2019-2021 جىلدىڭ ارالىعىندا جٷزەگە اسقان اۋقىمدى جوبا اداسقاننىڭ الدى جٶن, ارتى سوقپاق دەپ, يت ٶلگەن جەردەگٸ سيريياعا اتتانىپ, ارتىنان بارماعىن تٸستەگەن قانداستارىمىزعا قول ۇشىن سوزدى.
مەملەكەت باسشىسىنىڭ كەڭەسشٸسٸ, "جۋساننىڭ" كۋراتورى ەرلان قاريننٸڭ اتاپ ٶتكەنٸندەي وسىناۋ وپەراتسيياعا اتسالىسقان ازاماتتار باسىن قاتەرگە تٸككەن.
"سيريياعا بارىپ, وڭباي وپىق جەگەن, ەرٸ سول ەرەكەتٸنە ٶكٸنەتٸن قانداستارىمىزدى ٸزدەۋ وڭايعا سوقپادى. ولاردىڭ ورنالاسقان جەرٸپ انىقتاپ, ارتىنان ۇشاققا جەتكٸزۋ ٷشٸن ساۋاتتى جوسپار قۇرۋ قاجەت بولدى. وپەراتسييا اياسىندا نەگٸزٸنەن ەيەلدەر (188 ادام) مەن بالالاردىڭ قۇتقارىلعانى بەلگٸلٸ, الايدا جولداسىنىڭ كٶزٸنە تٷسسە, ولاردىڭ ەلگە ورالۋى نەعايبىل ەدٸ. سول سەبەبٸ ولاردى ۇشاققا سىرت كٶزدەن تاسالاپ جەتكٸزۋگە تۋرا كەلدٸ...", – دەگەن بولاتىن بۇعان دەيٸن Dalanews.kz-كە پٸكٸر بٸلدٸرگەن قارين.
دٸن ٸستەر كوميتەتٸ: "پروپاگانداعا پروپاگاندامەن جاۋاپ قايتارۋ قاجەت"
بٸزدٸڭ بۇل تاقىرىپتى قاۋزاۋىمىز بەكەر ەمەس. جۋرناليستەرمەن جٷزدەسكەن دٸن ٸستەرٸ كوميتەتٸنٸڭ تٶراعاسى ەرجان نٷكەجانوۆ "جۋسان" وپەراتسيياسىنىڭ تالاي وتباسىعا (ونىڭ ٸشٸندە انا مەن بالاعا) سەپتٸگٸن تيگٸزگەنٸن ايتتى.
كٷيەۋٸنٸڭ سوڭىنان ەرٸپ, توزاققا تٷسكەندەي بولعان ەيەلدەردٸڭ كٶپشٸلٸگٸ ەلگە ورالعاسىن ورتاعا سٸڭٸسٸپ, زايىرلى ٶمٸرگە بەيٸمدەلە باستاعان. سٶي دەگەن كوميتەت تٶراعاسى قازاقستاننىڭ راديكالدانعان اۋديتورييانى دۇرىس جولعا سالۋ تەجٸريبەسٸنە اقش پەن باتىس ەلدەرٸنٸڭ نازار اۋدارعانىن ايتتى.
ەكسترەميزم يدەولوگيياسىمەن ۋلانعان ازاماتتى قالىپتى ٶمٸرگە قايتا ورالۋ سىرت كٶزگە جەڭٸل كٶرٸنگەنمەن, شىن مەنٸندە ٷلكەن قاجىر-قابٸلەتتٸ قاجەت ەتەتٸن مەحنات جۇمىس. سەبەبٸ, دەسترۋكتيۆتٸ دٸني اعىمداردىڭ پروپاگانداسى تىنىمسىز جٷرگٸزٸلەدٸ.
بۇعان تٶتەپ بەرۋ ٷشٸن دٸن ٸستەرٸ كوميتەتٸ پروپاگانداعا پروپاگاندامەن جاۋاپ قاتۋدى كٶزدەپ وتىر.
"بيىلعى جىلدىڭ العاشقى شيرەگٸندە ەلەمجەلٸ مەن عالامتور كەڭٸستٸگٸنە جات اعىمداردىڭ تەرٸس پيعىلىن ەشكەرەلەيتٸن مىڭداعان اقپاراتتىق, تانىمدىق ماتەريال جٷكتەدٸك. ٶتكەن ۋاقىتپەن سالىستىرعاندا ەكٸ ەسە كٶپ. تەرٸس دٸني اعىمدارعا قارسى سوققى بەرٸپ, قارىمتا قايتارۋدامىز. دۇرىس باعىتتاعى كونتەنت ەزٸردٸڭ ٶزٸندە نەتيجەسٸن بەرۋدە. بٸز اتقارعان جۇمىستىڭ ارقاسىندا وسىناۋ كونتەنتتٸ كٶرٸپ شىققان جٷزدەگەن, مىڭداعان قازاقستاندىق ەلەمجەلٸدەگٸ راديكالدىق توپتاردان شىقتى", – دەيدٸ كوميتەت باسشىسى.
نٷكەجانوۆتىڭ پٸكٸرٸنشە "جۋسان" وپەراتسيياسىنىڭ اياسىندا ەلگە ورالعان قىز-كەلٸنشەكتەردٸڭ دەرلٸگٸ العاشقىداعى ويىنان اينىپ, ەكسترەميستٸك پروپاگاندا مەن يدەولوگييادان تٷپكٸلٸكتٸ باس تارتقان. جاسىرارى جوق, دٸني پروپاگاندا ساناسىن تۇمشالاپ, اقىل-ەستەن اداستىرعان جاعداي دا كەزدەسەدٸ.
"جۋساننىڭ" كٶمەگٸمەن ەلگە ورالعان, الايدا ەكسترەميستٸك كٶزقاراسىنان قايتپاعان 30-عا جۋىق ەر-ازامات پەن 20-عا تارتا قىز-كەلٸنشەك قازٸر تٷرلٸ لاڭكەستٸك ۇيىمداردىڭ قاتارىندا سوعىسقانى ٷشٸن تٷرمەدە جازاسىن ٶتەۋدە.
دٸن ٸستەرٸ كوميتەتٸ ەلەۋمەتتٸك جەلٸمەن قالاي جۇمىس ٸستەۋدە?
ٸلگەرٸدە 20-عا جۋىق قىز-كەلٸنشەكتٸڭ ەكسترەميستٸك ەرەكەتٸ ٷشٸن اباقتىعا قامالعانىن ايتتىق. ولاردى رايىنان قايتارۋدىڭ امالى بار ما? دٸن ٸستەرٸ كوميتەتٸ ولاردى قالىپتى ٶمٸرگە ورالتۋدىڭ جولدارىن ٸزدەۋدە مە?
قازٸر ەلٸمٸزدٸڭ بٸرقاتار ٶڭٸرلەرٸندە جۋسان Zoom باعدارلاماسى جٷزەگە اسىپ جاتىر. سول ارقىلى ەلٸمٸزدەگٸ دٸن پروبلەماسىن زەرتتەۋ ورتالىقتارىنىڭ ماماندارى ەكسترەميزم مەن تەرروريزم ٷشٸن اباقتىدا وتىرعان ازاماتتارمەن Zoom ارقىلى پٸكٸرلەسٸپ, ولاردى ويىنان اينىتۋعا تىرىسۋدا. تٷرمەدەگٸ قىز-كەلٸنشەكتەرمەن دٸني مەسەلە تٶڭٸرەگٸندە تٸلدەسەتٸن ساراپشىلار وسىناۋ جوبانىڭ قايىرى بولارىنا سەنٸمدٸ.
ەزٸردٸڭ ٶزٸندە جۋسان Zoom جوباسىنا سيريياعا ساپار شەككەنٸ ٷشٸن تٷرمەدە جازاسىن ٶتەپ جاتقان 60-قا جۋىق قىز-كەلٸنشەك قوسىلعان.
"ەكسترەميزم بابى بويىنشا اباقتىدا وتىرعان ەيەلدەر كٶبٸنە-كٶپ بالالارىنىڭ تاعدىرىنا الاڭدايدى.
سيريياداعى سوعىستى كٶرگەن سەبيلەر اتىلعان وق پەن جارىلعان بومبىنىڭ سالدارىنان تۇتىعىپ سٶيلەيتٸن اۋرۋعا شالدىققان.
كٶپشٸلٸگٸنٸڭ تٸلٸ كەش شىققان. دامۋىندا دا كەشٸگۋ بار. ساراپشىلارمەن پٸكٸرلەسكەن ەيەلدەر وسى مەسەلەگە الاڭدايتىنىن ايتادى. بٸز ٶز تاراپىمىزدان ولاردىڭ ۇل-قىزدارىنا جەردەم بەرۋگە تىرىسامىز", – دەيدٸ ەلەۋمەتتانۋشى ەرٸ وسى جوبانىڭ جەتەكشٸلەرٸنٸڭ بٸرٸ گٷلناز رازدىقوۆا.
تۇتاستاي العانداعى ەكسترەميزم ٷشٸن سوتتالعان اباقتىداعى ازاماتتارمەن جۇمىس بەلسەندٸ جٷرۋدە.
"جۋسان" وپەراتسيياسى: اقش پەن باتىس ەلدەرٸ قازاقستان تەجٸريبەسٸنەن ٷلگٸ الۋدى كٶزدەيدٸ
ايتقانداي "جۋسان" وپەراتسيياسىنىڭ جاڭعىرىعى شارتاراپقا تاراسا كەرەك. تٷنەۋكٷنٸ اتىراۋ ٶڭٸرٸنە كەلگەن اقش عالىمدارى وسىناۋ جوبانىڭ قالاي ەزٸرلەنگەنٸن بٷگە-شٷگەسٸنە دەيٸن سۇراپتى. مەسەلەن يللينوي ۋنيۆەرسيتەتٸنٸڭ بەلدٸ عالىمى ستيۆەن ۋەين مەن ۆاشينگتون اتىنداعى وقۋ ورنىنىڭ عىلىمي قىزمەتكەرٸ نوا تەكەر مىرزا "جۋساننىڭ" كٶمەگٸمەن ەلگە ورالعان ازاماتتارمەن تٸلدەسكٸسٸ كەلگەن ەكەن. بۇدان بٶلەك ولاردى ورتاعا بەيٸمدەۋ تەجٸريبەسٸنە قۇمبىل كٶڭٸل بٶلگەن. امەريكا مەن باتىس عالىمدارى "جۋسان" جوباسىنا قىزىعىپ وتىرعانىن جاسىرماپتى.
امەريكا ساراپشىلارى "سيرييادان ورالعان ازاماتتاردىڭ بالالارى قانداي كٷيدە? ولار مەكتەپكە بارىپ جٷر مە? قاتارلاستارىنان جەبٸر كٶرمەي مە?" دەگەن ساۋالدى دا تٶتەسٸنەن قويىپتى.
قادٸرمەندٸ مەيمانداردى قارسى قالعان اتىراۋ وبلىسى ەكٸمٸنٸڭ ورىنباسارى ب.حامەنوۆا "جۋساننىڭ" ارقاسىندا وتانىنا ورالعان بالالاردىڭ تولىققاندى بٸلٸم الىپ جٷرگەنٸن ايتادى, ولاردىڭ وقۋ ٷلگەرٸمٸ دە قاتارلاستارىنان كەم ەمەس. بۇدان بٶلەك مۇنداي وتباسىدان شىققان وقۋشىلار مەكتەپتە تەگٸن تاماقپەن قامتىلعانىن ايتا كەتۋ كەرەك.
ەزٸرلەگەن, اياۋلىم شايماردان
https://dalanews.kz/kogam/65647-zhusan-operaciiasy-siriiadan-oralganda
