ءبىزدىڭ ادەتتەگى ءومىر ءسۇرۋ سالتىمىز وزگەرگەندە، اسىرەسە ءبىزدىڭ جەكە تاڭداۋىمىز بولماعان جاعدايلاردا، ءبىز شاعىن داعدارىستى باستان وتكەرەمىز. كارانتين جاريالانعان العاشقى كۇنننەن باستاپ سيتۋاسيانى ادامدار ءار ءتۇرلى قابىلدادى. ءبىراق ونىڭ قانداي ەكونوميكالىق، الەۋمەتتىك، پسيحولوگيالىق جاعدايلارىمىزعا اسەر ەتەتىنىن ءبىراز وقشاۋلانعاننان كەيىن سەزە باستاعانداي بولدى. بۇل ول ادامداردىڭ سەنىمسىزدىگىنىڭ پايدا بولۋىنا الىپ كەلدى. ەكسترەمالدىق جاعدايدا ءوزىنىڭ ەموسياسىن رەتتەي المايتىن ادامدارعا ءبىرشاما قيىن بولدى.

كەز كەلگەن داعدارىس جاڭا يدەيالاردىڭ جاڭا جوسپارلاردىڭ تۋىنداۋىنا الىپ كەلەدى. سوندىقتان دا بۇل جەردە جەكە تۇلعانىڭ ەكسترەمالدىق سيتۋاسيادان شىعۋ ارەكەتىن ۇتىمدى پايدالانىپ، ىشكى پسيحولوگيالىق رەزۋستارىن قولدانا الۋ كەرەك. ءسىزدىڭ جاعدايىڭىز ءسىزدىڭ جەكە باسىڭىزعا تىكەلەي اسەر ەتەدى. سوندىقتان دا قوبالجۋدىڭ سەبەپتەرى بار. ءبىراق ەڭ باستىسى، ءوز-وزىڭىزدى سابىرعا كەلتىرىپ جانە بويىڭىزدا ەموسيونالدىق تۇراقتىلىقتى قالىپتاستىرۋ كەرەك. سترەسس جاعدايىندا ادام ءوزىنىڭ شىنايىلىعىن جوعالتادى. جاعىمسىز ەموسيالار، قورقىنىش جانە ەرتەڭگى كۇنگە سەنىمسىزدىك جۇمىس جاساۋىڭىزعا اسەر ەتەدى. سترەسستەن شىعۋدا اباي اتىنداعى قازۇپۋ-دىڭ تاجىريبەلى پسيحولوگى باقىت جيگيتبەكوۆانىڭ بىرنەشە كەڭەستەرىن ۇسىنامىز:

1.وتىرىپ ناقتى نە بولعانىن، جانە داعدارىس سىزگە جانە ءسىزدىڭ جاقىندارىڭىزعا قانداي اسەر ەتەتىنىن جازىپ الىڭىز.

2.سىزگە قانداي جامان سالدارى بولۋى مۇمكىن ەكەنىن تالداڭىز.

.ءسىزدىڭ ميىڭىزدا ناقتىلىق پايدا بولىپ ، ءسىزدىڭ بويىڭىزدان ۇرەي مەن قورقىنىش كەتە باستايدى.

3.«ءقازىر ناقتى وسى جەردە» پرينسيپىنە ورالىڭىز.قانداي ىس-ارەكەتتەن باستايمىن.قولىمدا نە بار نە ىستەيمىن؟

4.بولاشاقتاعى ءىس -ارەكەتىڭىزدى ءپوزيتيۆتى ۆەرباليزاسيالاڭىز.