بٷگٸن مۇحامەدجان تازابەك ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا «اسىل ارنانى» جاباتىنىن, الداعى ۋاقىتتا «تەلٸم تۆ» دەگەن جاڭا ارنانىڭ جۇمىسىن قولعا الاتىنىن ايتتى. ونىڭ ايتۋىنشا, «تەلٸم تۆ» ەلٸمٸزدەگٸ تۇرمىستىق, ەلەۋمەتتٸك مەسەلەلەرگە قاتىستى باعدارلامالار دايىنداماقشى.
سوڭعى جىلدارى ەلٸمٸزدە دٸنگە قاتىستى كٶپتەگەن مەسەلەلەر تۋىنداعانى جاسىرىن ەمەس. مۇنىڭ بەرٸ دٸني اقپاراتتىق قاۋٸپسٸزدٸگٸمٸز دۇرىس قورعالماعاندىقتان ورىن الدى. ونى مويىنداۋىمىز كەرەك.
حالىق دٸني اقپاراتقا مۇقتاج بولدى. جۇرت كٶكەيگە تۇنعان ساۋالىنا دۇرىس جاۋاپ الا الماي قينالدى.
وسىلايشا, حالىق دٸني اقپاراتقا سۋساپ تۇرعاندا «اسىل ارنا» تەلەارناسى اشىلىپ, جۇرتتىڭ كٶزٸ اشىلعانىنا كۋە بولدىق. مٸنە, سودان بەرٸ 10 جىل ٶتە شىعىپتى.
ەندٸ دٸني باسقارمانىڭ جانىنان «حالىق ارنا» اشىلىپ, مٷفتييات دٸني باعىتتاعى حابار تاراتۋدى تولىقتاي ٶز قولىنا الدى. بۇل رەتتە «اسىل ارنانىڭ» باس ديرەكتورى دٸني باسقارمانىڭ باستاماسىن قۇپ الىپ, وسىعان دەيٸن دٸني باعىتتا حابار تاراتىپ كەلگەن «اسىل ارنانىڭ» جۇمىسىن توقتاتىپ, جاڭا جوبانى قولعا الاتىنىن مەلٸم ەتتٸ.
وسى رەتتە دٸني باسقارما اقپاراتتىق قاۋٸپسٸزدٸكتٸ قامتاماسىز ەتٸپ, دٸني باعىتتا حابار تاراتاتىن تەلەارنانى 10 جىل بۇرىن نەگە اشپادى دەگەن زاڭدى سۇراق تۋىندايدى. بٸراق ول كەزدە دٸني باسقارمانىڭ بۇدان دا باسقا جۇمىستارى جەتٸپ ارتىلاتىن. ايتالىق, دٸني كادرلاردى دايارلاۋ, ەلٸمٸزدەگٸ مىڭداعان مەشٸتتەردٸ قۇجاتتاندىرۋ, دٸني وقۋ ورىندارىن قۇرۋ سىندى كٶپتەگەن ماڭىزدى جۇمىستار كەزەگٸن كٷتٸپ تۇردى. وسى قات-قابات جۇمىستار باسقارمانىڭ اقپاراتتىق قاۋٸپسٸزدٸك مەسەلەسٸمەن اينالىسۋىنا مويىن بۇرعىزبادى.
بٸراق سول كەزدە مۇحامەدجان تازابەك باستاعان ازاماتتار وسى ولقىلىقتىڭ ورنىن تولتىرىپ, دٸني اقپاراتتىق جۇمىستارمەن اينالىسىپ, «اسىل ارنا» قۇردى.
«اسىل ارنا» قۇرىلعان كەزدە ەلٸمٸزدە دٸن مەسەلەسٸ ٶزٸنٸڭ اپوگەيٸنە جەتٸپ تۇرعان ەدٸ. سول تۇستا مۇحامەدجان تازابەكوۆتىڭ دٸني ۇستانىمىنا قاتىستى قوعامدىق ورتادا تٷرلٸ ەڭگٸمە ايتىلدى (ول ەڭگٸمەلەر ەلٸ دە ايتىلۋدا).
بٷگٸن ٶتكەن باسپاسٶز مەسليحاتىندا دا تازابەككە وسى سۇراق تٶتەسٸنەن قويىلدى. ول بۇعان دەيٸن ايتقان جاۋابىن, ياعني حانافي ماسحابىنىڭ ۇستانىمدارىن بەرٸك ۇستاناتىنىن ايتتى.
مۇحامەدجان تازابەك 10 جىل «اسىل ارنانى» باسقارعان تۇستا ونىڭ بۇرا تارتىپ, سەلەفيلەردٸڭ ۇستانىمىن ناسيحاتتاعانىن ەستٸگەن دە, كٶرگەن دە ەمەسپٸز.
ايتپاقشى, «اسىل ارنا» قۇرىلعان كٷننەن باستاپ, ارنادا شىعاتىن حابارلاردىڭ بەرٸ دٸني باسقارمانىڭ قاتاڭ باقىلاۋىندا بولعانىن بٸلەمٸز. بٸراق وسى ۋاقىت ارالىعىندا تاراپتاردىڭ قانداي دا بٸر مەسەلە بويىنشا «تٷسٸنٸسپەي قالىپتى» دەگەن ەڭگٸمەنٸ ەستٸمەدٸك.
مويىنداۋمىز كەرەك, «اسىل ارنا» 10 جىلدىق جۇمىسى بارىسىندا ميلليونداعان كٶرەرمەندەردٸ قالىپتاستىردى. تەمٸردٸ قىزعان كەزٸندە سوق دەگەندەي, دەل ۋاقىتىندا اشىلىپ, قالىڭ بۇقاراعا دۇرىس دٸني اقپاراتتى تاراتتى.
وسىلايشا مۇحامەدجان تازابەكوۆ قازاق تٸلٸندە ساپالى مەديا رەسۋرس اشۋ مٷمكٸن ەمەس دەگەن سىڭارجاق پٸكٸردٸ بۇزدى. بٷگٸندە دٸن جولىندا جٷرگەن جۋرناليستەر جەتەرلٸك, سولار نەگە وسى باعىتتا جۇمىس ٸستەمەدٸ? مۇنداي جۇمىسقا تەۋەكەل ەتۋ ٷشٸن دٸن سالاسىن جەتٸك بٸلۋ جەتكٸلٸكسٸز. تەلەارنا قۇرۋعا تەۋەكەل ەتكەن ادام بٸلٸكتٸ مەنەدجەر بولۋى شارت.
سوندىقتان قيىن كەزەڭدە جىرتىعىمىزعا جاماۋ بولعان, مۇحامەدجان تازابەكوۆتىڭ جۇمىسىن ٷلكەن ەرلٸككە باعالاماساق تا, لايىقتى باعاسىن بەرەتٸن كەز جەتتٸ دەپ ەسەپتەيمٸز.
وسى رەتتە بٸزدەر مۇحامەدجان تازابەكتٸڭ جەكە باسىنا شۇقشييا بەرمەي, ونىڭ تەلەارنا سالاسىنداعى مەنەدجەرلٸك قىزمەتٸنە دە بٸر اۋىق مەن بەرٸپ, سول جايىندا ەڭگٸمە قوزعاعان جٶن.
تازابەك ٶزٸنٸڭ قولىندا زور اقپاراتتىق رەسۋرس تۇرعاندا جۇرتتى ەكٸگە جاردى ما? جارعان جوق. «اسىل ارنانىڭ» ەفيرٸنەن شىعاتىن حابارلاردا سەلەفيلٸك ۇستانىمعا سەيكەس قانداي دا بٸر ەلەمەنتتەر بولسا, ول سول كٷنٸ سۋ بەتٸنە قالقىپ شىعار ەدٸ. بٸراق مۇنداي وقيعا بولعان جوق.
سوندىقتان دٸني اقپاراتتىق قاۋٸپسٸزدٸكتٸڭ قابىرعاسى سٶگٸلٸپ تۇرعاندا, جوق-جٸتٸگٸمٸزدٸ تٷگەندەپ, ٷلكەن ٸسكە تەۋەكەل ەتكەن تازابەككە العىس ايتپاساق, قارعىس ايتپايىق, اعايىن.
مۇحامەدجان تازابەك ەلەۋمەتتٸك جەلٸمەن دە بەلسەندٸ جۇمىس ٸستەدٸ. بٷگٸندە تازابەكتٸڭ ەر پوستى ٷلكەن تالقىلاۋعا ۇلاسادى. مۇندايدا مۇحاڭنىڭ ٶزٸن بٸر تەلەارنا دەرسٸڭ. تەلەارنا باسشىلارى دەگەندە الدىمەن مۇحامەدجاننىڭ ەسٸمٸ اۋىزعا ٸلٸگەدٸ. نەگە? ٶيتكەنٸ ول ەلەۋمەتتٸك جەلٸدە تانىمال. جالپى, كەز كەلگەن مەديا رەسۋرستىڭ باسشىسى داۋ-شاردان قاشپاي, قايناعان اقپاراتتىڭ بەل ورتاسىندا جٷرۋٸ كەرەك قوي. سوندىقتان الداعى ۋاقىتتا ونىڭ اقپاراتتىق سالادا تيٸمدٸ جۇمىس ٸستەيتٸن مەنەدجەر ەكەنٸن تالداپ ايتىپ, ەلدٸك ماقساتقا بارىنشا پايدالانۋىمىز كەرەك. وسى رەتتە مۇحامەدجان تازابەكتٸڭ «تەلٸم تۆ» جوباسىن قولعا الىپ, اقپاراتتىق سالادان ۇزاپ كەتپەگەنٸ قۋانتتى.
