Aımaq basshysy bar kúsh-jigerin, qalanyń ekonomıkasyn damytýǵa arnap, bilikti uıymdastyrýshy retinde kózge túsken Ǵabıdolla Rahmatullaulyna oblys ákimdiginiń atynan alǵys aıtyp, jańa qyzmettegi eńbegine sáttilik tiledi.
«Ózderińiz bilesizder, Shymkent qalasy Elbasynyń nazarynda bolyp, onyń damýyna árdaıym kóńil aýdaryp keledi. Memleket basshysynyń mindettegen tapsyrmalaryn oryndaýda talmaı eńbek ettińiz. Úsh esege ulǵaıǵan qala aýmaǵyn abattandyrý, ortalyqqa qosylǵan eldi mekenderdiń ınfraqurylymyn damytý baǵytyndaǵy júıeli jumystaryńyz úshin alǵys aıtamyn», - degen oblys ákimi J.Túımebaev arnaıy Alǵys hat tapsyrdy.
Al, Ǵabıdolla Ábdirahymov ózine únemi qoldaý kórsetken oblys ákimi J.Túımebavpen ózge de áriptesterine ystyq yqylasyn jetkizdi. Sondaı-aq, eline jáne týǵan jerine áli de aıanbaı eńbek etetinin aıtty.
Aıta keteıik, keshe Ǵabıdolla Ábdirahymov «Nur Otan» partıasynyń hatshysy qyzmetine taǵaıyndaldy.
OQO ákiminiń baspasóz qyzmeti
