مينەرالوگيا، شيكىزات فيزيكاسى مەن عارىش حيمياسى بويىنشا فرانسيا عىلىم قايراتكەرى، پەر جانە ماري كيۋري ۋنيۆەرسيتەتىنىڭ پروفەسسورى جورج كالاس پەن ءال-فارابي اتىنداعى قازۇۋ عالىمدارى مەن ستۋدەنتتەر اراسىندا وتكەن دوڭگەلەك ۇستەلدە توپىراقتىڭ اۋىر مەتاللدارمەن زاقىمدانۋ بارىسىنىڭ كوكەيتەستى سۇراقتارى، سونىمەن قاتار، مەتاللدىق ءتۇر پايدا بولۋى كەڭىنەن تالقىلاندى.

«پايدالى قازبالار – تۇراقتى دامۋ مانماتىنىندەگى باستى ماسەلە» تاقىرىبىن تالقىلاۋ بارىسىندا مينەرالدى رەسۋرستار سالاسىنىڭ بەلگىلى مامانى، "Carrière"،"Ivan Peycheset Dolomieu" عىلىم اكادەمياسى، فرانسيا گەولوگيالىق قاۋىمداستىعىنىڭ "Léon Bertrand" سىيلىعىنىڭ، عىلىم اكادەمياسى «مينەرالوگيالىق قاۋىمداستىعىنىڭ» Schlumberger كومپانياسىنىڭ مەدالىنىڭ يەگەرى جورج كالاس يننوۆاسيالىق جاسىل تەحنولوگيالاردى ەنگىزۋ – جاھاندىق ەكولوگيالىق ماسەلەنى شەشۋدىڭ بىردەن-بىر جولى ەكەنىن ايتتى.

ءال-فارابي اتىنداعى قازۇۋ باسشىلىعىمەن كەزدەسۋدە گەوەنەرگەتيكا سالاسىنداعى ىنتىماقتاستىقتى جالعاستىرۋ قاراستىرىلدى. «فرانسۋز جوعارى وقۋ ورىندارىنىڭ اراسىندا قازۇۋ-دىڭ نەگىزگى ارىپتەستەرىنىڭ ءبىرى – لوتارينگيا ۋنيۆەرسيتەتى. قازاقستان-فرانسۋز «گەو-ەنەرگەتيكا» عىلىمي-اعارتۋشىلىق  ورتالىعى بازاسى كەلىسىمى شەڭبەرىندە حالىقارالىق دەڭگەيدە زەرتتەۋ جۇمىستارى جۇرگىزىلۋدە. ۋنيۆەرسيتەتتەر مامانداردى بىرلەسىپ دايارلاۋ جانە يننوۆاسيالىق عىلىمي-زەرتتەۋ جوبالارىن جانداندىرۋ ءۇشىن ءوز كۇشتەرىن بىرىكتىردى. جەمىستى ىنتىماقتاستىقتىڭ قورىتىندىسىنىڭ ءبىرى – قوس ديپلوم باعدارلاماسى»، – دەدى رەكتور عالىمقايىر مۇتان ۇلى.

قازۇۋ دامىتۋ جۇمىستارىنىڭ ناتيجەسىن ەكونوميكانىڭ ناقتى سەكتورىنا ەنگىزۋدە. ۋنيۆەرسيتەت عالىمدارى اقتوبە مەن شىعىس قازاقستان وبلىستارىنىڭ ونەركاسىپتىك كومپانيالارىمەن بىرلەسە جۇمىس ىستەيدى. قازۇۋ-دىڭ عىلىمي الەۋەتى پەر جانە ماري كيۋري ۋنيۆەرسيتەتىمەن ارىپتەستىكتى دامىتۋعا، الەمنىڭ الدىڭعى قاتارلى ۋنيۆەرسيتەتتەرىمەن ىنتىماقتاستىق شەڭبەرىن كەڭەيتۋگە جول اشادى.

ءوز كەزەگىندە، پروفەسسور جورج كالاس بىرلەسكەن عىلىمي-زەرتتەۋشىلىك جۇمىستاردى اتقارۋعا قىزىعۋشىلىق تانىتتى. ونىڭ ويىنشا، قازاقستان پايدالى قازبالارعا باي ۇلكەن مەملەكەت بولۋى قورشاعان ورتانى قورعاۋ ماسەلەلەرىن، گەولوگيالىق جەر قويناۋىن كەڭىنەن زەرتتەۋگە مۇمكىندىك بەرەدى.

جورج كالاس: «قازاقستان كوپتەگەن فرانسۋز كومپانيالارىنىڭ قىزىعۋشىلىعىن تۋدىرۋدا. ءبىز جاڭا تاسىلدەر مەن جاسىل تەحنولوگيالاردى ونەركاسىپتە، قولدانىستا، مەنەدجمەنت پەن ونەركاسىپتى ۇيىمداستىرۋ بارىسىندا پايدالانۋ ءپرينسيپى بويىنشا جۇمىس ىستەيتىن بيزنەس قاۋىمداستىقتاردى تارتۋعا مۇددەلىمىز. جاسىل تەحنولوگيا – تۇراقتى دامۋدىڭ قاعيداسى – ونىڭ ىرگەتاسى بولىپ تابىلاتىن يننوۆاسيا»، – دەدى.

تاراپتار اكادەميالىق ىنتىماقتاستىق پەن جاڭارتىلاتىن ەنەرگيا سالاسىنداعى بيزنەس قاۋىمداستىقتارعا دەگەن قىزىعۋشىلىق دەڭگەيىن ارتتىرۋعا دايىن ەكەندەرىن ءبىلدىردى. كەزدەسۋدىڭ سوڭىندا ۋنيۆەرسيتەت باسشىلىعى جورج كالاستى «ەكسپو-2017»-دە كورسەتىلەتىن بىرلەسكەن جوبالارعا قاتىسۋعا شاقىردى.