تارازدا جۇما نامازدىڭ سوڭى جاپپاي نارازىلىققا جالعاستى. سەبەپ جاماعاتتىڭ قۇلشىلىق ەتۋگە ٸشكە ەنگەن سەتٸن كٷتكەن تەرتٸپ ساقشىلارى كەلگەن كٶلٸك نٶمٸرلەرٸن تىپ-تيپىل ەتٸپ تەرٸپ كەتكەن دەيدٸ كٶپشٸلٸك.
تٸلشٸلەر تاراز قالاسىنىڭ تۇرعىنى رٷستەم باتىربەكوۆ سٶزگە تارتقان:
– جۇما نامازدان شىقتىق. بولدى نٶمٸرٸمٸزدٸ شەشٸپ الدى.
– نە ٷشٸن? مىنا جەردە تۇرعانىمىز ٷشٸن.
– قانشا ادامنىڭ نٶمٸرٸن شەشٸپ الدى?
– شامامەن 50-60 ادامدٸكٸن شىعار.
– قالاي ايتساق تا ول زاڭعا قاراما – قايشى. جۇرت كٶلٸكتەرٸن جولدىڭ بويىنا قويعان. سوندىقتان بٷگٸن بٸز سەندەرگە ەسكەرتەمٸز. نەگٸزٸ يمامعا ۋاعىز كەزٸندە ايتىڭىز دەپ ٶتٸنٸش ايتقانبىز, – دەدٸ.
وسىلايشا كٶپتٸڭ مىسى باسسا كەرەك ٶز قولىمەن جاپاي جيناعان جٷزگە جۋىق كٶلٸك نٶمٸرٸن پوليتسەيلەر كەرٸ قايتارىپ بەردٸ.
مەشٸت ماڭدا كٶلٸك توقتاتۋعا تىيىم سالىنعان بەلگٸ جوق. بٸراق پوليتسييا قىزمەتكەرەلرٸ ونىڭ قاجەتٸ دە شامالى ەكەنٸن ايتۋدا. ٶيتكەنٸ جول جيەگٸنە كٶلٸك قويۋ ونسىز دا زاڭعا تومپاق ەكەنٸ بەلگٸلٸ. بٸراق بٸر قىزىعى بۇعان دەيٸن كٶز جۇما قاراپ كەلٸپتٸ. تۇرعىنداردىڭ اشۋىن تۋعىزۋعا تەرتٸپ ساقشىلارىنىڭ ٷنسٸز ويلاماعان جەردەن كٶلٸكتەردٸڭ نٶمٸرلەرٸن شەشٸپ الۋى سەبەپشٸ بولعانى انىق. جۇرت «ەڭ بولماعاندا ەسكەرتۋ جاساۋ كەرەك ەدٸ» دەپ دەپ رەنٸشٸن بٸلدٸردٸ.
