Júgeri men jańǵaq alqaptary artty
Almaty oblysynda aýyl sharýashylyǵyndaǵy basym daqyldardyń biri, «Dala arýy» atanǵan júgeri alqaby 79 myń gektarǵa jetkizildi. Bul týraly oblys ákimi Amandyq Batalovtyń Ortalyq kommýnikatsiialar qyzmetinde ótkizgen brifingibarysynda belgili boldy, – dep habarlaidy Almaty oblysy ákiminiń baspasóz qyzmeti.
Oblys basshysynyń aitýynsha, Jarkent krahmal-sirne zaýytynda Indýstriialandyrý kartasy sheńberinde júrgizilgen jańǵyrtý jumystarynan keiin qaldyqsyz óńdeý tsikli qurylǵan. Sonyń nátijesinde óńdeý qýattylyǵy 20 myńnan 90 myń tonnaǵa deiin ulǵaityldy. Qazir ónimniń 27 túri shyǵarylady.
Basqosýda Almaty oblysynda biyl tuńǵysh ret 1280 gektarǵa jańǵaq aǵashy otyrǵyzylǵanyn oblys basshysy alǵa tartty. Amandyq Batalovtyń aitýynsha, intensivti baqtardy damytýǵa erekshe kóńil bólinýde. Alqaptan sórege deiingi klasterlik negizde jumys isteitin kompaniialar qazirdiń ózinde bar. Mysaly, «Amal BIO» kompaniiasy ósirgen ónimderin ózi saqtap, ózi óńdeidi. Ónimderi Qytai, Pákistan, Iran sekildi shet elderde aitarlyqtai suranysqa ie.
Jalpy, óńirdegi baqtardyń kólemi 22,4 myń gektarǵa jetse, sonyń 2,1 myń gektary – aport almasy.
Almaty oblysy ákimi A.Batalovtyń Ortalyq kommýnikatsiialar qyzmetindegi brefingi
https://dalanews.kz/31748
