كونكۋرسقا قاتىسۋشىلاردىڭ جەتىستىكتەرى ءار ءتۇرلى كريتەرييلەر بويىنشا باعالانعان. ايتالىق، ەلەكتروندىق وقۋ رەسۋرستارىن ازىرلەۋ جانە جاريالاۋ، جازبا كورۋگە بولاتىن پلاتفورمالاردا ۇسىنىلعان ساباقتاردىڭ ساپاسى، وتاندىق جانە حالىقارالىق رەيتينگتىك باسىلىمدارداعى عىلىمي جاريالانىمدار، ونەرتابىسقا پاتەنتتەردىڭ بولۋى، قورعاۋ راسىمىنەن ءساتتى وتكەن دوكتورانتتاردىڭ جۇمىستارىنا باسشىلىق ەتۋ.
رەسپۋبليكالىق كونكۋرستىق كوميسسيا ماماندىق بويىنشا ۇزدىكتەردىڭ ىشىنەن ۇزدىكتەردى تاڭدادى. ناتيجەسىندە 150 وقىتۋشى جەڭىمپاز اتاندى. ولاردىڭ ءارقايسىسى 2000 اەك كولەمىندە سىياقى الادى، بۇل شامامەن 6 ملن تەڭگەنى قۇرايدى. اقشالاي ىنتالاندىرۋدان باسقا، «جوو ۇزدىك وقىتۋشىسى» كونكۋرسىنىڭ جەڭىمپازدارى توسبەلگىگە يە بولادى.
اباي ۋنيۆەرسيتەتىنەن كونكۋرسقا 19 وقىتۋشى قاتىستى، ولاردىڭ اراسىندا تاجىريبەسى 15 جىلدان كەم بار جاس عالىمدار دا بار.
ۋنيۆەرسيتەتىمىزدىڭ 7 وقىتۋشىسى «جوو ۇزدىك وقىتۋشىسى – 2021» كونكۋرسىنىڭ جەڭىمپازدارى بولدى. ءبىز ءۇشىن بۇل وتە جوعارى كورسەتكىش. ءبىزدىڭ ۋنيۆەرسيتەتتە ەڭ ۇزدىكتەر جۇمىس ىستەيتىنىن ماقتان تۇتامىز! «جوو ۇزدىك وقىتۋشىسى – 2021» كونكۋرسىنىڭ بارلىق جەڭىمپازدارىن قۇتتىقتاپ، جوعارى جەتىستىكتەرى مەن ۋنيۆەرسيتەتىمىزدىڭ رەيتينگىنە قوسقان ۇلەسى ءۇشىن العىس ايتامىز!
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ «جوو ۇزدىك وقىتۋشىسى-2021» اتاعىنىڭ يەگەرلەرى: ف.ع.د.، پروفەسسور شايباكوۆا دامينا ديسينگالەيەۆنا؛ پ.ع.د.، پروفەسسور ساعىمبايەۆا اينۇر ەسەنعازى قىزى؛ پ.ع.د.، پروفەسسور كوشەربايەۆا ايگەرىم نۇرالي قىزى؛ فيز. - مات.ع.ك.، قاۋىم.پروفەسسور ىسكاكوۆا ناركەش ءبىلال قىزى؛ پ.ع.ك.، قاۋىم.پروفەسسور كونيەۆا سۆەتلانا نيكولايەۆنا؛ ز.ع.ك.، قاۋىم.پروفەسسور كالكايەۆا نەسىبەلي باقىت قىزى؛ PhD، پوستدوكتورانت سابيروۆا دينا التايەۆنا.
