاتىستى تاركىلەنگەن مۇلىكتەر ساتىلىمعا شىعارىلا باستادى، دەپ حابارلايدى Dalanews.kz.

«قايتارىلعان اكتيۆتەردى باسقارۋ كومپانياسى» ەلەكتروندىق ساۋدا جاريالاپ، بۇل جولى تەك جەكە زاتتاردى ەمەس، استاناداعى ەليتالىق جىلجىمايتىن مۇلىكتەردى دە اۋكسيونعا قويدى.

18–20 اقپان ارالىعىندا sauda.e-qazyna.kz پلاتفورماسىندا بىرنەشە نىسان بويىنشا ەلەكتروندىق ساۋدا وتەدى. ساتىلىمعا «پاريجسكيي كۆارتال» تۇرعىن ءۇي كەشەنىندەگى پاتەرلەر مەن اۆتوتۇراق ورىندارى شىعارىلعان. ولاردىڭ ىشىندە باستاپقى باعاسى 363،2 ملن تەڭگە بولاتىن، اۋماعى 309،5 شارشى مەتر ەكى دەڭگەيلى پاتەر دە بار.

سونىمەن قاتار، «Green Village» تۇرعىن ءۇي كەشەنىندەگى 231،8 شارشى مەترلىك پاتەر 214 ملن تەڭگەگە، ال «ميلانسكيي كۆارتالداعى» كوممەرسيالىق نىسان 353،7 ملن تەڭگە باستاپقى باعامەن ۇسىنىلعان.

اۋكسيون تولىقتاي ونلاين فورماتتا وتەدى.