مەموراندۋمدى جۇزەگە اسىرۋ ءۇشىن «قۇقىقتانۋ» كافەدراسى ءبىر جىلدىق جۇمىس جوسپارىن بەكىتىپ، ۇزاق مەرزىمدى، ءتيىمدى جانە ءوزارا پايدالى ىنتىماقتاستىقتى دامىتۋدى جۇزەگە اسىرۋ ءۇشىن الماتى وبلىسى جامبىل اۋدانى بەسمويناق اۋىلىنداعى جانگەلدى اتىنداعى ورتا مەكتەپ پەن قاراارشا اتىنداعى باستاۋىش مەكتەبىنەن ينستيتۋت اتىنان وزدەرىنىڭ «قۇقىقتانۋ جانە قازاقستان تاريحى» وقۋ-ادىستەمەلىك اۋديتوريالارىن اشۋدان باستادى. مەكتەپ باسشىسى مەن مۇعالىمدەرىنىڭ ۇسىنىسىمەن اۋديتورياعا ەڭبەك ارداگەرى نۇپتييەۆ قامزا سارقىتباي ۇلىنىڭ ەسىمى بەرىلدى.
مەكتەپ مۇعالىمدەرى مەن جوعارى وقۋ ورىندارى پروفەسسور-وقىتۋشى قۇرامى اراسىندا قۇقىقتىق، تاريحي بىلىمدەردى قالىپتاستىرۋعا باعىتتالعان بىرلەسكەن ءىس-شارالاردى جۇزەگە اسىرۋ ءۇشىن الماتى وبلىسى جامبىل اۋدانى ورتا مەكتەپتەرىنىڭ مۇعالىمدەرىنە «ورتا ءبىلىم بەرۋ مەكەمەلەرىندە «قۇقىق نەگىزدەرى»، «كاسىپكەرلىك جانە بيزنەس نەگىزدەرى» جانە تاريح پاندەرىن قاشىقتىقتان وقىتۋدىڭ ەرەكشەلىكتەرى» اتتى 22 اقپان 2021 جىلمەن 3 ناۋرىز 2021 جىلى ارالىعىندا بىلىكتىلىكتى كوتەرۋ ونلاين سەمينار-ترەنينگ وتكىزىلدى.
جوسپار بويىنشا 22 اقپان 2021 جىلى «قۇقىقتانۋ» كافەدراسىنىڭ مەڭگەرۋشىسى ز.ع.د.، پروفەسسور بورىبايەۆ ەرمەك ءابىلتاي ۇلى «مەكتەپ مۇعالىمدەرىنىڭ قاشىقتىقتان قۇقىقتىق ءبىلىم بەرۋدە كاسىبي شەبەرلىگىن دامىتۋ ماسەلەلەرى» تاقىرىبىمەن بىلىكتىلىكتى كوتەرۋ ونلاين سەمينار-ترەنينگتى اشىپ، ءبىر جارىم اپتاعا سوزىلاتىن كۋرستىڭ باعدارلاماسىمەن جانە ونى وتكىزەتىن پروفەسسورلىق وقىتۋشىلار قۇرامىمەن تانىستىرىپ ءوتتى.
بىلىكتىلىكتى كوتەرۋ سەمينار ترەنينگتىڭ باستى ماقساتى - مەكتەپ مۇعالىمدەرىمەن كاسىبي پەداگوگيكالىق جانە قۇقىقتىق باعدار بەرۋ جۇمىستارىن ۇيىمداستىرۋدى جۇزەگە اسىرۋ جانە وقۋشىلارعا وقۋعا تۇسۋگە دايىندىق كەزىندە اقپاراتتىق، كونسۋلتاسيالىق جانە ۇيىمداستىرۋشىلىق كومەك كورسەتۋ بولعاندىقتان، كۋرس باعدارلامالارىندا «قاشىقتىقتان وقىتۋ پروسەسىندە جاڭا وقىتۋ تەحنولوگيالارىن قولدانۋ – وقۋشىنىڭ قابىلەتتىلىگىن ارتتىرۋدىڭ نەگىزى»، «مەكتەپتە «كاسىپكەرلىك جانە بيزنەس نەگىزدەرى» ءپانىن وقىتۋدىڭ وزەكتى ماسەلەلەرى»، «مەملەكەت جانە قۇقىق تەورياسى- قۇقىق نەگىزدەرىنىڭ الىپپەسى رەتىندە ونلاين ساباق بەرۋدىڭ ەرەكشەلىكتەرى»، «ازاماتتىق قۇقىق جانە ءىس جۇرگىزۋ نەگىزدەرىن وقىتۋدا باستى نازار اۋداراتىن نەگىزگى تەرميندەر»، «تاريحتى وقىتۋدىڭ يننوۆاسيالىق ادىستەرى (بەلسەندى وقىتۋ ادىستەرى)» اتتى تاقىرىپتار بولدى. ولاردى تاريح جانە قۇقىق ينستيتۋتى «الەم تاريحى» كافەدراسىنىڭ پروفەسسورى، تاريح عىلىمدارىنىڭ دوكتورى تۋلەكوۆا م.ك.، تاريح جانە قۇقىق ينستيتۋتى «قۇقىقتانۋ» كافەدراسىنىڭ قاۋىمداستىرىلعان پروفەسسورى، ە.ع.ك.، الماتى قالاسى، الاتاۋ اۋدانى، № 178 مامانداندىرىلعان ليسەيدىڭ ديرەكتورى شادييەۆ ق.ح.، «قۇقىقتانۋ» كافەدراسىنىڭ دوسەنتى جازىلبەك ل.ي.، «قۇقىقتانۋ» كافەدراسىنىڭ قاۋىمداستىرىلعان پروفەسسورى، ز.ع.ك. كوشپەنبەتوۆ ب.م.، قاۋىمداستىرىلعان پروفەسسور مەيربەكوۆا گ.ب.، قۇقىق ماگيسترى، اعا وقىتۋشىلار بەلحوجايەۆا د.ج.، بايسىماقوۆا د.س.، قاسىمبەك ءا.و. سىندى تاجىريبەلى ماماندار وتكىزدى.
الماتى وبلىسى جامبىل اۋدانى ورتا مەكتەپتەرىنىڭ مۇعالىمدەرىنە «ورتا ءبىلىم بەرۋ مەكەمەلەرىندە «قۇقىق نەگىزدەرى»، «كاسىپكەرلىك جانە بيزنەس نەگىزدەرى» جانە تاريح پاندەرىن قاشىقتىقتان وقىتۋدىڭ ەرەكشەلىكتەرى» اتتى
ءبىر اپتاعا سوزىلعان ونلاين سەمينار-ترەنينگكە جامبىل اۋدانى بەسمويناق اۋىلىنداعى جانگەلدى اتىنداعى ورتا مەكتەپ پەن قاراارشا اتىنداعى باستاۋىش مەكتەبىنەن، سۇڭقار اۋىلىنداعى سۇڭقار مەكتەبىنەن، دەگەرەس اۋىلىنىڭ ورتا مەكتەپتەرىنەن مۇعالىمدەر، وقۋشىلار جانە اتا-انالار دا قاتىسىپ، بۇنداي ۇلكەن مۇمكىندىك بەرىپ وتىرعان اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى بالىقبايەۆ تاحير وسپانۇلىنا، تاريح جانە قۇقىق ينستيتۋتىنىڭ ديرەكتورى س.ع.د، پروفەسسور ا.م.دجۋنۋسوۆكە، جانە بىلىكتىلىكتى كوتەرۋ ونلاين سەمينار-ترەنينگتى ۇيىمداستىرۋشى «قۇقىقتانۋ» كافەدراسىنىڭ مۇشەلەرى مەن باسشىسى ز.ع.د، پروفەسسور ە.ءا.بورىبايەۆقا ەرەكشە العىستارىن ءبىلدىردى.
قورىتىندى ءسوز العان كافەدرا مەڭگەرۋشىسى ە.ءا. بورىبايەۆ: «مەكتەپ پەن جوعارى وقۋ ورىندارى اراسىنداعى ساباقتاستىقتى دامىتۋ – نارىقتىق قاتىناستار ورنىعا باستاعان تاۋەلسىزدىگىمىزدەگى ءبىلىم مەكەمەلەرىنىڭ الدىنا وقۋشىلار مەن ستۋدەنتتەرگە بەرىلەتىن ءبىلىم مەن تاربيە ساپاسىن كوتەرۋ مەن جاقسارتۋ مىندەتتەر قويىپ وتىر. ءبىلىم بەرۋ باعدارلامالارىنىڭ جاڭارۋىن، وقۋ جۇيەلەرىنىڭ جاڭا فورماتقا كوشۋىن ساراپتاي كەلىپ، وقۋشىلاردىڭ كاسىپتىك باعدارىن قالىپتاستىرۋدا جوعارى وقۋ ورىندارى مەن مەكتەپ اراسىنداعى ساباقتاستىقتى ورناتۋ بۇگىنگى كۇننىڭ وزەكتى ماسەلەسى ەكەنىن ءبارىمىز بىلەمىز. ءبىز وسى كەزگە دەيىن جوعارى وقۋ ورنى مەن مەكتەپتىڭ ءوزارا ارەكەتتەسۋى نەگىزىندە پەداگوگيكالىق، گۋمانيتارلىق ماماندىققا باعىتتاۋ ماسەلەسى ءالى دە بولسا جەتكىلىكتى دارەجەدە زەرتەلمەگەنىن جانە بايلانىس جوق ەكەنىن اڭعاردىق. سول سەبەپتى وسى وقۋ جىلىنىڭ باسىندا تۇڭعىش رەت الماتى وبىلىسى جامبىل اۋدانى وقۋ بولىمىمەن مەموراندۋمعا وتىرىپ، جىل بويى بايلانىستا بولۋدى ۇيعاردىق. مىنە بۇگىن ءبىر اپتاعا سوزىلعان ونلاين سەمينار ترەنينگىمىز سونىڭ ءبىر دالەلى. ءبىز مۇنداي شارالاردى باسقا دا مەكتەپتەرمەن جالعاستىراتىن بولامىز. بۇنداي يگى شارالار بولاشاق ماماندار دايارلاۋ ءۇشىن ورتا ءبىلىم مەكەمەلەرىنە دە بىزگە، جوعارى وقۋ ورىندارىنا دا ءتيىمدى بولاتىنىن ايتپاسا دا تۇسىنىكتى. سوندىقتان، بۇگىنگى الماتى وبلىسى جامبىل اۋدانى ورتا مەكتەپتەرىنىڭ مۇعالىمدەرىنە «ورتا ءبىلىم بەرۋ مەكەمەلەرىندە «قۇقىق نەگىزدەرى»، «كاسىپكەرلىك جانە بيزنەس نەگىزدەرى» جانە تاريح پاندەرىن قاشىقتىقتان وقىتۋدىڭ ەرەكشەلىكتەرى» اتتى ءبىر جارىم اپتاعا سوزىلعان بىلىكتىلىكتى كوتەرۋ ونلاين سەمينار-ترەنينگتى جابىق دەپ جاريالايمىن. سىزدەرمەن كەلەسى كەزدەسكەنشە. بارشاڭىزعا ساتتىلىك تىلەيمىن!»- دەدى.
