بەلگىلى جۋرناليستدياس احمەتشارىپ ومىردەن ءوتتى. بۇل تۋرالى "قازاقستان" تەلەارناسىنىڭ Telegram-ارناسى جازدى، دەپ حابارلايدى Dalanews.kz.
"جۋرناليست دياس احمەتشارىپ قايتىس بولدى. ول Qazsport تەلەارناسىنىڭ تۇڭعىش ديرەكتورى بولدى.
ەڭبەك جولىن 1997 جىلى قازاق راديوسىنىڭ رەپورتەرى بولىپ باستاعان. ۇزاق جىلدار بويى Qazaqstan تەلەارناسى مەن "حابار" اگەنتتىگىندە سپورت ءجۋرناليسى قىزمەتىن اتقاردى.
كورپوراسيا ۇجىمى مارقۇمنىڭ وتباسى مەن جاقىندارىنا كوڭىل ايتادى"، - دەلىنگەن حابارلامادا.
دياس احمەتشارىپ ەڭبەك جولىن 1997 جىلى قازاق راديوسىنىڭ رەپورتەرى بولىپ باستاعان.
ۇزاق جىلدار "حابار" اگەنتتىگى مەن "قازاقستان" تەلەارناسىندا سپورت ءجۋرناليسى؛
Qazsport مەملەكەتتىك تەلەارناسىنىڭ تۇڭعىش ديرەكتورى، Insport تەلەارناسىنىڭ باس رەداكتورى؛
2003-2007 جج.- ق ر سپورت جانە تۋريزم ىستەرى اگەنتتىگىنىڭ باسپا ءسوز قىزمەتىنىڭ باسشىسى، باسپا ءسوز حاتشىسى؛
2010 - 2012 جج.– "استانا-سك" كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى (سپورتتى قولداۋ قورى)؛
2012-2013 جج. - ق ر سپورت جانە دەنە شىنىقتىرۋ ىستەرى اگەنتتىگى ءتوراعاسىنىڭ كەڭەسشىسى قىزمەتىن اتقارعان.
وليمپيادا جانە ازيا ويىندارىنىڭ، الەم چەمپيوناتتارىنىڭ سپورت شولۋشىسى جانە ق ر قۇراماسىنىڭ باسپا ءسوز اتتاشەسى بولعان.
