قازاقستاندىق كٶرٸپكەل باقىت جۇماتوۆا ونىڭ كٶمەگٸنە جوعارعى سوتتاعىلار دا, پروكۋراتۋراداعىلار دا جٷگٸنەتٸنٸن ايتتى, - دەپ حابارلايدى Dalanews.kz.
«جوعارعى سوتتا, پروكۋراتۋرادا جۇمىس ٸستەيتٸن كليەنتتەرٸم بار. كٶپتەگەن جۋرناليستەر ماعان جٷگٸنەدٸ. ەيەلدەر عانا كٶرٸپكەلگە جٷگٸنەدٸ دەپ ايتا المايمىن. ەر ازاماتتار دا, جاس بالالار دا كەلەدٸ. ەر ادامدار ەيەلٸ كٶزٸنە شٶپ سالىپ جٷر مە دەگەن سۇراقپەن كەلەدٸ. ونداي ادامدار بۇرىن بولعان, قازٸر دە بار, بولاشاقتا دا بولادى. بيشٸمباەۆتىڭ سوتىندا بەرٸ كٶرٸپكەل, تارولوگ دەگەن نەرسە بارىن بٸرٸنشٸ رەت ەستٸگەندەي بولدى», - دەيدٸ باقىت جۇماتوۆا Airan مەدياعا بەرگەن سۇحباتىندا.
اق انا اتتى قاسكەلەڭدٸك ەمدەۋشٸ كەزٸندە بولات نازارباەۆ تا كەلگەنٸن ايتادى.
«مەن نازارباەۆتار ەۋلەتٸن ەمدەگەن كەزٸم بولدى. بٸز وتىرعان عيماراتتى سالعان بولات نازارباەۆ دەپ ايتادى. شىن مەنٸندە ول سالعان جوق. بٸراق عيماراتتى سالۋعا ٶزٸمنٸڭ شەكٸرتتەرٸم, قاراپايىم ادامدار كٶمەكتەستٸ», - دەيدٸ اق انا.
ەكونوميست, قوعام قايراتكەرٸ ايدار ەلٸباەۆتىڭ سٶزٸنشە, جوعارى شەندٸ مەملەكەتتٸك قىزمەتكەرلەر اراسىندا كٶرٸپكەلگە بارۋ – قالىپتى نەرسە.
«ولار ەرينە ونى مويىندامايدى, تىنىش بارىپ كەلەدٸ. بٸراق كٶبٸ كٶرٸپكەلگە جٷگٸنەدٸ. بٸزدٸڭ شەنەۋنٸكتەر ٷنەمٸ ٶزٸنە سەنٸمسٸز جٷرەدٸ. بٸراق ول دا قالىپتى جاعداي. سەبەبٸ, ولاردى جيٸ اۋىستىرىپ تاستايدى. (...) مينيسترلەر, ەكٸمدەردٸڭ بەرٸ كٶرٸپكەلگە جٷگٸنەدٸ. ولاردى قورعاپ جٷرەتٸن, كٶز تييۋدەن قورعايتىن جەكە كٶرٸپكەلدەرٸ بولادى. كەيبٸر كٶرٸپكەلدەر بولاشاعى جارقىن ەكەنٸن ايتىپ, كٶڭٸل كٷيٸن كٶتەرەدٸ. ناقتى كەسٸپ ايتا المايمىن, بٸراق نازارباەۆ تا كٶرٸپكەلگە بارعان. جالپى كٶرٸپكەلدٸڭ كٶمەگٸنە جٷگٸنۋ نازارباەۆتىڭ كەزٸندە سەنگە اينالعان دەگەن سٶزدەر بار. بٸراق ونسىز دا ونداي ادامدار بولار ەدٸ. بەرٸمٸز بولاشاقتا نە بولاتىنىن بٸلگٸمٸز كەلٸپ وتىرادى عوي», - دەيدٸ ايدار ەلٸباەۆ.
ەسكە سالايىق, بۇرىنعى ۇلتتىق ەكونوميكا مينيسترٸ قۋاندىق بيشٸمباەۆقا قاتىستى سوت وتىرىسىندا شىمكەنتتٸك كٶرٸپكەل كۋەلٸك ەتكەن بولاتىن.
پروكۋرور ايجان ايماعانوۆا كٶرٸپكەل جەكە دەرەكتەرٸن جارييا ەتكٸسٸ كەلمەيتٸنٸن ايتىپ, سوت وتىرىسى بارىسىندا سۋديادان ونىڭ تەك داۋىسى ەستٸلۋٸنە جاعداي جاسالۋىن سۇرادى. كٶرٸپكەل ٶزٸنە قىسىم جاسالىپ جاتقانىن مەلٸمدەگەن.
سوت وتىرىسى بارىسىندا كٶرٸپكەل بيشٸمباەۆتى 1,5-2 جىلدان بەرٸ اناسى ارقىلى بٸلەتٸنٸن ايتتى.
"ەكٸ ايدا بٸر رەت قوڭىراۋ شالىپ, جۇمىسى, كەسٸبٸ تۋرالى سۇرايتىن. مەن تارولوگپىن, ول بٸردەڭە بٸلگٸسٸ كەلسە, "قاراپ كٶرٸڭٸزشٸ" دەپ جٷگٸنەتٸن", - دەدٸ ول.
سونىمەن قاتار, كٶرٸپكەل مارقۇم سالتانات نٷكەنوۆا قايتىس بولعان كٷن تۋرالى بايانداپ بەردٸ.
"ول حابارلاستى. ناقتى ۋاقىتى ەسٸمدە جوق. مەنٸڭ قولىم بوس ەمەس ەدٸ. بٸراق تۇتقانى كٶتەردٸم. ول "سالتانات ەكەۋمٸز قاتتى ماس بولىپ, تٶبەلەستٸك" دەدٸ. بۇل شامامەن تٷستەن كەيٸنگٸ ۋاقىت ەدٸ. 15.00-16.00 ەدٸ. ونىڭ ٸشٸمدٸك ٸشكەنٸ بايقالىپ تۇردى. قاتتى مەن بەرمەدٸم. ول "قاراپ بەرٸڭٸزشٸ" دەدٸ. مەن "دەرٸگەرگە حابارلاس, جەدەل جەردەم شاقىر" دەدٸم. ول "قايتا-قايتا قاراپ كٶرٸڭٸزشٸ" دەدٸ. ٶتە قىسقا ەڭگٸمە بولدى. 30 سەكۋندتاي. ..."كەشە قاتتى ٸشٸپ, قاتتى تٶبەلەستٸك" دەدٸ. "مەن نە ٸستەيٸن?" دەدٸم. داۋىسى كٷندەگٸدەي ەمەس ەدٸ, ەر سٶزٸن تاڭداپ ايتتى. مەن "جەدەل جەردەمگە حابارلاس" دەدٸم", - دەيدٸ كۋەگەر.
كٶرٸپكەلدٸڭ سٶزٸنشە, بيشٸمباەۆ سالتاناتتىڭ ۇيىقتاپ جاتقانىن, قورىلداپ جاتقانىن ايتقان. سونداي-اق, قوزعالمايتىنىن, تۇرمايتىنىن, ەشتەڭە ٸشٸپ-جەمەگەنٸن جەتكٸزگەن.
