عىلىمدى دامىتۋعا دەگەن مەملەكەت تاراپىنان جاسالىپ وتىرعان قامقورلىق جاس عالىمداردىڭ سانىنىڭ ارتۋىنا جەنە عىلىمي ٸزدەنٸستەردە دارىندى جاستاردىڭ زيياتكەرلٸك ەلەۋەتٸن كەڭٸنەن پايدالانۋعا مٷمكٸندٸك بەرٸپ كەلەدٸ. ونىڭ دەلەلٸ, بيىلعى جىلى ەلٸمٸزدٸڭ 500 عالىمى ەلەمنٸڭ ەڭ ٷزدٸك عىلىمي ورتالىقتارى مەن جوعارى وقۋ ورىندارىندا «بولاشاق» باعدارلاماسى بويىنشا عىلىمي تاعىلىمدامادان ٶتۋگە مٷمكٸندٸك الدى. سولاردىڭ قاتارىندا بٸزدٸڭ اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنەن 14 عالىمنىڭ بولۋى بٸزدٸڭ پروفەسسور-وقىتۋشىلار قۇرامىنىڭ عىلىمي ەلەۋەتٸنٸڭ جوعارى ەكەندٸگٸنە دەلەل بولا الادى. بۇل بٸر جاعىنان مەملەكەت تاراپىنان بٸلٸم مەن عىلىمعا دەگەن قولداۋدىڭ ەرەكشە ەكەنٸن كٶرسەتسە كەرەك.
جوعارى بٸلٸكتٸ كادرلار دايىنداۋداعى سونى سەرپٸلٸس - عىلىمي-زەرتتەۋ ينستيتۋتتارى مەن جوعارى وقۋ ورىندارىنىڭ ينتەگراتسيياسىن تيٸمدٸ ەتۋ جولىندا بٸلٸم جەنە عىلىم مينيسترٸ ا.ايماعامبەتوۆتىڭ باستاماسىمەن قابىلدانعان بٸرقاتار ماڭىزدى شارالار. ۇسىنىلعان شارالاردىڭ باستى ارتىقشىلىعى عزي مەن ۋنيۆەرسيتەتتەردٸڭ كادرلىق, ماتەريالدى-تەحنيكالىق, زيياتكەرلٸك ەلەۋەتٸن ساپالى مامان دايىنداۋدا بارىنشا بٸرلەسٸپ پايدالانۋعا جاعداي جاساۋ بولىپ تابىلادى. مۇنداي ينتەگراتسييا جوعارى وقۋ ورنى جٷيەسٸنٸڭ ستۋدەنتتەرگە تەك بٸلٸم بەرٸپ قانا قويماي, سونىمەن قاتار ولاردىڭ مٷمكٸندٸكتەرٸن, يگەرگەن بٸلٸمدەرٸن عىلىمي سالادا ٸسكە اسىرۋىنا ىقپال ەتۋ, عىلىمي-زەرتتەۋ ينستيتۋتتارىمەن بٸرگە بٸلٸم بەرۋ باعدارلامالارىن ەزٸرلەۋ, ديسسەرتاتسييالىق كەڭەس جۇمىسىن بٸرلەسە جٷرگٸزۋگە قول جەتكٸزەدٸ. اباي ۋنيۆەرسيتەتٸنٸڭ فيلولوگييا جەنە كٶپتٸلدٸ بٸلٸم بەرۋ ينستيتۋتى وسى رەتتە ا.بايتۇرسىنوۆ اتىنداعى تٸل بٸلٸمٸ ينستيتۋتىمەن, م.ەۋەزوۆ اتىنداعى ەدەبيەت جەنە ٶنەر ينستيتۋتىمەن ينتەگراتسييالىق ىنتىماقتاستىق جاساۋ جولىندا جان-جاقتى جۇمىستار اتقارۋدا.
«اباي ۋنيۆەرسيتەتٸنٸڭ» كوممەرتسييالىق ەمەس اكتسيونەرلٸك قوعام نىسانىنا ٶتۋٸ اكادەمييالىق ەركٸندٸك الۋعا ٷلكەن مٷمكٸندٸك بەردٸ. ٶتكەن جىلدىڭ اياعىندا ۋنيۆەرسيتەتتٸڭ باسقارما تٶراعاسى - رەكتور دارحان نۇرلانۇلى بٸلەلوۆ «اباي ۋنيۆەرسيتەتٸنٸڭ» 2022-2025 جىلدارعا ارنالعان جاڭا دامۋ ستراتەگيياسىمەن تانىستىرىپ, كەلەشەكتەگٸ مٸندەتتەر مەن دامۋ باسىمدىقتارىن: اكادەمييالىق ارتىقشىلىق, پەداگوگيكالىق زەرتتەۋ ۋنيۆەرسيتەتٸنە ترانسفورماتسييالانۋ, وقىتۋ ەدٸستەمەسٸ, وقىتۋ تەحنولوگييالارىنداعى يننوۆاتسييا, «ٷيدەگٸ ينتەرناتسيونالداندىرۋ», مەكتەپتەرمەن ىنتىماقتاستىق ورناتۋ, وقىتۋدىڭ تسيفرلىق ەكوجٷيەسٸن قۇرۋ, جۇمىس بەرۋشٸلەردٸڭ جاس مامانداردى كەسٸبي دايىنداۋعا قاتىسۋىن قامتاماسىز ەتۋ جەنە تاعى باسقا سالالارداعى پەرسپەكتيۆالىق قۇزىرەتتٸلٸكتەردٸ انىقتاپ بەرگەن بولاتىن.
وسىعان سەيكەس ينستيتۋتىمىزدا بٸلٸم بەرۋ باعدارلامالارىن دايىنداۋدا جۇمىس بەرۋشٸلەردٸڭ تالاپتارى ەسەپكە الىنىپ كەلەدٸ جەنە پراكتيكاعا باعدارلانعان مامانداردى دايىنداۋ جولعا قويىلدى. ايتالىق, قازٸرگٸ تاڭدا دۋالدى وقىتۋدىڭ تالاپتارىنا سەيكەس 4 كۋرس ستۋدەنتتەرٸ كەسٸبي بٸلٸكتٸلٸگٸن شىڭداۋ ٷشٸن مەكتەپتەردە 1 جىل بويى تەجٸريبەدەن ٶتەدٸ. وسىلايشا بٸلٸم الۋشىلار وقۋدان قول ٷزبەي, ياعني ۋنيۆەرسيتەتتە اپتاسىنا ەكٸ كٷن وقىپ, قالعان كٷندەرٸن مەكتەپتە ٶتكٸزٸپ, بولاشاقتا ساپالى جەنە تابىستى جۇمىس ٸستەۋٸ ٷشٸن بارلىق قاجەتتٸ قۇزٸرەتتەرگە يە بولا الادى. سونىمەن بٸرگە جەكەلەگەن پەندەر بويىنشا تەورييالىق جەنە پراكتيكالىق ساباقتاردى عىلىمي-زەرتتەۋ ينستيتۋتتارىندا, تٸل ٷيرەتۋ ورتالىقتارىندا ٶتكٸزۋ بولاشاقتا قولعا الىنباق, بۇل كەيٸن تٷلەكتەردٸڭ وسى مەكەمەلەردە جۇمىسقا ورنالاسۋىنا مٷمكٸندٸك بەرەرٸ انىق.
ساپالى مامان دايىنداۋداعى تاعى بٸر ماڭىزدى شارت - زاماناۋي ينفراقۇرىلىم مەن بٸلٸكتٸ كادرلاردىڭ بولۋى. اباي ۋنيۆەرسيتەتٸنٸڭ بايىرعى قۇرىلىمدىق بٶلٸمٸ سانالاتىن فيلولوگييا جەنە كٶپتٸلدٸ بٸلٸم بەرۋ ينستيتۋتىنىڭ 5 كافەدراسىندا 170-تەن استام جوعارى بٸلٸكتٸ وقىتۋشى جۇمىس ٸستەيدٸ. ولاردىڭ اراسىندا 1 قر ۇعا اكادەميگٸ, 1 مانپو اكادەميگٸ, 24 عىلىم دوكتورى, پروفەسسور, 46 عىلىم كانديداتى, دوتسەنت, 15 PhD دوكتورى بار. سوڭعى جىلدارى ينستيتۋتتىڭ 22 وقىتۋشىسى قر بعم «جوو ٷزدٸك وقىتۋشىسى» گرانتىنا يە بولدى. وسىنداي عىلىمي ەلەۋەتٸ جوعارى عالىم-ۇستازدار ۇجىمى تٶرت مىڭنان استام ستۋدەنتكە بٸلٸم بەرۋدە.
قازٸرگٸ ۋاقىتتا ينستيتۋت باكالاۆرياتتىڭ 15, ماگيستراتۋرانىڭ 13 جەنە دوكتورانتۋرانىڭ 10 بٸلٸم بەرۋ باعدارلاماسى بويىنشا ماماندار دايىندايدى. ينستيتۋت ەلەمنٸڭ 20-دان اسا ەلٸنٸڭ جەتەكشٸ ۋنيۆەرسيتەتتەرٸ جەنە ۇيىمدارىمەن ەرٸپتەستٸك بايلانىس ورناتقان, 2012 جىلدان بەرٸ «ورىس تٸلٸ مەن ەدەبيەتٸ» ماماندىعى بويىنشا قوس ديپلوم بەرۋ باعدارلاماسىن پولشانىڭ سلۋپسك قالاسىنداعى پومورسك اكادەميياسىمەن بٸرگە سەتتٸ جٷزەگە اسىرىپ كەلەدٸ. ستراتەگييالىق دامۋ جوسپارىنا سەيكەس الداعى ۋاقىتتا ينستيتۋتتىڭ باسقا دا بٸلٸم بەرۋ باعدارلامالارى بويىنشا اۆسترييا, بولگارييا, رەسەي, ەستونييا, تٷركييانىڭ جەتەكشٸ جوعارى وقۋ ورىندارىمەن قوس ديپلومدىق بٸلٸم بەرۋدٸ جٷزەگە اسىرۋ مٸندەتٸ قويىلىپ, وسى باعىتتا جۇمىستار قارقىندى جٷرگٸزٸلۋدە.
سوڭعى جىلدارى رەيتينگتەر بٸلٸم بەرۋ قىزمەتتەرٸنٸڭ جاھاندىق نارىعىنىڭ ماڭىزدى كٶرٸنٸسٸنە اينالدى. ۋنيۆەرسيتەتتٸڭ بەسەكەلەستٸك جەتٸستٸگٸنٸڭ نەگٸزگٸ فاكتورى ونىڭ ۇلتتىق جەنە حالىقارالىق بٸلٸم بەرۋ نارىقتارىنداعى بەدەلٸ دەسەك, وسى رەتتە بٸزدٸڭ ينستيتۋت بٸلٸم بەرۋ باعدارلامالارىنىڭ ۇلتتىق رەيتينگتەردەگٸ كٶشباسشىلىق پوزيتسييالارىن اتاپ ٶتكەن جٶن. قر جوعارى وقۋ ورنى تالاپ ەتۋٸنٸڭ ۇلتتىق رەيتينگٸسٸندە-2021 (IAAR - اككرەديتتەۋ جەنە رەيتينگتٸڭ تەۋەلسٸز اگەنتتٸگٸ) باكالاۆرياتتىڭ 5 بٸلٸم بەرۋ باعدارلاماسى, 2 ماگيستراتۋرا جەنە دوكتورانتۋرانىڭ 2 بٸلٸم بەرۋ باعدارلاماسى قازاقستان رەسپۋبليكاسىنىڭ 20 جوعارى وقۋ ورنى اراسىندا 1 جەنە 2 ورىن, «اتامەكەن-2021» ۇكپ رەيتينگٸندە ينستيتۋتتىڭ 2 باكالاۆريات بٸلٸم بەرۋ باعدارلاماسى 2 ورىنعا يە بولدى. ال «QS World University Ranking by Subject 2021» ەلەمدٸك رەيتينگٸسٸندە «اعىلشىن تٸلٸ مەن ەدەبيەتٸ» پەندٸك رەيتينگٸنٸڭ 201-250 توبىنا ەندٸ. ەرينە مۇنداي جەتٸستٸككە ۋنيۆەرسيتەت باسشىلىعى مەن ينستيتۋتتىڭ پروفەسسور-وقىتۋشى قۇرامىنىڭ اۋقىمدى جۇمىستارى نەتيجەسٸندە قول جەتكٸزٸلدٸ.
ستۋدەنتتەردٸڭ ەلەۋمەتتٸك, ازاماتتىق بەلسەندٸلٸگٸن دامىتۋ - كٷن تەرتٸبٸندەگٸ ماڭىزدى مەسەلەنٸڭ بٸرٸ. بىلتىرعى جىلى بٸلٸم الۋشىلاردىڭ عىلىمي-شىعارماشىلىق قابٸلەتتەرٸن دامىتۋ بارىسىندا ينستيتۋتتاعى جاستار ورتالىقتارى مەن كلۋبتارىنىڭ جۇمىسى ٶزەكتەندٸرٸلدٸ. نەتيجەسٸندە ستۋدەنتكە شوعىرلاندىرىلعان وقىتۋ مەن تەربيە نەگٸزٸندە ەڭ الدىمەن, قازٸرگٸ ستۋدەنت جاستاردىڭ قىزىعۋشىلىعى مەن تالاپ-تٸلەكتەرٸ ەسكەرٸلٸپ, «كٷلتەگٸن» ستۋدەنتتٸك شىعارماشىلىق بٸرلەستٸگٸ قۇرىلدى. ونىڭ قۇرامىنا ەنگەن «ٷركەر» ستۋدەنتتەر تەاترى, «اbaimusic» كلۋبى, «QALAMGER» جاس جۋرناليستەر كلۋبى, «ABAImedia» ورتالىعى, «ابادان» سپورت كلۋبى, «ايداي» بي كلۋبىن دارىندى ستۋدەنت جاستاردىڭ ٶزدەرٸ باسقارىپ, جۇمىس جاساۋدا. مينيسترلٸك تاراپىنان الداعى ۋاقىتتا ستۋدەنتتەردٸڭ تەك وقۋ سالاسىنداعى جەتٸستٸكتەرٸن عانا ەمەس, سونىمەن بٸرگە ينتەگراتسييالانعان ەلەۋمەتتٸك GPA بالى, ياعني قوعامدىق جەنە ۆولونتەرلٸك جۇمىستارعا قاتىسۋ دەڭگەيٸن ەسەپكە الۋ جٷيەسٸن ەنگٸزۋدٸڭ تەتٸكتەرٸ قاراستىرىلىپ جاتقانى قۋانتىپ وتىر. سەبەبٸ تەرەڭ بٸلٸمٸ, جوعارى كەسٸبي بٸلٸكتٸلٸگٸمەن قوسا, جالپىادامزاتتىق جەنە رۋحاني قۇندىلىقتاردى بويىنا سٸڭٸرگەن, ازاماتتىق ۇستانىمى جوعارى, بەلسەندٸ ماماننىڭ قوعامعا, ەلدٸڭ دامۋى مەن ٶركەندەۋٸنە تيگٸزەر پايداسى كٶبٸرەك ەكەندٸگٸن بەرٸمٸز جاقسى تٷسٸنەمٸز.
قورىتا ايتقاندا جاھاندانۋ ٷردٸسٸ قارقىن العان زاماندا جوعارى بٸلٸم بەرۋ مەن عىلىم سالاسىنداعى دامۋدىڭ يننوۆاتسييالىق باعىتتارى ٶز جەمٸسٸن بەرۋدە. الداعى ۋاقىتتا بٸلٸم جەنە عىلىم مينيسترلٸگٸ تاراپىنان ايقىندالعان مٸندەتتەردٸ ٸسكە اسىرۋ جولىندا بارلىق ەلەۋەتتٸ جۇمىلدىرۋ - ساپالى كادرلار دايىنداۋدىڭ نەگٸزٸ بولاتىنى انىق.
الۋا ۆاسيلييقىزى تاڭجارىقوۆا, اباي اتىنداعى قازۇپۋ فيلولوگييا جەنە كٶپتٸلدٸ بٸلٸم بەرۋ ينستيتۋتىنىڭ ديرەكتورى, فيلولوگييا عىلىمدارىنىڭ دوكتورى, قاۋىمداستىرىلعان پروفەسسور
