بٷگٸن كارانتين كەزٸندە جۇمىستارىنىڭ قارقىنىن تٶمەندەتپەي, ەل ەكونوميكاسىنا ٷلەس قوسقان SPD EXPRESS كومپانيياسىنىڭ جۇمىسى جايىندا از-كەم ەڭگٸمەلەۋدٸ جٶن ساناپ وتىرمىز.
ناۋرىزدىڭ اياعىنان باستاپ, مامىر ايىنىڭ باسىنا دەيٸن سوزىلعان تٶتەنشە جاعداي مەن كارانتيندٸك شارالار بيزنەسكە وڭاي سوقپاعانى انىق. ٶز كەزەگٸندە تٷرلٸ زاتتاردى ەلٸمٸز بويىنشا جەدەل جەتكٸزۋ ٸسٸمەن اينالىساتىن SPD EXPRESS كومپانيياسىنىڭ جەتەكشسٸ راۋشان كاشكومباەۆا كارانتيندٸك شارالار ٶزدەرٸنە وڭاي تيمەگەنٸن جاسىرماي ايتتى.
تٶتەنشە جاعداي كەزٸندە تەمٸرجول مەن ەۋە قاتىناسى جۇمىسىن توقتاتقانى بەلگٸلٸ. بۇل ەلٸمٸز بويىنشا جٷك تاسىمالىمەن اينالىساتىن كومپانييالارعا اۋىر سوققى بولىپ تيگەنٸ جاسىرىن ەمەس. SPD EXPRESS كومپانيياسى دا بۇل قيىندىقپەن بەتپە-بەت كەلگەن. ولار بٸرٸنشٸ كەزەكتە الماتى قالاسى اۋماعىندا جۇرتقا ساپالى قىزمەت كٶرسەتۋ ٷشٸن الماتى قالاسى ەكٸمدٸگٸ جانىنداعى ارنايى شتابپەن حابارلاسىپ, قالا ٸشٸندەگٸ جەتكٸزۋ قىزمەتٸن توقتاتپاۋ ٷشٸن قاجەتتٸ رۇقساتتاردى دەر كەزٸندە الىپ, الماتىلىقتارعا ساپالى قىزمەت كٶرسەتكەنٸن ايتا كەتۋٸمٸز كەرەك.
وسى رەتتە ايتا كەتۋٸمٸز كەرەك, تٶتەنشە جاعداي مەن كارانتين كەزٸندە SPD EXPRESS كومپانيياسىنىڭ كەڭسە قىزمەتكەرلەرٸ قاشىقتان جۇمىس ٸستەۋگە كٶشكەن. وسىلايشا, ولار رەسپۋبليكالىق دەڭگەيدە قابىلدانعان شارالارعا ايرىقشا نازار اۋدارىپ, ٶز قىزمەتكەرلەرٸنٸڭ ٸندەتكە شالدىقپاۋىنا باسا مەن بەرگەن.
كارانتين كەزٸندە SPD EXPRESS كومپانيياسىنىڭ قىزمەتٸن تۇتىناتىن ٶزگە كومپانييالارعا دا وڭاي تيمەپتٸ. كارانتينگە دەيٸن تاۋارلارىن ەلٸمٸزدٸڭ ٶزگە ايماقتارىنا, تٸپتٸ كٶرشٸلەس ەلدەرگە ەركٸن تاسىمالداپ جٷرگەن كومپانييالار ەكٸ اي بويى تيٸستٸ جٷكتەرٸن ەۋە تاسىمالىنىڭ توقتاۋىنا بايلانىستى دەر كەزٸندە جەتكٸزە الماعان جاعدايلار بولىپتى.
بٸراق SPD EXPRESS كومپانيياسىنىڭ قىزمەتكەرلەرٸ مۇنداي ۋاقىتشا قيىندىقتارعا مويىماي, ٶز جۇمىستارىن مٸنسٸز اتقارىپ شىققان.
ايتالىق, كارانتين كەزٸندە كوروناۆيرۋستى اۋىزدىقتاۋعا قاجەتتٸ مەديتسينالىق جابدىقتار مەن مەديتسينالىق ماسكا سەكٸلدٸ بٸرٸنشٸ كەزەكتٸ قاجەت قورعانىس قۇرالدارىن بٸر قالادان ەكٸنشٸ بٸر قالاعا دەل ۋاقىتىندا جەتكٸزٸپ, ەلٸمٸزدە ٸندەتتٸڭ تارالماۋىنا ٶز ٷلەستەرٸن قوسىپ وتىردى.
وسىلايشا, SPD EXPRESS سىندى نارىقتا ەبدەن تانىلعان كومپانييالاردىڭ ارقاسىندا ورتالىقتان شالعايدا جاتقان اۋدان مەن قالالارعا قاجەتتٸ مەديتسينالىق جابدىقتار دەل ۋاقىتىندا جەتٸپ وتىرعان. بۇل ٷشٸن لوگيستيكالىق كومپانيياعا العىستان باسقا ايتارىمىز جوق.
نۇرلان جۇماحان
