وسىلايشا ەكونوميكالىق ساياساتتىڭ جاڭا مودەلٸنە كٶشۋدٸڭ ناقتى جەنە تيٸمدٸ تەتٸكتەرٸ ايقىندالدى. ولار ەدٸلدٸك, ينكليۋزيۆتٸلٸك, تيٸمدٸلٸك جەنە پراگماتيزم قاعيدالارىنا تابان تٸرەيدٸ. ۇسىنىلعان شارالار ەكونوميكاداعى قۇرىلىمدىق ٶزگەرٸستەرگە جەنە ازاماتتاردىڭ ٶمٸر سٷرۋ ساپاسىن جاقسارتۋعا ارنالعان.
ۇلتتىق بيزنەستٸڭ مٷددەسٸن قورعاۋ, شاعىن جەنە ورتا كەسٸپكەرلٸكتٸ قولداۋ دا پرەزيدەنتٸمٸزدٸڭ ەرەكشە نازارىندا. سونداي-اق جولداۋدا ينۆەستيتسييا تارتۋ بويىنشا ناقتى شارالار كٶرسەتٸلدٸ. وسى رەتتە ٶڭدەۋ ٶنەركەسٸبٸنە سەرپٸن بەرۋ ٷشٸن شەتەلدٸك جەنە وتاندىق ينۆەستورلار العاشقى ٷش جىلدا سالىقتان بوساتىلاتىنىن باسا ايتۋ كەرەك.
رەفورمالاردىڭ ماڭىزدى باعىتتارىنىڭ بٸرٸ - سالىق جەنە بيۋدجەت زاڭناماسىن ودان ەرٸ جەتٸلدٸرۋ. بۇل رەتتە پارلامەنت ٷكٸمەتپەن بٸرلەسٸپ, ەلدەگٸ كەسٸپكەرلٸك جەنە ينۆەستيتسييالىق احۋالدى جاقسارتۋ جٶنٸندەگٸ تەتٸكتەردٸ پىسىقتايدى.
سونىمەن قاتار مەملەكەت باسشىسى سۋ رەسۋرستارىن ۇتىمدى پايدالانۋ مەسەلەسٸنە ەرەكشە كٶڭٸل بٶلدٸ. وسى سالادا قوردالانعان پروبلەمالاردى جٷيەلٸ شەشۋ ٷشٸن جەكە مينيسترلٸك قۇرىلدى. مۇنداي قادام ەلٸمٸزدەگٸ سۋ قاۋٸپسٸزدٸگٸ مەسەلەلەرٸن ماقساتتى تٷردە شەشۋگە جەنە سالانى جوسپارلى دامىتۋعا مٷمكٸندٸك بەرەدٸ.
پرەزيدەنتٸمٸز كٶلٸك-لوگيستيكا سالاسىن دا ودان ەرٸ دامىتۋ جٶنٸندە ناقتى تاپسىرمالار بەردٸ. جاڭا باستامالار ەلٸمٸزدٸڭ قۋاتتى لوگيستيكالىق ەلەۋەتٸن تيٸمدٸ ٸسكە اسىرۋعا جول اشاتىنى انىق. جاڭادان قۇرىلعان كٶلٸك مينيسترلٸگٸ وسى باعىت بويىنشا كەشەندٸ جۇمىستار جٷرگٸزەدٸ.
جولداۋدا نەگٸزگٸ نارىقتاردى دەمونوپوليزاتسييالاۋ, مەملەكەتتٸڭ ەكونوميكاعا ىقپالىن ازايتۋ بويىنشا قاجەتتٸ شارالار قابىلداۋ كەرەكتٸگٸ دە ايتىلدى. بۇل باستامالار ەلٸمٸزدەگٸ كەسٸپكەرلٸكتٸڭ جاندانۋىنا وڭ ەسەرٸن تيگٸزەدٸ.
ودان بٶلەك, ٷكٸمەت پەن پارلامەنت بانك جٷيەسٸنٸڭ تيٸمدٸلٸگٸن جەنە ونىڭ ەل ەكونوميكاسىنا قوساتىن ٷلەسٸن ارتتىرۋعا كٶمەكتەسەتٸن زاڭنامالىق تٷزەتۋلەردٸ قاراۋى قاجەت. وسى باعىتتاعى نورمالار ۇلتتىق تابىستى بارىنشا ەدٸل بٶلۋگە ىقپال ەتەدٸ.
دەموگرافييالىق ٷدەرٸستەردٸ ەسكەرە وتىرىپ, بٷگٸن مەملەكەت باسشىسى «كەلەشەك» اتتى جاڭا باعدارلاما ەزٸرلەۋ تۋرالى باستاما كٶتەردٸ. بۇل – بالالاردىڭ بٸلٸم الۋى ٷشٸن باستاپقى كاپيتالدى جيناقتاۋعا كٶمەگٸن تيگٸزەتٸن ماڭىزدى قادام.
سونداي-اق پرەزيدەنتٸمٸز جولداۋدا ٶڭٸرلەردٸڭ بيۋدجەت سالاسىنداعى دەربەستٸگٸن ارتتىرۋعا ارنالعان ناقتى تاپسىرمالار بەردٸ. سوعان سەيكەس سالىق تٶلەمدەرٸنٸڭ بٸر بٶلٸگٸن ايماقتارعا بەرۋ كٶزدەلٸپ وتىر. بۇدان بىلاي اۋداندىق ەكٸمدٸكتەر بيۋدجەتتٸ ٶزدەرٸ جاساقتاي الادى. بۇل, ٶز كەزەگٸندە, جەرگٸلٸكتٸ جەردەگٸ مەملەكەتتٸك باسقارۋدىڭ تيٸمدٸلٸگٸن ارتتىرادى.
وسى رەتتە ەكٸمشٸلٸك رەفورمانىڭ جالعاساتىنىن اتاپ ٶتۋ قاجەت. سوعان سەيكەس ٷكٸمەت مٷشەلەرٸ مەن ەكٸمدەردٸڭ جاۋاپكەرشٸلٸگٸ ارتادى. مەملەكەتتٸك جوسپارلاۋ بارىنشا جيناقى جەنە يكەمدٸ بولا تٷسەدٸ.
مەملەكەت باسشىسىنىڭ وسى جەنە ٶزگە دە باستامالارى, ەڭ بٸرٸنشٸ كەزەكتە, ازاماتتارىمىزدىڭ ەل-اۋقاتىن ارتتىرۋعا جەنە ەكونوميكامىزدى ەرتاراپتاندىرۋعا باعىتتالعان. قازٸرگٸ تاڭدا ەلەمدەگٸ احۋال ٶتە كٷردەلٸ. اتالعان باستامالاردى ٸسكە اسىرۋ وسى شەشۋشٸ كەزەڭدە ەلٸمٸزدٸڭ تەڭگەرٸمدٸ جەنە ساپالى دامۋىنا تىڭ سەرپٸن بەرەدٸ.
وسى ورايدا ەرەكشە نازار اۋداراتىن جايت, ايتىلعان تاپسىرمالاردىڭ باسىم بٶلٸگٸ ٷش جىلدىڭ ٸشٸندە جٷزەگە اسۋعا تيٸس.
ەكونوميكالىق دامۋدىڭ جاڭا تەسٸلدەرٸن ٸسكە اسىرۋ ٷشٸن بەرٸك قۇقىقتىق بازا قاجەت. سوندىقتان پرەزيدەنتٸمٸزدٸڭ بارلىق رەفورماسىن زاڭنامالىق تۇرعىدان قامتاماسىز ەتۋ اسا ماڭىزدى. بۇل رەتتە پارلامەنت سەناتى مەجٸلٸستەگٸ, ٷكٸمەتتەگٸ ەرٸپتەستەرٸمەن, ساراپشىلارمەن جەنە مٷددەلٸ تاراپتارمەن ەردايىم بەلسەندٸ جۇمىس ٸستەيدٸ.
قورىتا كەلگەندە, ەكونوميكالىق ساياساتتىڭ جاڭا ٷلگٸسٸن جٷزەگە اسىرۋ ەلٸمٸزدٸڭ تۇراقتى, ساپالى ەرٸ ۇزاق مەرزٸمدٸ ەكونوميكالىق دامۋىنا نەگٸز بولادى. بۇل باستامالاردىڭ بارلىعى ەدٸلەتتٸ قازاقستان قۇرۋ ٸسٸنە سومدى ٷلەس قوساتىنى سٶزسٸز.
مەۋلەن ەشٸمباەۆ, قازاقستان پارلامەنتٸ سەناتىنىڭ تٶراعاسى
