ىلە-شالا تۇرسىنبەك قاباتوۆ تا ءوز وتباسىنىڭ باسىنا تۇسكەن جاعدايعا تۇسىنىكتەمە بەردى، دەپ حابارلايدى Dalanews.kz.
ادۆوكات ابزال قۇسپاننىڭ كەلتىرگەن دەرەگىنە سۇيەنسەك، بۇل ءىس نۇر-سۇلتان قالاسى اۋداندىق پوليسيا دەپارتامەنتىمەن تەرگەلىپ جاتىر. زاڭگەر العا تارتقان سۋرەتتەگى دەرەكتەر ەنۋ-دىڭ گرانتتا وقىپ جاتقان ىى-كۋرس ستۋدەنتى ءوزىن ابيتۋريەنت رەتىندە باسقا اتى-جونمەن ءتولقۇجات جاساتىپ، ۇبت-عا كىرگەن دەگەنگە سايادى.
"التىن بەلگىگە" بىتىرگەن قىز الدىنداعى سىناق تەستتەردە تومەن بالل الىپ جۇرگەندىكتەن، وسىنداي امالعا بارۋ مۇمكىندىگى ايتىلادى.
الايدا بۇل ايىپتى تۇرسىنبەك قاباتوۆتىڭ ءوزى جوققا شىعارىپ، جەلىدەگى پاراقشاسىندا ۆيدەو جاريالادى. وندا ول وسى ىسكە تىكەلەي قاتىسى بار، قىزىنىڭ رەپەتيتورى نۇربەكپەن سويلەسەدى.
- توسىن سىي بولسىن، سىزدەردى قۋانتايىن دەدىم.تۋرا ۇبت-عا كىرەتىن كەزدە كلاۆياتۋرا استىندا جالعان قۇجات بارىن، سونى پايدالانۋدى قىزىڭىزعا ايتتىم، مۇنىڭ ءبارىن ءوزىم ىستەدىم، - دەگەن ول كەشىرىم سۇراي بەرەدى.
ال ءوز كەزەگىندە قاباتوۆ ەشقاشان مۇنداي الاياقتىققا بارماسىن، رەپەتيتور مۇنىڭ بارلىعىن وزدەرىنە ايتپاي، ءوز باستاماسىمەن جاساعانىن جەتكىزەدى.
- قىزىم شەتەلگە وقۋعا بارادى دەپ جوسپارلادىق. ءقازىر دە سول ويدامىز. بۇل ارادا بىرەۋدىڭ گرانتىن جۇلىپ الۋ ويدا بولعان ەمەس. بۇكىل قازاقستان ونلاين وقۋدا بولدى. سوندىقتان قىزىمدى رەپەتيتورعا وقىتتىق. كوپ ادام سولاي جاسادى. ونداي الاياقتىق تۇر عوي قىزىم قالانىڭ ءوزىن جاقسى بىلمەيدى. باراتىن جەرىنە اپارىپ-الىپ قايتامىز. بەت الدى ەشقايدا جىبەرمەيمىز.
شەشەسى ەكەۋمىز ءقازىر قاسىندا بولماساق، قانداي كۇيگە تۇسەتىنىن ويلاۋدان دا قورقامىز. جەلىدە نەشە ءتۇرلى جازىپ جاتىر. ۇلكەندەر وندايدى كوتەرەدى، ءبىراق بالا تىكەلەي قابىلدايدى عوي ونداي سوزدەردى. جۇرەگىمىز اۋىرىپ، قورقىپ وتىرمىز. وسىعان قاتىسىمىز جوق دەسەك، ەل سەنبەيدى، سودان كەيىن مىنا تەلەفونداعى ءسوزدى سالۋعا ءماجبۇر بولىپ وتىرمىن، - دەيدى ول.
https://dalanews.kz/aimak/66611-almatyda-koronavirustan-bir-aylyq-na
