سارانداعى بارلىق ۇيلەر مەن الەۋمەتتىك نىساندار جىلۋعا قوسىلدى. جىلۋ كوزدەرى قاجەتتى وتىنمەن قامتاماسىز ەتىلگەن. قالانىڭ بارلىق وندىرىستىك نىساندارى وندىرىستىك باعدارلامالارعا سايكەس جۇمىس ىستەيدى. 2024 جىلى 17 قازاندا ەنەرگەتيكا مينيسترلىگى وسىنداي مالىمدەمە جاسادى، دەپ حابارلايدى Dalanews.kz.
ەنەرگەتيكا ءمينيسترى الماسادام ساتقالييەۆ قازاندىقتاردىڭ، ورتالىق جىلۋ كوزىنىڭ، سونداي-اق جىلۋ جەلىلەرى مەن الەۋمەتتىك نىسانداردىڭ جاعدايىن تەكسەرىپ، جەدەل شتاب وتىرىستارىن وتكىزدى.
"ءقازىر رەزەرۆتە تۇرعان بارلىق جەرگىلىكتى قازاندىقتار دايىندالىپ، ىسكە قوسىلدى. جىلۋدى تولىق كولەمدە بەرىلۋدە. ءبىز بارلىق قازاندىقتاردا جىلۋ بەرۋ تەمپەراتۋراسىن باقىلاۋدامىز. قوسىمشا قازاندىقتارمەن كەڭەيتۋ قاجەت بولعان جەرلەر دە جاقىن ارادا كەڭەيتىلەتىن بولادى. تۇرعىندار بۇرىن بولعان ەكى قازاندىق بويىنشا سۇراق قويدى، بۇل ۇيلەر باسقا جۇمىس ىستەپ تۇرعان قازاندىقتارعا قايتا قوسىلدى"، – دەدى قاراعاندى وبلىسىنىڭ اكىمى ەرماعانبەت بولەكپايەۆ.
ارنايى كوميسسيا قۇرىلىپ، ونىڭ قۇرامىندا ەنەرگيا قاداعالاۋ وكىلدەرى، وڭىرلىك جانە باسقا دا ۆەدومستۆولاردىڭ باسشىلارى، قاراعاندى وبلىسىنىڭ تجد بىرلەسىپ جۇمىس جاساۋدا. ورتالىق جىلۋ كوزىن جوندەۋ كەزىندە جابدىقتاردى جەتكىزۋشى زاۋىتتىڭ ماماندارى شاقىرىلدى.
"ءبىز بارلىق جىلۋ كوزدەرىن ارالاپ، جىلۋمەن قامتۋ سحەماسىن قالپىنا كەلتىرۋ جۇمىستارىنىڭ بارىسىنا جەتكىلىكتى تۇردە ەگجەي-تەگجەيلى تالداۋ جاسادىق. كەلەسى شەشىم قابىلداندى: ورتالىق جىلۋ كوزى ىسكە قوسىلعانعا دەيىن قالانى جىلۋمەن قامتۋدى جەرگىلىكتى قازاندىقتار قامتاماسىز ەتەدى. بارلىق الەۋمەتتىك نىساندار جىلۋمەن قامتاماسىز ەتىلگەن، بارلىق وندىرىستىك نىساندار وندىرىستىك باعدارلامالارعا سايكەس جۇمىس ىستەۋدە"، — دەدى الماسادام ساتقالييەۆ.
ۇيلەرگە جىلۋ بەرۋ اياقتالۋدا. جاعداي ەنەرگەتيكا مينيسترلىگى مەن وبلىس اكىمدىگىنىڭ باقىلاۋىندا ەكەنى ناقتىلانادى.
ايتا كەتسەك، ساران قالاسىنداعى قازاندىق 2024 جىلدىڭ 13 قازانىندا ىسكە قوسىلدى. اقاۋعا بايلانىستى قازاندىقتىڭ جۇمىسى اياق-استىنان كىلت توقتاتىلدى. 15 قازاندا پرەمەر-مينيستر ولجاس بەكتەنوۆ سارانداعى جىلىتۋ ماۋسىمىنداعى جاعداي ۇكىمەتتىڭ باقىلاۋىندا ەكەنىن ايتقان بولاتىن.
