شارا ەنشٸ قايرات بەكتۇرسىننىڭ ورىنداۋىنداعى جامبىلدىڭ «اقىندارعا ارناۋ» اتتى تەرمەسٸمەن اشىلدى.
– ەلباسى نۇرسۇلتان ەبٸشۇلى نازارباەۆ «بولاشاققا باعدار: رۋحاني جاڭعىرۋ» باعدارلاماسىندا: «ۇلتتىق مەدەنيەت ساقتالماسا, ەشقانداي جاڭعىرۋ بولمايدى», - دەگەن ەدٸ. وسى باعدارلاما اياسىندا قولعا الىنعان يگٸ ٸستەردٸڭ بٸرٸ بٷگٸنگٸ شارا دەپ بٸلٸڭٸزدەر.ەسكەرتكٸش – ەلدٸڭ, حالىقتىڭ مەدەني مۇراسىنىڭ جالپىلاما اتاۋى. ەندەشە سول ەسكەرتكٸشٸ قويىلعان تۇلعانىڭ ٶزٸ حالىقتىڭ مۇراسىنا اينالدى دەگەن سٶز. وسىنداي يگٸ شارانى قولعا الىپ, بەلسەندٸلٸك تانىتىپ, جەكە قاراجاتىن بٶلٸپ وتىرعان جەرگٸلٸكتٸ ازاماتتارعا كٶپشٸلٸكتٸڭ اتىنان شىنايى ريزاشىلىعىمىزدى بٸلدٸرەمٸز, – دەدٸ ج.ومار قۇتتىقتاۋ سٶزٸندە.
مۇنان سوڭ قازاقستان جازۋشىلار وداعىنىڭ تٶراعاسى نۇرلان ورازالين سٶيلەپ, جاس اقىن جامبىل دٷيسەنوۆ جىراۋعا ارناعان ٶز ٶلەڭٸن وقىدى. ەسكەرتكٸش الدىنا گٷل شوقتارى قويىلدى.
جالپى, ەسكەرتكٸش بيۋست مەتسەناتتاردىڭ 4,6 ملن. تەڭگە قارجىسىنا جاسالعان. ەسكەرتكٸش اۆتورى – نۇرعالىم يساباەۆ. بيۋست قولادان قۇيىلعان, پوستامەنتٸ – مەرمەردان, بيٸكتٸگٸ 5 مەتر. اۋلاسى اباتتاندانىرىلعان, تيان-شان شىرشالارى وتىرعىزىلىپ, گٷلزار جاسالعان.
الماتى وبلىسى ەكٸمٸنٸڭ باسپاسٶز قىزمەتٸ.
