ءجيى جەلى "جۇلدىزىنا" اينالاتىن ەكس-پوليسەيدىڭ بۇعان دەيىنگى ءىسى قالاي اياقتالدى؟

ساعىنىش سارداروۆا 12 ناۋ. 2024 09:31 1580

الەۋمەتتىك جەلىدە بۇعان دەيىن "گۇل ۇرىسى" رەتىندە تانىمال بولعان بۇرىنعى پوليسيا قىزمەتكەرىنىڭ تاعى ءبىر ۆيدەوسى تاراپ كەتكەن ەدى. وسى جولى ول مەكەمەدە ايەلدىڭ تەلەفونىن تارتىپ العانى ايتىلادى. پوليسەيلەر ونىڭ بۇعان دەيىنگى ءىسى قالاي اياقتالعانىن ايتتى، - دەپ حابارلايدى Dalanews.kz.

وعان قاتىستى ءبىرىنشى وقيعا 2023 جىلى مامىردا بولدى. بۇل ۆيدەو دا الەۋمەتتىك جەلىدە تاراپ كەتتى: ەر ادام سالوننان گۇل شوعىن الىپ كەتەدى، وعان قوسا ءفلوريستتى يتەرىپ جىبەرەدى.

كەيىنىرەك ۆيدەو كەيىپكەرى 2023 جىلى 19 مامىردا پوليسيا قاتارىنان ءوز ەركىمەن بەرىلگەن راپورتقا سايكەس كەتكەن قاراتاۋ اۋداندىق پوليسيا باسقارماسىنىڭ بۇرىنعى قىزمەتكەرى ەكەنى بەلگىلى بولدى. گۇل دۇكەنىندە بولعان وقيعاعا قاتىستى "توناۋ" بابى بويىنشا ءىس باستالدى.

"الەۋمەتتىك جەلىلەردە جاريالانعان ۆيدەو ماتەريالداردى تالداۋ ناتيجەسىندە تۇران اۋدانى پوليسيا باسقارماسى ايتىلعان دەرەك بويىنشا قك-نىڭ 191-بابىندا، 2-بولىگىندە، 1-تارماعىندا كوزدەلگەن قىلمىستىق قۇقىقبۇزۋشىلىق بەلگىلەرى بويىنشا سوتالدى تەرگەۋ باستادى جانە شىمكەنت پوليسيا دەپارتامەنتىنە ءجىبەرىلدى. وسى قىلمىستىق ءىس بويىنشا قاجەت تەرگەۋ جەدەل ءىس-شارالارى جۇرگىزىلىپ جاتىر، ونىڭ ناتيجەلەرى بويىنشا زاڭدى ءىس جۇرگىزۋ شەشىمىن قابىلداي وتىرىپ، كىنالى ادامداردىڭ ىس-ارەكەتتەرىنە قۇقىقتىق باعا بەرىلەدى - دەلىنگەن ەدى سول كەزدە شىمكەنت پروكۋراتۋراسى حابارلاماسىندا.

بۇرىنعى پوليسەيگە قاتىستى ەكىنشى وقيعا جاقىن كۇندەرى شىمكەنت قالاسىنداعى مەيرامحانالاردىڭ بىرىندە بولدى. تەلەفونىن قايتارۋدى سۇراعان ايەلگە ەكس-پوليسيا قىزمەتكەرى جاۋاپ بەرمەيدى.

"اكەل تەلەفونىمدى. تەلەفوندى الىپ كەل دەدىم ساعان! ىشكەنىڭە تولەي المايسىڭ عوي ءقازىر. ...مىنا كىسى ايتىپ جاتىر مە ەدىڭدەر؟ ىشكەنىنە تولەپ السىن. مەنىڭ تەلەفونىمدى كەپىلگە تاستاماقشى. جاقسىلاپ تەلەفونعا ءتۇسىرشى. سول گۇلگە اقشا تولەي المايتىن جىگىت قوي"، - دەدى ۆيدەودا ايەل.

كادرلاردان وقيعا كۋاگەرلەرى ايەلگە كومەكتەسكىسى كەلگەنى كورىنەدى. الايدا ەر ادام ولاردىڭ دا سوزىنە قۇلاق اسپايدى.

“مەنىڭ تەلەفونىم، سونى الا سال. ساعان سىيلادىم. مەندە تەلەفون جوق، كولىكتە”، – دەيدى ەر ادام.

سونىمەن قاتار، جەلى قولدانۋشىلارى ەكس-پوليسەي باسقا ادامداردىڭ زاتتارىن الىپ قوياتىن ادەتىن قويماعانىنا اشىنعان.

كەشە قۇقىق قورعاۋ ورگانىنىڭ بۇرىنعى قىزمەتكەرىنە قاتىستى ءىس توقتاتىلعانى بەلگىلى بولدى.

"وعان قاتىستى بۇرىن تىركەلگەن قىلمىستىق ءىس قىلمىس قۇرامى بولماۋىنا بايلانىستى توقتاتىلدى. شەشىمدى شىمكەنت پروكۋراتۋراسى كەلىسىپ، بەكىتكەن"، - دەپ جاۋاپ بەردى شىمكەنت پوليسيا دەپارتامەنتىنىڭ باسپا ءسوز قىزمەتى وكىلدەرى Tengrinews.kz-كە.

سونىمەن قاتار، پوليسەيلەر جاقىن ارادا بولعان وقيعاعا قاتىستى دا پىكىر بىلدىرگەن ەدى.

"بۇل دەرەك بويىنشا پوليسياعا ەشقانداي ارىز تۇسكەن جوق. ءقازىر وقيعانىڭ ءمان-جايىن انىقتاۋ ءۇشىن ۆيدەودا كورسەتىلگەن ادامداردى انىقتاۋ بويىنشا جۇمىس جۇرگىزىلىپ جاتىر.

سونىمەن قاتار، م. بەكوۆ ىشكى ىستەر ورگاندارى قىزمەتكەرى ەمەس ەكەنىن حابارلايمىز"، - دەپ جازىلعان شىمكەنت پوليسيا دەپارتامەنتىنىڭ باسپا ءسوز قىزمەتىنىڭ حابارلاماسىندا.


ۇسىنىلعان
سوڭعى جاڭالىقتار