بۇگىنگى تاڭدا 6304 ءوتىنىمنىڭ 2157ء-ى قۇجاتتار پاكەتىن تولىق ۇسىنباۋ سەبەبىنەن پىسىقتاۋعا جىبەرىلدى. Smart-Astana پورتالىندا تىركەلۋ كەزىندە كورسەتكەن تەلەفون نومىرىنە ءوتىنىم مارتەبەسى تۋرالى سمس-حابارلاما جىبەرىلەدى:
1) «جۇمىسقا قابىلداندى»؛
2) «تۇزەتۋ قاجەت»؛
3) «قاراۋدان باس تارتىلدى»؛
ەگەر ءوتىنىم تۇزەتۋگە جىبەرىلسە، ءبىراق قاتىسۋشى وسى ۋاقىت ىشىندە تىزبە بويىنشا جەتىسپەيتىن قۇجاتتى قوسپاسا، قۇجاتتاردىڭ تولىق ەمەس پاكەتىن ۇسىنۋ سەبەبى بويىنشا ءوتىنىم اۆتوماتتى تۇردە قابىلدانبايدى.
قۇجاتتاردى بايانداۋ قاجەتتىگى تۋرالى سمس-حابارلاما جىبەرىلگەندەر ءۇشىن اعىمداعى جىلعى 26 قاراشاسىنان باستاپ ساعات 10.00-دەن 23.59-گە دەيىن قوسا بەرىلەتىن قۇجاتتاردىڭ جەتىسپەيتىن تىزبەسىمەن تانىسۋ ءۇشىن Smart Astana پورتالىنداعى جەكە كابينەتكە كىرۋ جانە 27 قاراشا كۇنى ساعات 00.00-دەن 23.59-گە دەيىن ءوتىنىمدى تۇزەتۋ مۇمكىندىگى بەرىلەدى.
ەگەر ءوتىنىم جۇمىسقا قابىلدانعاندىعى تۋرالى سمس-حابارلاما جىبەرىلسە، ءبىراق قاتىسۋشى قوسىمشا قۇجاتتاردى قوسقىسى كەلسە، ول جاعدايدا دا ءوتىنىمدى تۇزەتۋ مۇمكىندىگى بەرىلەدى.
باعدارلاما تالاپتارىنا سايكەس كەلمەۋىنە بايلانىستى «قاراۋدان باس تارتىلدى» سمس-حابارلاماسىن العاندار پورتالدان باس تارتۋ سەبەبىمەن جەكە كابينەتىندە تانىسا الادى، ءبىراق ءوتىنىمدى تۇزەتە المايدى. تۇزەتۋ ءۇشىن http://new.smart.astana.kz/ru/housing سىلتەمە بويىنشا Smart Astana پورتالىنداعى جەكە كابينەتىڭىزگە كىرۋ كەرەك. تۇزەتۋ كەزىندە ءوتىنىم بەرىلگەن كۇن وزگەرمەيدى.
