Osyǵan orai búgin Májiliste Air Astana áýekompaniiasynyń prezidenti Piter Fosterdiń atynan kompaniianyń ókilderi alǵyshat pen arnaiy syilyq tabys etti.
– Air Astana áýekompaniiasynyń basshylyǵy 2022 jylǵy 30 sáýirde «Almaty – Seýl» baǵyty boiynsha ushqan jolaýshyǵa der kezinde kórsetken kómegi úshin alǵys bildiredi. Sizdiń kásibi sheberligińiz, jaýaptylyǵyńyz jáne belsendi azamattyq ustanymyńyz adamnyń ómirin saqtap qaldy, – delingen alǵyshat mátininde.
Áýetasymaldaýshy kompaniia ókili atap ótkendei, ushaqtyń bortynda jolaýshylardyń biriniń qan qysymy tómendep, esin joǵalta bastaǵan. Bortserikter salondaǵy jolaýshylar arasynan meditsina qyzmetkerlerin izdegen. Er adam kómekke keldi.
Ol keiin belgili bolǵandai shetelge is-saparmen bara jatqan mamandyǵy boiynsha dáriger, Májilis depýtaty Ǵalymjan Eleýov boldy.
Ǵalymjan Eleýovtiń aitýynsha, adam es-tússiz, klinikalyq ólim jaǵdaiynda bolǵan. Onyń qysymy men tamyr soǵýy sirep, jedel túrde reanimatsiialyq is-sharalar júrgizilgen.
Májilis depýtaty jolaýshynyń júrek qyzmetin qalpyna keltirip, onyń jaǵdaiyn jaqsartqan. Osylaisha, jaqyn mańdaǵy qalaǵa ushaqtyń shuǵyl qonýy qajet bolǵan, degenmen 37 jastaǵy er adamnyń jaǵdaiy turaqtanyp, ol ári qarai ushýdy jalǵastyrǵan.
