وسىعان وراي بۇگىن ماجىلىستە Air Astana اۋەكومپانياسىنىڭ پرەزيدەنتى پيتەر فوستەردىڭ اتىنان كومپانيانىڭ وكىلدەرى العىسحات پەن ارنايى سىيلىق تابىس ەتتى.
– Air Astana اۋەكومپانياسىنىڭ باسشىلىعى 2022 جىلعى 30 ساۋىردە «الماتى – سەۋل» باعىتى بويىنشا ۇشقان جولاۋشىعا دەر كەزىندە كورسەتكەن كومەگى ءۇشىن العىس بىلدىرەدى. ءسىزدىڭ كاسىبي شەبەرلىگىڭىز، جاۋاپتىلىعىڭىز جانە بەلسەندى ازاماتتىق ۇستانىمىڭىز ادامنىڭ ءومىرىن ساقتاپ قالدى، – دەلىنگەن العىسحات ماتىنىندە.
اۋەتاسىمالداۋشى كومپانيا وكىلى اتاپ وتكەندەي، ۇشاقتىڭ بورتىندا جولاۋشىلاردىڭ ءبىرىنىڭ قان قىسىمى تومەندەپ، ەسىن جوعالتا باستاعان. بورتسەرىكتەر سالونداعى جولاۋشىلار اراسىنان مەديسينا قىزمەتكەرلەرىن ىزدەگەن. ەر ادام كومەككە كەلدى.
ول كەيىن بەلگىلى بولعانداي شەتەلگە ىس-ساپارمەن بارا جاتقان ماماندىعى بويىنشا دارىگەر، ءماجىلىس دەپۋتاتى عالىمجان ەلەۋوۆ بولدى.
عالىمجان ەلەۋوۆتىڭ ايتۋىنشا، ادام ەس-تۇسسىز، كلينيكالىق ءولىم جاعدايىندا بولعان. ونىڭ قىسىمى مەن تامىر سوعۋى سيرەپ، جەدەل تۇردە رەانيماسيالىق ءىس-شارالار جۇرگىزىلگەن.
ءماجىلىس دەپۋتاتى جولاۋشىنىڭ جۇرەك قىزمەتىن قالپىنا كەلتىرىپ، ونىڭ جاعدايىن جاقسارتقان. وسىلايشا، جاقىن ماڭداعى قالاعا ۇشاقتىڭ شۇعىل قونۋى قاجەت بولعان، دەگەنمەن 37 جاستاعى ەر ادامنىڭ جاعدايى تۇراقتانىپ، ول ءارى قاراي ۇشۋدى جالعاستىرعان.
