فيليال ءتوراعاسىنىڭ مىندەتىن اتقارۋشى رۇستەم سارمانوۆ وبلىس ورتالىعى تۇرعىندارىمەن كەزدەسىپ، قۇرىلىس جانە تۇرعىن ۇي-كوممۋنالدىق شارۋاشىلىق ماسەلەلەرىن تالقىلادى.
پارتيانىڭ سايلاۋالدى باعدارلاماسىندا كورسەتىلگەندەي، سوسيال-دەموكراتتار كوپتەگەن دەلدال فيرمالارعا باقىلاۋ ورناتۋدى ۇسىنادى.
بۇنداي فيرمالار تۇرعىن ءۇيى كوممۋنالدىق شارۋاشىلىعىندا، ەنەرگەتيكا مەن مۇناي، مۇناي ونىمدەرى جانە ازىق-تۇلىك نارىعىندا كوپتەپ كەزدەسەتىنى، باعانانىڭ وسۋىنە ولاردىڭ دا قاتىسى بار ەكەنى ايتىلدى.
وسىنداي كەزدەسۋدى تۇركىستان وبلىسىنىڭ سايلاۋشىلارىمەن ءماجىلىس دەپۋتاتتىعىنا پارتيا ءتىزىمى بويىنشا ۇمىتكەر ابدۋكامال اشيمبەكوۆ تە وتكىزدى.
ۇمىتكەر كەنتاۋ ترانسفورماتور زاۋىتىنىڭ جۇمىسشىلارىمەن كەزدەسۋدە پارتيانىڭ سايلاۋالدى باعدارلاماسىنىڭ نەگىزگى باعىتتارىمەن تانىستىردى.
جاڭا ەڭبەك كودەكسىن قابىلداۋ قاجەتتىگىن ءتۇسىندىردى، ەڭبەك شارتتارىندا جۇمىسكەرلەر مەن جۇمىس بەرۋشىلەردىڭ تەڭدىگى قامتاماسىز ەتۋ قاعيداتتارىنىڭ بولۋىنا نازار اۋداردى. ابدۋكامال اشيمبەكوۆ جاستاردى جۇمىسقا ورنالاستىرۋ بويىنشا وڭتۇستىك ايماقتىڭ ارتتا قالىپ جاتقانىنا دا توقتالدى.
