ءجۇرسىن ەرماندى كورگەن جۇرت اۋەلى ءاسانالى اشىموۆكە ۇقساتىپ، كەيىن سۋرەتكە تۇسۋگە قۇمارلانىپ تۇرادى ەكەن. ءتىپتى، كەيدە جۋرناليستەردىڭ ءوزى شاتاساتىن كورىنەدى. ءجۇرسىن ەرمان «جانىمىز ۇقساس بولعان سوڭ، ءتۇرىسمىز دە ۇقساپ كەتكەن شىعار» دەيدى.
– جاقىندا مىناداي بولدى. ءوزى جۇرت ءاسانالى ەكەۋمىزدى شاتاستىرا بەرەدى. وزىمە مۇلدەم ۇقسامايتىن سياقتىمىز. ءبىراق، ءاسانالىنى مەن دەپ، مەنى ءاسانالى دەپ قالاتىن جاعدايلار بولدى. انا جىلى اعىباي باتىردىڭ تويىنا بارىپ، 300 جىلدىعىندا ءاعادىر اۋىلىنان قايتىپ كەلە جاتىرمىز. ورالحان بوكەيەۆ بار قاسىمدا. سودان ءداۋ قازاق ماشينامىزدى باسىپ كەتە جازداپ، اتپەن شاۋىپ كەلە جاتىر. ارتىمىزدان قالماي قويدى. «ورالحان قاراشى، مىنا قازاققا قارىز ەمەسسىڭ بە؟» دەدىم. «قارىز ەمەسپىن»، – دەيدى ورالحان.
توقتايىق وندا دەپ توقتادىق. 160 كەلى بولاتىن ءبىر ءداۋ جىگىت اتتان دومالاپ ءتۇستى. كەيىن تانىستىم. يمان ءتۇسىپ دەگەن جىگىت ەكەن.
– اسەكە، اسەكە دەيدى ماعان. مىنا قارابۇلاق دەگەن اۋىل ءبىر قوي بەرەيىن دەپ وتىر جەپ كەت” دەيدى. سوعان شاقىرادى. ول ول ما، سونداي جاقىندا ءبىر تەلەارنا دا بولدى. اسەكەنىڭ 80 جىلدىعىنا بايلانىستى ءبىر حابارعا قاتىسىپ ەدىك. اسەكە ەكەۋمىز قاتار تۇرعانبىز. ەكى قىز بالا كەلىپ، “اسا اعا، سۋرەتكە تۇسەيىك” دەدى. «ەي، سەندەر مەنى بىلەسىڭدەر مە، مەنىڭ كينولارىمدى كوردىڭدەر مە؟» دەدىم. «ويباي اۋ، ءسىزدىڭ كينولاردى كورمەگەندە كىمدى كوردىك» دەيدى. اسەكە قاسىمىزدا كۇلىپ تۇر. ءوزى كۋا بولدى. جانىمىز جاقىن بولعان سوڭ، ءتۇرىمىز ۇقسايتىن شىعار، – ەرمان.
ونىڭ ۇستىنە ءاسانالى ءاشىموۆتىڭ ءوزى ءجۇرمىن ەرماندى دۋبلەرىم دەيدى ەكەن. جاقىندا ءاشىموۆ ءۇشىن اقىن كينوعا دا ءتۇسىپ بەرىپتى.
«ول كىسى مەنى دۋبلەرىم دەپ جۇرەدى. انا جىلى ءبىر «كانيكۋلى كامبارا» دەگەن كينوعا ءتۇستىم ءاسانالىنىڭ ورنىنا. شالدىڭ ءرولىن سومدادىم. سودان بەرى دۋبلەرىم دەيدى»، – دەپ اعىنان جارىلدى ءجۇرسىن ەرمان.
