بۇگىن وڭتۇستىك قازاقستان وبلىسىنىڭ اكىمى ج.تۇيمەبايەۆ شىمكەنت قالاسى اكىمى قىزمەتىن اتقارعان ع.ءابدىراحىموۆتى قابىلداپ، ابىرويمەن اتقارعان قىزمەتى ءۇشىن جىلى لەبىزىن ءبىلدىردى.



ايماق باسشىسى بار كۇش-جىگەرىن، قالانىڭ ەكونوميكاسىن دامىتۋعا ارناپ، بىلىكتى ۇيىمداستىرۋشى رەتىندە كوزگە تۇسكەن عابيدوللا راحماتۇللاۇلىنا وبلىس اكىمدىگىنىڭ اتىنان العىس ايتىپ، جاڭا قىزمەتتەگى ەڭبەگىنە ساتتىلىك تىلەدى.

«وزدەرىڭىز بىلەسىزدەر، شىمكەنت قالاسى ەلباسىنىڭ نازارىندا بولىپ، ونىڭ دامۋىنا ءاردايىم كوڭىل اۋدارىپ كەلەدى. مەملەكەت باسشىسىنىڭ مىندەتتەگەن تاپسىرمالارىن ورىنداۋدا تالماي ەڭبەك ەتتىڭىز. ءۇش ەسەگە ۇلعايعان قالا اۋماعىن اباتتاندىرۋ، ورتالىققا قوسىلعان ەلدى مەكەندەردىڭ ينفراقۇرىلىمىن دامىتۋ باعىتىنداعى جۇيەلى جۇمىستارىڭىز ءۇشىن العىس ايتامىن»، - دەگەن وبلىس اكىمى ج.تۇيمەبايەۆ ارنايى العىس حات تاپسىردى.

ال، عابيدوللا ءابدىراحىموۆ وزىنە ۇنەمى قولداۋ كورسەتكەن وبلىس اكىمى ج.تۇيمەباۆپەن وزگە دە ارىپتەستەرىنە ىستىق ىقىلاسىن جەتكىزدى. سونداي-اق، ەلىنە جانە تۋعان جەرىنە ءالى دە ايانباي ەڭبەك ەتەتىنىن ايتتى.

ايتا كەتەيىك، كەشە عابيدوللا ءابدىراحىموۆ «نۇر وتان» پارتياسىنىڭ حاتشىسى قىزمەتىنە تاعايىندالدى.

وقو اكىمىنىڭ باسپا ءسوز قىزمەتى