"Júregimiz aýyryp, qorqyp otyrmyz". Qabatov qyzyna qatysty jaǵdaiǵa túsinikteme berdi
Ile-shala Tursynbek Qabatov ta óz otbasynyń basyna túsken jaǵdaiǵa túsinikteme berdi, dep habarlaidy Dalanews.kz.
Advokat Abzal Quspannyń keltirgen deregine súiensek, bul is Nur-Sultan qalasy aýdandyq politsiia departamentimen tergelip jatyr. Zańger alǵa tartqan sýrettegi derekter ENÝ-diń grantta oqyp jatqan II-kýrs stýdenti ózin abitýrient retinde basqa aty-jónmen tólqujat jasatyp, UBT-ǵa kirgen degenge saiady.
"Altyn belgige" bitirgen qyz aldyndaǵy synaq testterde tómen ball alyp júrgendikten, osyndai amalǵa barý múmkindigi aitylady.
Alaida bul aiypty Tursynbek Qabatovtyń ózi joqqa shyǵaryp, jelidegi paraqshasynda video jariialady. Onda ol osy iske tikelei qatysy bar, qyzynyń repetitory Nurbekpen sóilesedi.
- Tosyn syi bolsyn, Sizderdi qýantaiyn dedim.Týra UBT-ǵa kiretin kezde klaviatýra astynda jalǵan qujat baryn, sony paidalanýdy qyzyńyzǵa aittym, munyń bárin ózim istedim, - degen ol keshirim surai beredi.
Al óz kezeginde Qabatov eshqashan mundai alaiaqtyqqa barmasyn, repetitor munyń barlyǵyn ózderine aitpai, óz bastamasymen jasaǵanyn jetkizedi.
- Qyzym shetelge oqýǵa barady dep josparladyq. Qazir de sol oidamyz. Bul arada bireýdiń grantyn julyp alý oida bolǵan emes. Búkil Qazaqstan onlain oqýda boldy. Sondyqtan qyzymdy repetitorǵa oqyttyq. Kóp adam solai jasady. Ondai alaiaqtyq tur ǵoi qyzym qalanyń ózin jaqsy bilmeidi. Baratyn jerine aparyp-alyp qaitamyz. Bet aldy eshqaida jibermeimiz.
Sheshesi ekeýmiz qazir qasynda bolmasaq, qandai kúige túsetinin oilaýdan da qorqamyz. Jelide neshe túrli jazyp jatyr. Úlkender ondaidy kóteredi, biraq bala tikelei qabyldaidy ǵoi ondai sózderdi. Júregimiz aýyryp, qorqyp otyrmyz. Osyǵan qatysymyz joq desek, el senbeidi, sodan keiin myna telefondaǵy sózdi salýǵa májbúr bolyp otyrmyn, - deidi ol.
https://dalanews.kz/aimak/66611-almatyda-koronavirustan-bir-aylyq-na
