رەسەيدٸڭ جوعارى ەكونوميكا مەكتەبٸندە وقىپ جاتقان قازاقستاندىق ستۋدەنت كريستينا دۋمانوۆا رەسەي ٸشكٸ ٸستەر مينيسترلٸگٸنە اشىق ٷندەۋ جارييالاپ, "باقىلاۋداعى تۇلعالار رەەسترٸنە" زاڭسىز ەنگٸزٸلگەنٸ ٷشٸن بٸر اي بويى زارداپ شەگٸپ جاتقانىن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, بۇل جٷيەنٸڭ ماقساتى زاڭسىز ميگرانتتارمەن كٷرەسۋ بولسا دا, قازٸر ول كەرٸسٸنشە, بارلىق قۇجاتى دۇرىس, ەلدە زاڭدى جٷرگەن شەتەلدٸكتەرگە زييانىن تيگٸزٸپ وتىر.
كريستينا دۋمانوۆا بۇل جازباسىن رەسەيدٸڭ ٸشكٸ ٸستەر مينيسترلٸگٸنە ارنايتىنىن اتاپ ٶتتٸ. ول ۆەدومستۆو ەنگٸزگەن "باقىلاۋداعى تۇلعالار رەەسترٸ" 2025 جىلدىڭ اقپانىنان باستاپ جۇمىس ٸستەي باستاعانىن اتاپ ٶتتٸ.
"بۇل تٸزٸمگە, نەگٸزٸنەن, تٸركەۋٸندە قاتە بار شەتەلدٸكتەر ەنگٸزٸلۋٸ تيٸس بولاتىن. الايدا شىن مەنٸندە جٷيە كەز كەلگەن ادامدى كەزدەيسوق تٸركەپ جاتىر. تٸپتٸ زاڭ بۇزباعانداردى دا تٸركەپ تاستاعان", – دەپ جازادى ستۋدەنت.
ول بۇل جٷيە زاڭسىز ميگرانتتاردى انىقتاپ, شەكتەۋ ٷشٸن قۇرىلعانىن تٷسٸنەتٸنٸن ايتادى. بٸراق سونىڭ سالدارىنان قۇجاتتارى زاڭدى, تٸركەۋٸ تولىق, بەرٸ دۇرىس شەتەل ازاماتتارىنىڭ ٶمٸرٸ قيىنداپ كەتكەن.
"مەن – قازاقستان ازاماتىمىن. قازاقستان – رەسەيدٸڭ دوستاس ەلٸ. رەسەيدە بەس جىلدان بەرٸ تۇرىپ, جوعارى ەكونوميكا مەكتەبٸندە وقىپ كەلەمٸن. رەسەيدە جۇمىس ٸستەيمٸن, سالىق تٶلەيمٸن, قۇجاتتارىم دا تٷگەل", – دەيدٸ كريستينا.
سوعان قاراماستان, ستۋدەنت سوڭعى بٸر اي ٸشٸندە بۇل تٸزٸمگە ٷشٸنشٸ رەت ەنگٸزٸلگەنٸن حابارلادى. العاش رەت ول 30 مامىردان 18 ماۋسىمعا دەيٸن تٸزٸمدە بولعان. سول ۋاقىتتا ۋلانىپ قالىپ, بٸر اپتا تٶسەك تارتىپ جاتىپ قالعانىن, تٸپتٸ دەرٸحانادان دەرٸ دە الا الماعانىن ايتادى.
"سەبەبٸ تٸزٸمگە ەنگٸزٸلگەندەردٸڭ بارلىق بانك كارتالارى بۇعاتتالادى. بۇل – زاڭدى جٷرگەن شەتەلدٸككە قارسى جاسالعان قىسىم", – دەيدٸ ول.
18 ماۋسىم كٷنٸ ونى تٸزٸمنەن شىعارعان, الايدا بار بولعانى بٸر كٷنگە عانا. 21 ماۋسىمدا قايتادان اۋداندىق ٸشكٸ ٸستەر بٶلٸمٸنە بارىپ, تاعى شىعارىپ تاستاۋدى سۇرايدى. ال 25 ماۋسىم كەشكە ونىڭ اتى ٷشٸنشٸ رەت رەەسترگە ەنگٸزٸلگەنٸ بەلگٸلٸ بولادى.
"ٸٸم ٶكٸلدەرٸ تٷسٸنٸكتەمە بەرمەيدٸ. جٷيە دۇرىس جۇمىس ٸستەمەيدٸ, ەزٸرگە سولاي بولادى دەپ جاۋاپ بەرەدٸ. دەمەك مەن ەندٸ ەربٸر بٸرنەشە كٷن سايىن ٸشكٸ ٸستەر باسقارماسىنا بارىپ, تٸزٸمنەن شىعارۋىمدى سۇراپ جٷرۋگە مەجبٷرمٸن", – دەيدٸ كريستينا.
كارتالاردىڭ جۇمىس ٸستەمەي قالۋى – جالعىز مەسەلە ەمەس. كريستينانىڭ ايتۋىنشا, ركل-دە تۇرعان شەتەلدٸكتٸ جۇمىسقا الۋعا بولمايدى. بۇل جۇمىس بەرۋشٸگە ٸرٸ ايىپپۇل سالۋعا ەكەپ سوعادى.
"مەن ارمانداعان جەردەن جۇمىس ۇسىنىسىن الدىم. الايدا جۇمىس بەرۋشٸم مەنٸ جۇمىسقا الا المايدى – سەبەبٸ مەن باقىلاۋداعى تٸزٸمدەمٸن. ال جۇمىس بەرۋشٸ مەنٸ جۇمىسقا السا, زاڭ بويىنشا ٷلكەن ايىپپۇل تٶلەيدٸ", – دەيدٸ ول.
كريستينا ٸٸم-نەن بۇل جاعدايدىڭ جٷيەدەگٸ اقاۋدان ەكەنٸن تٷسٸندٸرەتٸن رەسمي انىقتاما سۇراعان. بٸراق اۋداندىق بٶلٸم بۇل انىقتامانى بەرۋدەن باس تارتقان, تەك "مەملەكەتتٸك قىزمەتتەر" پورتالى ارقىلى ٶتٸنٸش بەرۋدٸ ۇسىنعان. قازٸر ٶتٸنٸشٸ 21 ماۋسىمنان بەرٸ قارالىپ جاتىر.
وسى شەكتەۋلەردٸڭ سالدارىنان كريستينا جۇمىسقا كٸرٸسە الماي, الدىن الا كەلٸسٸلگەن جالاقىسىنان ايىرىلعان. بۇعان قوسا, تٸپتٸ بۇل جۇمىس ورنىنان تولىق ايىرىلىپ قالۋى دا مٷمكٸن ەكەنٸن مويىندايدى.
"مەنٸ بٸرنەشە كٷن سايىن قايتا ەنگٸزٸپ-شىعارىپ وتىرادى. جۇمىس بەرۋشٸ مەنٸ تٸركەۋگە تٸپتٸ ٷلگەرمەيدٸ. ال مەنٸڭ كٸنەم جوق", – دەيدٸ ول.
قورىتىندىلاي كەلە كريستينا دۋمانوۆا ٷندەۋ جاسادى.
"مەن – دوستاس ەلدٸڭ ازاماتى, رەسەيدٸڭ ٷزدٸك ۋنيۆەرسيتەتٸندە وقىپ جاتقان ستۋدەنتپٸن. بٸر اي بويى بانكتٸك كارتام بۇعاتتالعان, جۇمىسقا تۇرا الماي جٷرمٸن, قاراپايىم ٶمٸر سٷرۋگە مٷمكٸندٸك جوق. مەنٸ جٷيەنٸڭ اقاۋىنان ەش نەگٸزسٸز "باقىلاۋداعى تۇلعالار تٸزٸمٸنە" ەنگٸزدٸ. ەندٸ ەربٸر بٸرنەشە كٷن سايىن بارىپ, تٸزٸمنەن شىعارۋىمدى سۇراۋعا مەجبٷرمٸن", – دەپ جازدى قازاقستاندىق ستۋدەنت.
