پرەزيدەنتتىك جاستار كادر رەزەرۆىنىڭ نەگىزگى كوزدەگەن ماقساتى – مەملەكەتتىك اپپاراتتى جەتىلدىرۋ جانە باسشىلاردىڭ جاڭا بۋىنىنا جول اشۋ. "بۇگىنگى جاستار – مەملەكەتتىك باسقارۋ جۇيەسىنىڭ بولاشاعى. ءارقايسىڭىزدان ەلدى دامىتۋعا تىڭ سەرپىن بەرەتىن جاڭا يدەيا مەن ناتيجەلى جۇمىس كۇتەمىز" دەپ پرەزيدەنتىمىز توقايەۆ قاسىم-جومارت كەمەل ۇلى ايتقانداي، پرەزيدەنتتىك جاستار كادر رەزەرۆىنە ەنىپ، جۇزدەن جۇيرىك شىعىپ ەل ءۇشىن قىزمەت جاساپ جاتىرعان ءبىلىمدى جاستارىمىز جەتەرلىك.

پرەزيدەنتتىك جاستار كادر رەزەرۆى – تاۋەلسىز ەلىمىزدىڭ وركەندەۋىنە ەلەۋلى ۇلەس قوسام دەگەن جاستارعا مۇمكىندىك بەرەتىن بىرەگەي جوبا. مەملەكەت باسشىسى دارىندى جاستار ءۇشىن اشىق جانە ءتيىمدى الەۋمەتتىك ساتى قۇرۋ تۋرالى يدەيانى العا تارتتى.

جوبادا بارىنشا دايارلانعان جانە تاجىريبەلى جاستار ءۇشىن مەملەكەتتىك باسقارۋ جانە كۆازيمەملەكەتتىك سەكتور جۇيەسىندە باسشىلىق قىزمەتكە تۇرۋعا بىرەگەي مۇمكىندىك اشۋ ماقساتى كوزدەلگەن.

ماسەلەن، جوعارى اكىمشىلىك جانە ساياسي لاۋازىمدارعا بوس ورىندار پايدا بولعان جاعدايدا پرەزيدەنتتىك جاستار كادرلىق رەزەرۆىندە تۇرعان تۇلعالاردىڭ كانديداتۋرالارى قارالادى.

بۇل رەتتە پرەزيدەنتتىك جاستار كادر رەزەرۆىنە قابىلدانعان تۇلعالار رەزەرۆتە تۇرعان كەزەڭدە لاۋازىمعا مىندەتتى تۇردە تاعايىندالۋى شارت بولىپ تابىلمايدى. رەزەرۆتە تۇرعان تۇلعالار ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىندا جانە ونىڭ فيليالدارىندا ودان ءارى كاسىبي جانە تۇلعالىق دامۋ ءۇشىن وقىتۋ كۋرستارى مەن ترەنينگتەردەن ءوتۋ مۇمكىندىگىنە يە بولادى.

بيىلعى جىلى پرەزيدەنتتىك جاستار كادر رەزەرۆى ءۇشىنشى رەت وتكىزىلەيىن دەپ وتىر. وسى جىلدار ىشىندە ەڭ دارىندى، ءبىلىمدى جاستارىمىز سۋرىلىپ شىعىپ باسشىلىق قىزمەتتەردە جاساپ جۇرگەنىن كورىپ قۋانامىز. قۋانتىروۆ الىبەك ساكەنۇلى-قازاقستان رەسپۋبليكاسىنىڭ ۇلتتىق ەكونوميكا ءمينيسترى، سۋلەيمەنوۆا زۋلفيا بۋلاتوۆنا قازاقستان رەسپۋبليكاسى پرەزيدەنتىنىڭ كەڭەسشىسى وداندا باسقا پرەزيدەنت رەزەرۆ كونكۋرسىندا ۇزدىك شىعىپ ەلگە قىزمەت جاساپ جاتىرعان جاستارىمىز قانشاما.
پرەزيدەنتتىك جاستار كادر رەزەرۆى شەتەلدە ءبىلىم الىپ، كەيىننەن سول جاقتا قالىپ قوياتىن جاستاردى ەلگە قايتارۋدا تاپتىرماس قۇرالعا اينالايىن دەپ تۇر.

سونىمەن قاتار مەملەكەتتىك قىزمەتتەگى تالانتتى جاستاردىڭ جارقىراي كورىنۋىنە جولا اشاتىن بولادى. ناعىز دارىندى، تالانتتى، ءبىلىمدى جاستارىمىز باسشىلىق قىزمەتتەرگە كەلىپ، ەلىمىزدىڭ گۇلدەنۋىنە ءوز ۇلەستەرىن قوسادى. بۇل جاستار ءۇشىن ۇلكەن مۇمكىندىك، قولداۋ.
بيىلعا جىلعى ىرىكتەۋدەن وتەتىن بارلىق جاستارعا ساتتىلىك تىلەيمىن. س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ جاستارىندا پرەزيدەنتتىك جاستار كادر رەزەرۆىنە قاتىسۋعا شاقىرامىن. ءادىل، اشىق وتەتىنىنە سەنەمىن.

س.سەيفۋللين اتىنداعى قازاق اگروتەحنيكالىق
زەرتتەۋ ۋنيۆەرسيتەتىنىڭ كاسىپتىك ءبىلىم بەرۋ كافەدراسىنىڭ
مەڭگەرۋشىسى پ.ع.ك.، دوسەنت ەسەكەشوۆا مارال دۇيسەنەي قىزى