اتىراۋ وبلىسىندا جانگەلدى اۋىلىنىڭ تۇرعىندارىن ءولتىرۋ دەرەگى بويىنشا كۇدىكتىگە ىزدەۋ جاريالاندى، دەپ حابارلايدى Dalanews.kz.
"قىلمىسقا كۇدىكتى – اتىراۋ وبلىسى ماحامبەت اۋدانىنىڭ 29 جاستاعى تۇرعىنى. سونداي-اق، وزگە دە تۇلعالاردىڭ قاتىسى تەكسەرىلىپ جاتىر"، - دەپ جازىلعان حابارلامادا.
پوليسيا الەۋمەتتىك جەلى قولدانۋشىلارىن اقپاراتتى تەك رەسمي دەرەككوزدەن الۋعا جانە جالعان نە راستالماعان مالىمەتتى تاراتپاۋعا شاقىردى.
ەسكە سالايىق، بۇعان دەيىن اتىراۋ وبلىسىندا ءبىر وتباسى ىزدەستىرىلىپ جاتقانى حابارلاندى. پوليسياعا ارىز 25 جەلتوقساندا تۇسكەن. 6 قاڭتاردا ەرلى-زايىپتى ءولى تابىلدى.
