قوناەۆ قالاسىنىڭ ەكٸمٸ اسحات بەردٸحانوۆ باس جوسپار مەن كەشەندٸ دامۋ جوسپارىنا سەيكەس اتقارىلىپ جاتقان جۇمىستارمەن تانىستى.
قازٸرگٸ تاڭدا باس جوسپار اياسىندا №8-10 شاعىن اۋداندارىنىڭ جولى كٷردەلٸ جٶندەۋدەن ٶتۋدە. بۇل جول اباي كٶشەسٸ ارقىلى ارنا اۋىلى مەن 10-شاعىن اۋداندى جالعاستىرادى. مەردٸگەر – «اسار ستروي» جشس.
كٶشە 4 جولاقتى, ۇزىندىعى 14,3 شاقىرىمدى قۇرايدى. سونىمەن قاتار شاعىن اۋدانداردىڭ ٸشٸندەگٸ 12 كٶشەنٸڭ جولىنا اعىمداعى جٶندەۋ جاسالادى. جوبانىڭ اياقتالۋ مەرزٸمٸ 2025 جىلعا جوسپارلانعان.
قۇرىلىس باسىنا بارعان ەكٸم مەردٸگەردٸ سىنعا الدى.
«مۇنىڭ بەرٸ حالىق ٷشٸن جاسالىپ جاتىر. ال سٸزدەر سوزىپ جٷرسٸزدەر. اقشا بٶلٸنگەن, جوبالىق-سمەتالىق قۇجاتى دايىن. حاتتاما تولتىرىلىپ, ٸس باقىلاۋعا الىنادى», - دەدٸ اسحات بەردٸحانوۆ.
كەشەندٸ دامۋ جوسپارىنا كەلسەك, 2023-2027 جىلدار ارالىعىندا ينفراقۇرىلىمدى دامىتۋعا ارنالعان 187 جوبا جٷزەگە اسپاق. بيىل 51 جوبانىڭ قۇجاتتارى ەزٸرلەنۋدە. ونىڭ ٸشٸندە 10-ى جاڭا جول سالۋ مەن كٷردەلٸ جٶندەۋدەن ٶتكٸزۋگە قاتىستى. شاھار باسشىسى قۇرىلىس جٷرەتٸن كٶشەلەردٸ ارالاپ, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسشىسىنا بٸرقاتار تاپسىرما جٷكتەدٸ.
