Jyr alyby Jambyldyń eskertkishi búgin Eńbekshiqazaq aýdany Esik qalasyndaǵy jastar saıabaǵynda ashyldy. Búst «Týǵan jer» baǵdarlamasy sheńberinde mesenat qarjysyna jasaldy. Osy aıtýly qýanyshpen kópshilikti oblys ákiminiń orynbasary Jaqsylyq Omar quttyqtady, – dep habarlaıdy Almaty oblysy ákiminiń baspasóz qyzmeti.

Shara ánshi Qaırat Bektursynnyń oryndaýyndaǵy Jambyldyń «Aqyndarǵa arnaý» atty termesimen ashyldy.



– Elbasy Nursultan Ábishuly Nazarbaev «Bolashaqqa baǵdar: rýhanı jańǵyrý» baǵdarlamasynda: «Ulttyq mádenıet saqtalmasa, eshqandaı jańǵyrý bolmaıdy», - degen edi. Osy baǵdarlama aıasynda qolǵa alynǵan ıgi isterdiń biri búgingi shara dep bilińizder.Eskertkish – eldiń, halyqtyń mádenı murasynyń jalpylama ataýy. Endeshe sol eskertkishi qoıylǵan tulǵanyń ózi halyqtyń murasyna aınaldy degen sóz. Osyndaı ıgi sharany qolǵa alyp, belsendilik tanytyp, jeke qarajatyn bólip otyrǵan jergilikti azamattarǵa kópshiliktiń atynan shynaıy rızashylyǵymyzdy bildiremiz, – dedi J.Omar quttyqtaý sózinde.

Munan soń Qazaqstan Jazýshylar odaǵynyń tóraǵasy Nurlan Orazalın sóılep, jas aqyn Jambyl Dúısenov jyraýǵa arnaǵan óz óleńin oqydy. Eskertkish aldyna gúl shoqtary qoıyldy.

Jalpy, eskertkish búst mesenattardyń 4,6 mln. teńge qarjysyna jasalǵan. Eskertkish avtory – Nurǵalym Isabaev. Búst qoladan quıylǵan, postamenti – mármárdan, bıiktigi 5 metr. Aýlasy abattandanyrylǵan, tán-shan shyrshalary otyrǵyzylyp, gúlzar jasalǵan.

 

Almaty oblysy ákiminiń baspasóz qyzmeti.