– ەلباسىمىز «باي تابيعاتىمىز بەن مادەني الەۋەتىمىزدى پايدالانۋ ءۇشىن سىرتتان كەلەتىن جانە ىشكى ءتۋريزمدى دامىتۋعا ەرەكشە كوڭىل ءبولۋ قاجەت» دەپ اتاپ وتكەندەي، بولاشاقتا قازاقستاندا تۋريزم وڭىرلىك عانا ەمەس، جاھاندىق سيپات الۋى كەرەك. ەلىمىزدەگى ءتۋريزمنىڭ وركەندەۋى ءۇشىن تاريحي جانە تۋريستىك ورىندارىمىزدى لايىقتى دامىتا بىلسەك، مەملەكەتتىك بيۋدجەت تولىعىپ، الەۋمەتتىڭ ءال-اۋقاتى كوتەرىلەدى. بۇگىن باستالعان «Safari Shardara» فەستيۆالى - كورشى ەلدەرگە قىزىلقۇم مەن شاردارا سۋقويماسىنىڭ جاعالاۋى سىندى جاۋھارلارىمىزدى تانىتاتىن شارا بولماق. سونداي-اق، ءبىز وسى ءىس-شارا ارقىلى شاعالالى شاردارادا جەلكەندى قايىق سپورتى مەن ات پەن تۇيە جارىس، قۇسبەگىلىك سىندى ۇلتتىق سپورت تۇرلەرى مەن وزگە دە اتا كاسىپتەرىمىزدى جاڭعىرتۋدى كوزدەپ وتىرمىز. مۇنىڭ بارلىعى وڭىردەگى ءتۋريزمدى دامىتىپ، بيزنەس اxۋالدى كوتەرۋگە باعىتتالعان، – دەدى جانسەيىت قانسەيىت ۇلى.
سونىمەن قاتار، وبلىس باسشىسى وڭىردە بۇعان دەيىن تۇلكىباس اۋدانىندا وتكەن “قىزعالداق”، بايدىبەكتەگى “قىمىزمۇرىندىق”، جەتىسايداعى “قاۋىنفەست” فەستيۆالدارىنىڭ ماڭىزدىلىعىنا توقتالدى.
«اۋقىمدى ءىس-شارالار ارقىلى اۋداننىڭ بولاشاعى ءۇشىن ماڭىزدى برەندتەرىن ەلگە ايگىلى ەتۋدى ماقسات تۇتتىق. بيىل يگى باستامالاردى باستاپ بەردىك، ەندى ىسكەر جىگىتتەر، جەرگىلىكتى كاسىپكەرلەر، اۋداننىڭ اتپال ازاماتتارى وسى ويلاردى جالعاستىرىپ اكەتىپ، ارى قاراي ءداستۇرلى شاراعا اينالدىرۋى ءتيىس”، – دەدى جانسەيىت تۇيمەبايەۆ.
شارا اياسىندا وبلىس اكىمى سايىستا ۇزدىك بولعان ءبىرقاتار سپورتشىلاردى ماراپاتتاپ، سىي-سىياپات جاسادى. كەيىن فەستيۆال «دجيپ» كولىكتەرىنىڭ جارىسىمەن جالعاسىپ، قۇمدا كومپوزيسيالىق ROCK RACING شوۋى كورسەتىلدى. ءدۇبىرلى جارىس تۇيەلەر سايىسىمەن قىزا ءتۇستى. وندا 15 تۇيەشى ب ا ق سىناپ، ءوزارا مىقتىنى انىقتادى. ايتۋلى شاراعا كەلگەن قوناقتار ودان سوڭ ساياتشىلاردىڭ حالىقارالىق جارىسىنا كۋا بولدى.
تۇركىستان ءوڭىرىنىڭ تۋريستىك الەۋەتىن ارتتىرۋعا ارنالعان حالىقارالىق شارا كونسەرتتىك باعدارلامامەن اياقتالدى.
تۇركىستان وبلىسى اكىمىنىڭ باسپا ءسوز قىزمەتى
