جۋرناليست لۋكاشەنكونى باتپاققا باتقان سيىرعا تەڭەدٸ
ونىڭ باتپاققا باتقانى دا قىزىق. ەۋەلٸ كٷرٸش باسىن تٸلٸمەن وراپ كٷيسەپ جٷرٸپ تٸزەسٸنە دەيٸن سۋ كەشٸپ كەتكەنٸن بايقامايدى. ٶيتكەنٸ مۇنداي دەمدٸ قورەكتٸ بۇرىن جەپ كٶرمەگەن. سوندىقتان كٶزٸ الاقتاپ, جالماپ, جايپاي بەرەدٸ.
سٶيتٸپ جٷرٸپ باۋىرىنا دەيٸن ۇيىققا كٸرٸپ كەتكەنٸن كەش بايقايدى. بايقاعان بەتتە باتپاقتان شىقپاق بوپ, جانتالاسا باستايدى. ونىڭ وسى جانتالاسقانى ٶزٸنٸڭ سورى. جانتالاسقان سايىن تەرەڭگە شىم-شىمداپ ەنە بەتەدٸ, ەنە بەرەدٸ.
ەگەر وسى كەز تام-تىرىس تۇرا قالسا, باتپاس ەدٸ, ادامدار كەلٸپ قۇتقارىپ الار ەدٸ. بٸراق سيىر سورلىنىڭ وعان جەتەر اقىلى كەنە. ٶزٸنٸڭ ەرەكەتٸ ٶزٸنٸڭ باسىن جالماپ جۇتادى.
بيلٸكتٸڭ ۇشار باسىندا جٷرگەندەردٸڭ دە حالٸ باتپاققا باتقان سول سيىردان اۋمايدى.
بيلٸككە باسىن سۇققانداردىڭ امان شىعۋى قيىن. شىعار ەدٸ, ورنىن بەرٸپ, تىنىش قانا كەتەر ەدٸ, بٸراق كەتە المايدى. كەتە المايتىنى سول, ەرتەڭٸنە-اق دار اعاشىنىڭ الدىندا تۇراتىنىن جاقسى بٸلەدٸ. ٶيتكەنٸ بيلٸگٸن ساقتاپ قالۋ ٷشٸن قارسىلاسىنا قىلماعانى قالماعان.
بٸرەۋگە تىرناعى باتقان, ەندٸ بٸرەۋدٸ تەپكٸگە العان. مىجىپ ٶتكەن, تاپتاعان. تٸرٸ قالعاندارى قارسى شىققاندا باسىن قورعاپ ەرەكەت ەتكەن. ەرەكەت ەتكەن سايىن ەلگٸ سيىر سيياقتى باتپاققا باتا بەرگەن. وسىلايشا جىلدار بويعى جانتالاسقان ەرەكەتٸ ٶز باسىنا پەلە بولىپ ٷيٸلٸپ قالعان. قارا باتپاقتان شىعا المايتىنداي جاعدايعا جەتكەن.
بيلٸكتەن دەر كەزٸندە كەتٸپ قالماعان ادامنىڭ كٶرەتٸنٸ وسى. دەر كەزٸندە كەتە الماۋدىڭ ٶزٸ قاسٸرەت.
وسى كٷندەرٸ ەلدٸڭ ەلەڭدەپ تىڭدايتىنى لۋكاش تۋرالى ەڭگٸمە بولسا, ونىڭ كەيٸنگٸ كەزدەگٸ ەرەكەتتەرٸ باتپاققا باتقان ەلگٸ سيىردىڭ جانتالاسىنا ۇقسايدى. بۇدان بۇرىن مەملەكەت باسشىسىن ورنىنان تايدىرىپ كٶرمەگەن حالىققا بۇنىڭ بەرٸ تىڭ جاڭالىق. پرەزيدەنتتٸ دە ورنىنان جۇلىپ الىپ تاستاۋعا بولاتىنىنا حالىقتىڭ كٶزٸ جەتٸپ كەلەدٸ. مۇقاڭنىڭ تالماي ايتىپ جٷرگەنٸ دە وسى عوي.
لۋكاش تراگەدييالىق تۇلعا. تەك ول عانا ما, بەرٸ سولاي. ونىڭ ٸشٸندە تمد ەلدەرٸنٸڭ باسشىلارى بٸر ٸزبەن, بٸر ٷلگٸمەن كەلەدٸ. كەلۋٸن قايدام, كەتۋٸ ۇقساس. حالىقتان العىس الىپ جاتقان بٸرەۋٸ كٶرٸنبەيدٸ.
«جٸبەكتٸ تٷتە الماعان جٷن ەتەدٸ» دەمەكشٸ, بۇلار بيلٸكتٸ دەموكراتيياعا ەمەس, قارا باتپاققا اينالدىرىپ العان. «دٷنيەنٸڭ باسى سايران, اياعى ويران» دەگەن سٶز دە وسىعان كەلٸپ تۇر.
دەل قازٸر لۋكاشتىڭ اۋزىنان نە سٶز شىقسا, سول سٶزٸ باسىنا پەلە بولىپ جاتىر. باتپاققا باتىپ ٶلەتٸن سيىردىڭ حالٸ تٷسٸپ تۇر باسىنا.
بۇدان ەشكٸم قۇتىلا المايدى. بارلىعى دا باتپاققا باتقان سيىردىڭ كەبٸن كيٸپ تىنادى.
نۇرلىبەك ساماتۇلى
