Júrsin Erman Asanáli Áshimovke uqsai ma?
Júrsin Ermandy kórgen jurt áýeli Asanáli Áshimovke uqsatyp, keiin sýretke túsýge qumarlanyp turady eken. Tipti, keide jýrnalisterdiń ózi shatasatyn kórinedi. Júrsin Erman «janymyz uqsas bolǵan soń, túrismiz de uqsap ketken shyǵar» deidi.
– Jaqynda mynadai boldy. Ózi jurt Asanáli ekeýmizdi shatastyra beredi. Ózime múldem uqsamaityn siiaqtymyz. Biraq, Asanálini men dep, meni Asanáli dep qalatyn jaǵdailar boldy. Ana jyly Aǵybai batyrdyń toiyna baryp, 300 jyldyǵynda Aǵadir aýylynan qaityp kele jatyrmyz. Oralhan Bókeev bar qasymda. Sodan dáý qazaq mashinamyzdy basyp kete jazdap, atpen shaýyp kele jatyr. Artymyzdan qalmai qoidy. «Oralhan qarashy, myna qazaqqa qaryz emessiń be?» dedim. «Qaryz emespin», – deidi Oralhan.
Toqtaiyq onda dep toqtadyq. 160 keli bolatyn bir dáý jigit attan domalap tústi. Keiin tanystym. Iman Túsip degen jigit eken.
– Aseke, Aseke deidi maǵan. Myna Qarabulaq degen aýyl bir qoi bereiin dep otyr jep ket” deidi. Soǵan shaqyrady. Ol ol ma, sondai jaqynda bir telearna da boldy. Asekeniń 80 jyldyǵyna bailanysty bir habarǵa qatysyp edik. Aseke ekeýmiz qatar turǵanbyz. Eki qyz bala kelip, “Asa aǵa, sýretke túseiik” dedi. «Ei, sender meni bilesińder me, meniń kinolarymdy kórdińder me?» dedim. «Oibai aý, sizdiń kinolardy kórmegende kimdi kórdik» deidi. Aseke qasymyzda kúlip tur. Ózi kýá boldy. Janymyz jaqyn bolǵan soń, túrimiz uqsaityn shyǵar, – Erman.
Onyń ústine Asanáli Áshimovtyń ózi Júrmin Ermandy dýblerim deidi eken. Jaqynda Áshimov úshin aqyn kinoǵa da túsip beripti.
«Ol kisi meni dýblerim dep júredi. Ana jyly bir «Kanikýly Kambara» degen kinoǵa tústim Asanáliniń ornyna. Shaldyń rólin somdadym. Sodan beri dýblerim deidi», – dep aǵynan jaryldy Júrsin Erman.
