Karantin kezinde logistikalyq kompaniialar jumysyn qalai atqardy? (fotorepartaj): 11 maýsym 2020

Karantin kezinde biznesti turalatpai saqtap qalý ońai sharýa emes. Bul úshin úlken erik-jiger, jyldar boiy jinaqtalǵan tájiribe kerek. Sonymen qatar osyndai qiyn kezeńde biznestiń áleýmettik jaýapkershiligin bir kisidei sezinip, óz qyzmetkerlerinen bólek qarapaiym halyqqa qol ushyn sozǵan kásipkerler boldy. Osyndai kompaniialardyń jumysyn Dalanews.kz aqparat agenttigi Ortalyq Aziianyń Eýraziia qory «Qolda» jobasy aiasynda jumystaryn nasihattaýda.

Búgin karantin kezinde jumystarynyń qarqynyn tómendetpei, el ekonomikasyna úles qosqan SPD EXPRESS kompaniiasynyń jumysy jaiynda az-kem áńgimeleýdi jón sanap otyrmyz.

Naýryzdyń aiaǵynan bastap, mamyr aiynyń basyna deiin sozylǵan Tótenshe jaǵdai men karantindik sharalar bizneske ońai soqpaǵany anyq. Óz kezeginde túrli zattardy elimiz boiynsha jedel jetkizý isimen ainalysatyn SPD EXPRESS kompaniiasynyń jetekshsi Raýshan Kashkombaeva karantindik sharalar ózderine ońai timegenin jasyrmai aitty.

– Shyny kerek, biylǵy jumys josparymyzda mundai qiyn jaǵdaiǵa tap bolamyz dep oilamadyq. Biraq qandai jaǵdai bolsa da jumys istep, naryqtaǵy ornyn saqtap qalý kez kelgen kompaniianyń alǵa qoiǵan basty maqsaty dep esepteimin. Sondyqtan bizder elimizde indettiń taralýyna tosqaýyl qoiý maqsatynda tótenshe jaǵdai jariialanyp, qatań karantindik sharalar engizilgen sátten bastap, ózimizdiń jumys tásilimizdi pysyqtap, strategiiamyzdy qaita tekserip shyqtyq. Birinshi kezekte kompaniiamyzdyń shyǵyndaryn qaita qaraýǵa týra keldi. Kez kelgen daǵdarysta biznestiń keibir túrleri úshin jańa múmkindikter paida bolýy múmkin. Karantin kezinde jurttyń bir-birimen bailanysy kúrt tómendep, túrli zattardy der kezinde jetkizý isimen ainalysatyn biz siiaqty jańa kompaniialarǵa úlken jaýapkershilik júgi artyldy desek bolady. Indet kezinde halyqtyń seniminen shyǵý úshin bizder óz qyzmetkerlerimizdiń densaýlyǵyn baqylaýǵa alyp, olardyń jedel kidirissiz jumys isteýine kúsh saldyq. Osyndai qiyn kezeńde qyzmetkerlerdiń ailyǵyn keshiktirmei tóleý, indet juqtyrmai jumys isteýi úshin olardyń bárin qajetti meditsinalyq qorǵanys quraldarymen qamtamasyz ettik, – deidi Raýshan Kashkombaeva.

Tótenshe jaǵdai kezinde temirjol men áýe qatynasy jumysyn toqtatqany belgili. Bul elimiz boiynsha júk tasymalymen ainalysatyn kompaniialarǵa aýyr soqqy bolyp tigeni jasyryn emes. SPD EXPRESS kompaniiasy da bul qiyndyqpen betpe-bet kelgen. Olar birinshi kezekte Almaty qalasy aýmaǵynda jurtqa sapaly qyzmet kórsetý úshin Almaty qalasy ákimdigi janyndaǵy arnaiy shtabpen habarlasyp, qala ishindegi jetkizý qyzmetin toqtatpaý úshin qajetti ruqsattardy der kezinde alyp, almatylyqtarǵa sapaly qyzmet kórsetkenin aita ketýimiz kerek.

SPD EXPRESS ókili karantin kezinde halyqtyń kópshiligi internet dúkenderdiń qyzmetine júgingenin alǵa tartty. Olar internet dúkendermen kelisimge kelip, qala ishinde jurttyń tapsyrys bergen taýarlaryn dál ýaqytynda jetkizip bergen.

Osy rette aita ketýimiz kerek, Tótenshe jaǵdai men karantin kezinde SPD EXPRESS kompaniiasynyń keńse qyzmetkerleri qashyqtan jumys isteýge kóshken. Osylaisha, olar respýblikalyq deńgeide qabyldanǵan sharalarǵa airyqsha nazar aýdaryp, óz qyzmetkerleriniń indetke shaldyqpaýyna basa mán bergen.

Karantin kezinde SPD EXPRESS kompaniiasynyń qyzmetin tutynatyn ózge kompaniialarǵa da ońai timepti. Karantinge deiin taýarlaryn elimizdiń ózge aimaqtaryna, tipti kórshiles elderge erkin tasymaldap júrgen kompaniialar eki ai boiy tiisti júkterin áýe tasymalynyń toqtaýyna bailanysty der kezinde jetkize almaǵan jaǵdailar bolypty.

Áýe qatynasy toqtaǵannan keiin kompaniia avtokólikterdiń qyzmetine júginýge májbúr bolǵan. Nátijesinde, júktiń jol boiynda uzaq júrip qalǵany jasyryn emes. Oblys pen qalalardaǵy blok-beketterdegi tekserister, ár qalada qabyldanǵan karantindik sharalardyń ártúrli bolýy da júktiń dittegen jerine tez jetýine kedergi keltiripti.

Biraq SPD EXPRESS kompaniiasynyń qyzmetkerleri mundai ýaqytsha qiyndyqtarǵa moiymai, óz jumystaryn minsiz atqaryp shyqqan.

Aitalyq, karantin kezinde koronavirýsty aýyzdyqtaýǵa qajetti meditsinalyq jabdyqtar men meditsinalyq maska sekildi birinshi kezekti qajet qorǵanys quraldaryn bir qaladan ekinshi bir qalaǵa dál ýaqytynda jetkizip, elimizde indettiń taralmaýyna óz úlesterin qosyp otyrdy.

Osylaisha, SPD EXPRESS syndy naryqta ábden tanylǵan kompaniialardyń arqasynda ortalyqtan shalǵaida jatqan aýdan men qalalarǵa qajetti meditsinalyq jabdyqtar dál ýaqytynda jetip otyrǵan. Bul úshin logistikalyq kompaniiaǵa alǵystan basqa aitarymyz joq.

Nurlan JUMAHAN

Karantin kezinde logistikalyq kompaniialar jumysyn qalai atqardy? (fotorepartaj)

Oqi otyryńyz

Qazaqstan alǵash ret jahandyq innovatsiialyq kartaǵa engizildi

Dariǵa Nazarbaevaǵa qatysty el arasynda júrgen áńgimeniń "shyndyǵy" ashyldy

«Qazaqmys» Jezqazǵan óndiristik alańyn jańǵyrtýǵa júzdegen million dollar investitsiia salýda