Fılıal tóraǵasynyń mindetin atqarýshy Rústem Sarmanov oblys ortalyǵy turǵyndarymen kezdesip, qurylys jáne turǵyn úı-kommýnaldyq sharýashylyq máselelerin talqylady.
Partıanyń saılaýaldy baǵdarlamasynda kórsetilgendeı, sosıal-demokrattar kóptegen deldal fırmalarǵa baqylaý ornatýdy usynady.
Bundaı fırmalar turǵyn úıi komýnaldyq sharýashylyǵynda, energetıka men munaı, munaı ónimderi jáne azyq-túlik naryǵynda kóptep kezdesetini, baǵananyń ósýine olardyń da qatysy bar ekeni aıtyldy.
Osyndaı kezdesýdi Túrkistan oblysynyń saılaýshylarymen Májilis depýtattyǵyna partıa tizimi boıynsha úmitker Abdýkamal Ashımbekov te ótkizdi.
Úmitker Kentaý Transformator Zaýytynyń jumysshylarymen kezdesýde partıanyń saılaýaldy baǵdarlamasynyń negizgi baǵyttarymen tanystyrdy.
Jańa Eńbek kodeksin qabyldaý qajettigin túsindirdi, eńbek sharttarynda jumyskerler men jumys berýshilerdiń teńdigi qamtamasyz etý qaǵıdattarynyń bolýyna nazar aýdardy. Abdýkamal Ashımbekov jastardy jumysqa ornalastyrý boıynsha Ońtústik aımaqtyń artta qalyp jatqanyna da toqtaldy.
