وبلىس باسشىسىنىڭ ايتۋىنشا، جاركەنت كراحمال-سىرنە زاۋىتىندا يندۋستريالاندىرۋ كارتاسى شەڭبەرىندە جۇرگىزىلگەن جاڭعىرتۋ جۇمىستارىنان كەيىن قالدىقسىز وڭدەۋ سيكلى قۇرىلعان. سونىڭ ناتيجەسىندە وڭدەۋ قۋاتتىلىعى 20 مىڭنان 90 مىڭ تونناعا دەيىن ۇلعايتىلدى. ءقازىر ءونىمنىڭ 27 ءتۇرى شىعارىلادى.
باسقوسۋدا الماتى وبلىسىندا بيىل تۇڭعىش رەت 1280 گەكتارعا جاڭعاق اعاشى وتىرعىزىلعانىن وبلىس باسشىسى العا تارتتى. اماندىق باتالوۆتىڭ ايتۋىنشا، ينتەنسيۆتى باقتاردى دامىتۋعا ەرەكشە كوڭىل بولىنۋدە. القاپتان سورەگە دەيىنگى كلاستەرلىك نەگىزدە جۇمىس ىستەيتىن كومپانيالار ءقازىردىڭ وزىندە بار. مىسالى، «امال بيو» كومپانياسى وسىرگەن ونىمدەرىن ءوزى ساقتاپ، ءوزى وڭدەيدى. ونىمدەرى جۇڭگو، پاكىستان، يران سەكىلدى شەت ەلدەردە ايتارلىقتاي سۇرانىسقا يە.
جالپى، وڭىردەگى باقتاردىڭ كولەمى 22،4 مىڭ گەكتارعا جەتسە، سونىڭ 2،1 مىڭ گەكتارى – اپورت الماسى.
الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى
https://dalanews.kz/31748
